يا اهل العذاري يا اهل العيون الكحيل

يا اهل العذاري يا اهل العيون الكحيل بارت 10

= يا اهل العذاري يا اهل العيون الكحيل بارت 10 ،
'
تركي كان جالس بغرفته وهو يحس انه قاعد يختنق كل ما تذكر انه ما لقى رد من ابوها تجاهل ومشى بدون اي رد! قام وقف وسحب شماغه رماه على كتفه ومشى يطلع وقفه صوت امه،
ام تركي بهدوء : الي سويته ماهو فخر وحب ! انت نزلت راس ابوك قدام الكل!
تركي بهدوء : ونار اللهيب الي بصدري! والحُب الي كسر ظهري ومن كثر ما ضلعي تكسر انا الي نزل راسي مو ابوي،
ام تركي : انت تعرف مُستحيل يعطونك بنته ف ليه سويت كذا! ليه سويت كل هالضجه وانت تعرف مالك نصيب معها!
تركي : ما سويت شي غلط وليه ما يعطوني ايش ناقصني! وكيف اسكت واشوف غيري ياخذها يا يمه! كل ما غمضت عيني طيفها تمر قدامي كل ما طلعت لبرا شفت بيتها تذكرتها!
ام تركي بحزن : الحب سجن ياولدي الحُب سجن لا تسجن نفسك بهالحُب وتضيع عمرك عليه ،
تركي : صح يا يمه الحُب سجن واذا ما نال القلب الي وده ماله الا الاعدام وقام طلع لبرا ، وترك امه الي انصدمت من كلامه وهي تعرف مهما حاولت ماراح يكون في فايده،
'
ابو سلطان : هاه يا سُليمان ايش فكرت؟
ابو هزاع بهدوء : ماراح اوافق يا ابو سلطان ماراح اعطيهم بنتي يبطي عظم هو وولده لكن بنتي ماراح اوافق ياخذونها مني هي فرحتي الاول والاخير ماراح اتركها تروح عني،
متعب : واذا جاء قل لهم بالكلمه الواحد ماعندنا بنات لكم،
هزاع وهو يقوم : والي براسه يسويه محنا خايفين من شي ، قام طلع لبرا اول ما طلع ناظر لـ تركي الي كان واقف والخشب قدامه والمطرقه بيده والواضح حاول يسوي شي ، صد وهو يحاول يتجاهل وجوده ومشى بطريقه للبيت ،
اما تركي الي كان واقف وهو يحاول يسوي اي شي ويشتغل بعد كلام ابوه الي كسره الف مره فجاه التفت للشخص الي حط يده على كتفه وكان سعود ناظر فيه : شتسوي؟
تركي وهو يصد : ولاشي احاول اوقف على رجولي ،
سعود : وش ناوي تسوي ؟
تركي : اسوي الي اسويه بس ماعاد اسند على كتف ابوي ،
سعود عرف انه الموضوع فيه شي سكت : اساعدك؟
تركي : لا اقدر اسوي كل شيء لحالي ،
سعود : هزاع ما عاد يمرك؟
تركي : ماعاد يهمني دامه راضي بحركاته ماني رايح ابرر له ،
'
هزاع دخل البيت وهو كل تفكيره بـ تركي وهو عارف انه تركي بهالوقت بحاجته بحاجة اصحابه يوقفون معه لكن كل ما فكر للي سواه يتراجع : ماني جايك ولا لي علاقه فيك صد وهو يشوف كحيله كانت واقفه تصب مويا لـ عصافيرها ،
وهمس بهدوء : وينها امي يا كحيله؟
كحيله : اتوقع مع خالتي بالمطبخ يطبخون ،
هزاع : ابوي كلمك بشيء؟
كحيله هزت راسها بالنفي : لا ما كلمني ليه؟
هزاع بهدوء : ولاشي، وقام مشى للمطبخ لعند امه ،
ام سلطان كانت واقفه تطبخ وسلطان وخالد بالمطبخ ،
ام هزاع : انتم الاثنين تتركونا نطبخ ولا لا!
