يا اهل العذاري يا اهل العيون الكحيل

يا اهل العذاري يا اهل العيون الكحيل بارت 26 ،

= يا اهل العذاري يا اهل العيون الكحيل بارت 26 ،
'
كحيله وقفت عند المرايا وهي تتذكر اهلها نزلت دموعها لكن فزت مسحت دموعها من سمعت صوت عجلان و التفتت له
عجلان بحده : مووو قلتتت مابيي اشوففف هالدموع!
كحيله : ءءتذكرت اهلي و...قاطعها عجلان بصراخ : ماااا يهمنيييي تذكرتيييي مينن ولا تنسيننن كلامككك شقلتيي ! مو قلتي خلاص ماراح اجيب طاري اهلي ولا اطلب منك تاخذنيي لهممم ومستعده تشتغلين خدامه عندي ولا تراجعتي!!
كحيله فزت وناظرت فيه ، عجلان سكت من سمع صوت السياره وهمس : هُم وصلو وبسرعه عدلي وجهك وقام نزل لتحت مشى فتح الباب دخل ابوه ابتسم وحضنه ، عجلان ناظر لـ لطيفه وتغير ملامح وجهه وصد ،
ابو منال و لطيفه دخلو وناظرو لـ كحيله لطيفه مشت سلمت عليها ابو عجلان ناظر فيها : كيفك ؟
كحيله بهدوء : ءءبخير و، و رفعت نظرها لـ عجلان الي كان واقف يطالع فيها وهمس : روحي شوفي الاكل تجهز ولا لا ،
كحيله مشت بهدوء دخلت بالمطبخ : ليهه ليهه هو مبسوط مع اهله ليهه حرمنييي من اهلييي ليههه ،
العامله ناظرت فيها بحزن وسكتت وهي تكمل شغلها ،
كحيله مشت جلست على الكرسي وهي تبكي فزت من شافت اليد الي مد لها مويا رفعت نظرها وكان عجلان واقف وبيده كاسة مويا : اشربي طفي هالنار وامشي قدامي ،
كحيله اخذت المويا منه وشربت بهدوء وقامت عجلان مد يده ومسك يدها وهو يحاول ما يخلي لطيفه تشك بشيء لانه يعرف لو شكت اكيد راح تعلم ابوه بكل شيء ،
لطيفه رفعت راسها وهي تشوف عجلان داخل وماسك يد كحيله ومشى جلس كحيله جلست جنبه ، العامله مشت حطت القهوه قدامهم وصبت لـ لطيفه و ابو عجلان ،
عجلان قرب اخذ الدله و صب و مد الفنجان لـ كحيله ،
كحيله انصدمت وناظرت فيه عجلان ابتسم : تفضلي ،
كحيله اخذته منه وهي ترتجف عجلان لاحظ وخاف احد يلاحظ حط يده بيدها وهو يشد عليها كحيله نزلت راسها وبيدها فنجان و يدها الثاني عجلان حاط يده عليها ،
ابو عجلان : اي ما قلت لي ليه تارك الشركه كذا؟
عجلان رفع نظره لـ لطيفه : مشغول مع عروستي ،
كحيله كانت ساكته وتحاول تمثل الابتسامه ،
عجلان سند ظهره على الكنب و رفع يده وحطه على الكنب ورا كحيله وقام يلعب بشعرها وهو يناظر لـ لطيفه ،
كحيله كانت مو متطمنه من حركاتها وترتجف بخوف ،
ابو عجلان ابتسم وقام : يلا انا رايح اخلص مشواري و راجع،
عجلان ابتسم و ابو عجلان مشى لطيفه كانت جالسه ،
عجلان تعمد قدامها وناظر لـ كحيله : ما قلتي لي عجبك الهديه الي جبته لك؟ كحيله انصدمت و التفتت له ،
عجلان : اذا ما عجبك عادي نروح نغيره ،
كحيله بهدوء : ءءلا عجبني ،
لطيفه قامت بهدوء : اروح اشوف العامله شسوت ومشت ،
عجلان من شاف انها راحت وقام دف كحيله من جنبها كحيله فزت من طاح الفنجان من يدها على ملابسها وانحرقت ،
عجلان قام صد ومشى ، كحيله ركضت للحمام وهي تبكي من الحرق مشت وهي تغسل يدها وملابسها ،
عجلان مشى وقف وهو يدخن بعد دقايق رمى الدخان من يده ودخل للبيت كحيله كانت واقفه وبيدها المنديل وتمسح على ملابسها مشى وقف قدامها : قلتي لي عجبك الهديه!