سلطان : خالتي لا تحطون فلفل بالاكل ما احبه ترا ،
خالد : اقول اسكت بس انت تاكل الاخضر واليابس وقف على الفلفل اصلًا يحطون ولا لا انت لاحس الصحن يعني لاحس،
سلطان : والله انت الي تلحس اصابعك بعد مو انا ،
ام سلطان بعصبيه : اطلعوووو لا اضربكم بهالصحن،
دخلت اسماء وناظرت فيهم : شتسون انتم هنا؟
سلطان : زين جيتي يلا ساعدي امي خلي عنك الدلع ،
اسماء وهي تصد : مالك دخل خلك بنفسك ،
سلطان : لا تطولين لسانك ساعديها وانتي ساكته ،
اسماء : بكيفي ماراح اساعدهم ومشت لبرا ،
خالد بضحكه : تستاهل ، هزاع كان وقف يضحك عليهم،
'
منيف ناظر لـ تركي وهو يضحك ومشى لعنده : ايش تبيع؟
تركي صد وهو يكمل شغله سعود ناظر لـ منيف وسكت ،
منيف : هاه عطوك كحيله ولا لا ،
سعود بحده : روح من هنا لاقوم اجرم فيككك الحين ،
منيف : شكله يبيع كُتب عن حبه لبنت سُليمان ،
تركي الي انجن جنونه من كلامه رمى المُطرقه من يده وقرب من منيف مسكه من ياقته وهو يضربه ،
سعود انصدم وقرب وهو يفك بينهم ،
ابو سعود الي انصدم و ركض لعندهم وتعالت صراخهم ،
منيف وهو يدفه عنه : تستاهللل زين ما عطوك بنتهم ،
وتركي الي كان الدم ينزف من خشمه ويتنفس بقهر وعصبيه ،
سعود بحده : منيففف تقلعع من قدام وجهي عشان ما ارجع اكمل عنه فيك ، الكل انصدمو و ركضو لعندهم ،
متعب بحده : شصايررر انجنيتو انتم؟؟؟
تركي كان معطيهم ظهره وهو يمسح الدم من خشمه بـ كُم ثوبه ما همه الضرب من منيف همه حرقة صدره ،
منيف : يطلع حُرته فيني بعد ما رده عمي سُليمان واحد فاشل زيك مين يعطيه بنته يالداشر ،
هزاع الي انصدم وهو يناظر لـ تركي كان ساكت ويمسح دمه،
هزاع مشى وقف قدامه ومسكه من كتفه وقرب من اذنه وهمس بحده : سكت كثيررر وانت تمشي وتتكلم عن اختي للرايح والجاي احترم نفسك ولا عاد اسمع طاريها بهالقريه سودت وجهي قدام الكل وتخسييي وتبطي عظم وتعقب اني اوافق انك تاخذها والمره الجاي ما اكلمك بالطيب راح اسدحك على الارض و اطعنك واجرم فيك و دفه بقوه ومشى ،
تركي انصقع كتفه على الجدار وهو ساكت ولا تكلم بحرف واحد ومتعب مشى وقف قدامه : ايش تبي بالضبط فهمني؟
تركي كان ساكت و سعود الي كان منصدم من هزاع ،
متعب : لا تسود وجهنا اكثر من كذا بيكون افضل و لو وصل شي لـ عمك سُليمان ماراح يتركك يقوم يكسر العصا على ظهرك و يقطع النعال على ظهرك وهالمُطرقه الي قدامك يفجر راسك فيه وصد ومشى وهو مقهور من الي يصير ،
تركي الي كان ساكت وواقف بمكانه ولا تكلم بحرف واحد. 
سعود حزن عليه قرب منه وهو يحضنه بدون ما يتكلم ،
تركي بهاللحظه الي انهار بعد كلام هزاع ومتعب كان يحاول يقسى على نفسه ولا ينهار لكن من حضنه سعود انهار ،
سعود طبطب على كتفه : يمكن خيره لك وانا اخوك اتركك منهم و ربي يعوضك بلي افضل واحسن منها ،
'
هزاع دخل البيت وهو مقهور متعب مشى لعنده وناظر فيه بهدوء : حاول تهدي نفسك ،
هزاع بقهر : خالي كيف احاول اسكت عنه وانا اشوف كل هالافعال! اليوم سوا كل هالمشاكل عشان اختي بكره بيسوي اكثر من كذا! ما توقعت منه هالحركه وثقت فيه انا!
متعب صد : وانت قاعد تسوي نفس الشي لا تنسى ،
هزاع بصدمه : شسويت انا؟
متعب : تحب اخت خويك من ورا ظهره ولا ناسي؟
هزاع بهدوء : احبها وانا ناوي اطلب يدها باحترام مو ادخل المقلط قدام الخلق والخالق واطالب فيها زي ما سوا تركي! واقعد اتمشكل مع الرايح والجاي!
متعب : وايش فكرت تسوي؟
هزاع : معرف يخي خلنا نخلص من موضوع عجلان وابوه ،
متعب : الغريب انهم ما وصلو للحين للرد  ،
هزاع : يمكن عشان ابوي قال لهم نحتاج وقت ،
'
اسماء : كحيله يخي شفيكِ كذا متضايقه؟
كحيله بهدوء : مافيني شي بس تعبانه شوي ،
مريم : اجل نامي حنا بروح للحوش ،
كحيله هزت راسها بـ اي وهي تنسدح ، والبنات طلعوا ،
اسماء وقفت وهي تشوف سلطان بالمطبخ دخلت وناظرت فيه بصدمه : خاف ربك باليوم كم مره تاكل انت!!!
سلطان : اقول اسكتي محد كلمك ،
خالد دخل وناظر لاسماء : سوي شاي وانزلو تحت للحوش،
مريم : ليه شصاير لا يكون في شي جديد؟
خالد : مافي بس امشو تعالو صار هوشه بين منيف و تركي،
'
ام تركي انصدمت وهي تشوف تركي دخل للبيت وحالته حاله
ابو تركي التفت له بسخريه : قطعو النعال على ظهرك ولا باقي! هذا شكل واحد يوقف رجله صح!!
تركي كان ساكت ويسمع لكلامه ولا يرد ،
ام تركي مشت لعنده : شفيك ياولدي شصار؟
ابو تركي صد ومشى بقهر ، تركي ناظر فيه ونزل راسه ،
زليخه مشت لعنده : تركي منجدك انت !!!
ام تركي بحدها : روحييي انتي يكفي ابوكِ لا تكملين عنه ،
زليخه سكتت وصدت مشت لغرفتها ،
ام تركي بحزن : تعال ياولدي تعال اخذته معه للغرفه،
'
ابو سعود بهدوء : افكر نطلع من هنا قبل ندخل بمشاكلهم،
ام سعود بصدمه : شلون نطلع وليه ندخل بمشاكلهم؟
ابو سعود : الواضح اهل عجلان مو ناوين خير على هالقريه ماودي نتدمر بهالمكان وانا اخذت قرار راح نطلع من هنا ،
ام سعود بحزن : بس تعودنا هنا كل حياتنا هنا!
ابو سعود : وليه ما نغير حياتنا ونشوف مستقبل عيالنا ونفرح فيهم وانتي عارفه هنا مافي شي لا مستقبل ولا هم يحزنون ،
ام سعود : اذا على مستقبلهم فانا ماعندي مانع لكن ما احس الي تسويه صحيح طول عمركم اصحاب ومع بعض ووقت الشين تتركهم وتمشي؟
ابو سعود : انا اخترت حياة عيالي ومستقبلهم وانتي شايفه ترفه كبرت ومن حقنا نفرح فيها ونشوف مستقبلها ،
ام سعود : وكيف تكلمهم انك ناوي تطلع؟
ابو سعود : ماراح اكلمهم الحين راح نمشي بدون ما نعلم احد نطلع من القريه باخر الليل لا احد درا ولا عرف بشيء ،
ام سعود سكتت وهي مو راضيه عن هالفكره ،
'
سعود دخل لغرفة ترفه : وينه شماغ هزاع عطيني ياه ،
ترفه بتوتر : معرف ءءما اخذته انت تركته وانا ءءما شفته ،
سعود بصدمه : شلونن ما شفتيه!!! انا حطيته قدامك!
ترفه : يخي معرف اسال من امي يمكن شالتها ،
سعود التفت وناظر للشباك كان مفتوح : رجعتيي تفتحينه!!!
ترفه فزت بخوف : ءءلا عشان العصافير اعطيهم اكل ،
سعود بحده : ماهُم بحاجة اكلك ولا عاد اشوفك تفتحين الشباك لو المره الجاي شفت انك فتحتي رميتك منه ،ومشى
ترفه انقهرت منه مشت جلست وهي كل بالها بـ هزاع وينه ماعاد يجي ولا يتطمن ولا له حس ،
'
= صباح يوم جديد على ابطالي =
'
سعود كان بالبقاله مع ابوه يساعده وطلع وهو يناظر لـ متعب وسلطان وخالد وهزاع متوجهين للبقاله ،
سعود : بالله لا تقولون كلكم تدخلون تطيحون علينا البقاله،
سلطان : يليل وانا ناوي اسرق الاب والابن الاثنين مع بعض،
سعود : اجل من اليوم عيني عليك ،
خالد بصراخ : عيال شوفو شوفو جت الكافره ،
سعود التفت وهو يشوف العراقيه نسرين متوجه لعندهم ،
سعود ناظر لـ متعب : شعرييي زين ولا ارتبهم؟
متعب دفه : يخي وخر احنا نستحي نطالع بوجهك وانت تبغى هذي جمال وكمال تطالع فيك؟
سعود صد : اقول اسكت واضح معجبه فيني تجي البقاله عشاني وعشان تشوفني ،
سلطان : والله خيالك واسع يا سعود بس شكلك ناسي مافي هنا غير بقالة ابوك يعني البنت مجبوره تجي ،
نسرين صدت عن طريقهم ودخلت البقاله ،
سعود : يا عيال كيف اقولها بالعراقي ايش تبغين تشترين؟
خالد : الحقها قل ايش تريدين ،
هزاع : لا تفشلنا الله يفشلك خلك بمكانك ،
سعود مد يده رتب شعره وهو يدخل البقاله ويناظر فيها،
ابو سعود لاحظ عليه اخذ العصا وضربه : طالععع بالارض ،
سعود فز وطلع من البقاله : يخييي ابوي ما يتركني اشوف مستقبلييي ويقول يهمني مستقبل عيالي ،
هزاع : يليل الخروف تشوفها مستقبلك الحين؟
سلطان : وين الغيره يا سعود وهي طالعه بـ فُل مكياج!
سعود : خلوني اتزوجها بس اكسر رجولها لو تطلع كذا ،
سلطان : انتبه لا هي تقوم تكسر راسك انت وخيالك ،
فجاه التفتو وهم يسمعون اصوات الخيول والواضح والاكيد عجلان وابوه مافي غيرهم وفعلًا كانو هُم وقفو وهم ينزلون،
متعب التفت لـ هزاع : امشي معي ، و مشو متوجهين للمقلط والعيال كلهم لحقوهم ،
'
'