كحيله الدموع كان بعيونها نزلت راسها وهي تمسح ،
عجلان قرب ومسك يدها بحده : لااا تتجاهلينيييي!!! وقرب منها وناظر فيها : وان..سكت من شاف لطيفه طالعه من المطبخ فز وهو يشوف كحيله الدموع بعيونها قرب منها وهو يبوس خدها ومد يده بحركه سريعه ومسح دموعها ،
كحيله انصدمت وحاولت تدفه لكن عجلان ضغط على يدها بقوه وهمس باذنها : اميييي وراكِ ، كحيله فزت ونزلت راسها مدت يدها ومسحت دموعها ، لطيفه كانت تناظر فيهم وابتسمت : انتم بالصاله مو بالغرفه ،
عجلان : ايي بس حنا متعودين نسينا وجودك انك هنا ،
لطيفه بهدوء : جيت اقولكم الاكل جاهز ومشت بهدوء ،
كحيله دفت عجلان بقوه اول ما لاحظت انها لطيفه راحت ،
عجلان مسح على فمه بقرف : كنت احاولل انقذذذ الموقف بس وارجع اقولكك لاا اشوف هالدموعع كل شويي ،
كحيله صدت وقامت بتمشي عجلان مسك يدها وابتسم بسخريه : ولا كل مره تمثلين هالدموع عشان ابوسك؟
كحيله انصدمت وناظرت فيه بقرف وحاولت تسحب يدها لكن عجلان همس : روحي غيري فستانك وانزلي كلي ونسيت اقولك كل ملابسك بغرفتي قلت للعامله تحطهم هناك بس تروح امي وترجعين لمكانك الاساسي صد ومشى ،
كحيله ركضت دخلت الغرفه وقفلت الباب وسندت نفسها على الباب وهي تبكي حطت يدها على فمها وهي تحاول تكتم بكاءها لكن فزت من سمعت احد يدق الباب ،
عجلان شاف انه الباب مقفل و دقه بكل قوته ،
كحيله فزت وفتحته عجلان ناظر فيها : للحين ما خلصتييي!
كحيله بهدوء : ءءالحين اءء..عجلان دفها ومش فتح الدولاب وهو يحوس بملابسها وطلع فستان لونه بيج و رماها عليها وهمس : خمس دقايققق بسسس انتظرك تحتتت انزلي بسرعه وقام طلع لبرا ، كحيله قفلت الباب ودموعها تنزل ومشت غيرت وعدلت شعرها ونزلت لتحت ، عجلان كان جالس و لطيفه جالسه ، كحيله مشت جلست بهدوء جنبه
عجلان كان ياكل والتفت لها من شافها جلست ومد يده وهو يحط لها اكل بصحنها كحيله مدت يدها اخذت الشوكه وهي تاكل ، عجلان كان يناظر لنظرات لطيفه كانت تناظر لهم ،
عجلان ابتسم و مد اخذ اللقمه ومد لـ كحيله ،
كحيله ناظرت انه نفس الشوكه الي ياكل فيه وانصدمت وهزت راسها بالنفي : ءءلا اكل بنفسي ،
عجلان انقهر منها و ترك الشوكه من يده : انا شبعت وقام مشى ، لطيفه ناظرت لـ كحيله : متهاوشين؟
كحيله فزت وهزت راسها بالنفي : ءءلا مو متهاوشين ،
'
= بعد ما وصلو البيت ديم كانت معها =
'
ديم ناظرت لمنال : انا تاخرت وفيصل تحت ينتظرني ،
منال بهدوء : تمام وشكرًا انك جيتي وخففتي عني ،
ديم ابتسمت : بس راح اذبحك لو ما رديتي على اتصالاتي،
منال هزت راسها بهدوء ديم حضنتها ومشت ،
فجاه دخلت ام منال ومشت حطت الاكل قدامها ،
منال صدت : مابي اكل شي ،
ام منال بحدها : كلييي وانتي ساكته يكفي الي سويتيه في ابوكِ للحين مو قادر يطلع من البيت حتى ،
منال نزلت دموعها و صدت ، فجاه سمعو صوت الباب ،
ام منال طلعت لكن رجعت لوراء وهي تشوف ابو منال فتحت الباب وكان ابو سعود وهمس : السلام عليكم.
ابو منال صد : ولدك ترك سلام لاحد ،
ابو سعود : اعرف انه ولدي غلط وانا جاي اعتذ..سكت من ابو منال تكلم : تعتذر!! تشوف الموضوع كله اعتذار! بعد شهر كان عرسها وجاء خطيبها تركهاا و رمى الخاتم بوجهييي على تربيتي اي اعتذار تتكلم عنه عن افعال ولدك القذر!!
ابو سعود بحزن : اعرف الشعور الي تحس فيه واعرف انه ولدي غلط بحق بنتك لكن والله ما بينهم شي انا بنفسي سالته وهو قال ل..قاطعه ابو منال : هو قال وانت صدقته لو فعلًا هو صادق ما كاننن لمسهاااا ولو سمحت روح من هنا مابي اغلط بحقك ، ابو سعود نزل راسه بحزن ومشى ،
'
تركي صلى الفجر وطلع من المسجد وقف من شاف هزاع الي كان واقف عند بيت ابو سعود تنهد بضيق فقد هزاع وهالمره فقد سعود صديق عمره صد وقام بيمشي لكن وقف من شاف سلطان : سلام ،
سلطان : وعليكم السلام غريب مالك حس يالله نشوفك ،
تركي : ابد زي ما انت شايف مسكت محل ابو سعود ومشغول فيه ماعندي وقت لشيء ،
سلطان : ايي اشوف تغيرت بعد سعود ،
تركي ابتسم بخفه : هو الوحيد كان يجمعنا ونجلس ،
'
ابو سلطان : ليهه صايررر حتى المسجد ما تروححح!!'
ابو هزاع كان ساكت وكل باله بـ كحيله وندمان على كل شي ندمان انه طالب بـ دم هزاع و ضحى ببنته هالمره ،
ابو سلطان : بنتك تززوجتتت مو ماتت عشان تسوييي بنفسكك كذااا من راحت وانت حالتك كذاا حتى الصلاه ما تصليي!!
'
ام هزاع بعد ما صلت وخلصت رفعت يدها وهي تدعي لـ كحيله نزلت دموعها لكن مدت يدها ومسحت دموعها والتفتت لـ هزاع الي دخل غرفتها وحالته حاله ،
ام هزاع ناظرت فيه : شصاير فيك متغير؟
هزاع بهدوء : حتى انتي وابوي متغيرين مو بس انا ،
ام هزاع بحزن : فقدنا اختك كثير ،
هزاع صد : لو هي فعلًا حاسه بفقدنا كان جت بس الظاهر مبسوطه هناك بحياتها ف ليه نشغل بالنا فيها ،
ام هزاع سكتت وهمست بقلبها : ليتك تعرف الحقيقه ليتك تعرف ابوك ليه ضحى فيها بسببك بسببك ،
'
ترفه بهدوء : لو نرجعع للقريه احسن ،
ام سعود التفتت لها : انسيي ذاك المكان محنا راجعين ،
ترفه بصدمه : شلون مو راجعين ابوي بنفسه قال نزور عمتي ونرجع هناك مستحيل اعيش هنا ا..سكتت من سمعت صراخ امها : اسكتييييي مابييي اسمع صوتككك يكفيي اخوكككِ. 
ترفه فزت من صراخها وقامت ركضت لغرفتها بقهر ،
'
عجلان ناظر لابوه الي مشى للغرفه و لطيفه لحقته و التفت لـ كحيله : الحين وقت نومي الحقيني لغرفتي ومشى ،
كحيله خافت من كلامه ومشت جلست على الكنب وناظرت للعامله كانت تنظف وهمست : شرايك انام معك بغرفتك؟
العامله : انتي تعرفين عجلان راح يذبحني معك ،
كحيله تنهدت بقهر لكن فزت من شافت عجلان واقف يسمع،
عجلان ناظر فيها : غرفتي ينتظرك وتبين تنامين بغرفتها؟
كحيله صدت : ما راح انام معك ولا ادخل بغرفتك ،
عجلان : بس غيرتي فستانك بغرفتي ويمكن في كاميرا ،
كحيله فزت بصدمه : ءءكاميرا ايش؟؟؟
عجلان ناظر للعامله الي كانت تضحك وضحك و صد و رجع التفت لها : امي هنا عشان كذا اقولك تقلعي نامي بغرفتي ولا انا مو ميت انام معك ومشى ، كحيله ناظرت للعامله كانت تضحك وقامت بقهر ومشت لغرفته عجلان كان واقف يدخن حطت يدها على خشمها من الريحه ،
عجلان التفت لها : تعودي راح تشمين هالريحه كليوم او بالاصح طول حياتك مالك مفر ،
كحيله صدت ومشت بهدوء وجلست على الكنب ،
عجلان ناظر لرسالة فارس ورمى الدخان تحت والتفت لها : رايح عندي مشوار ولا اشوفك طالعه من الغرفه او تتحركين من هالمكان فاهمه! وياويلك لو استغليتي غيابي وعلمتي اهلي بكل شيء ، كحيله سكتت ونزلت راسها عجلان قام طلع وقفل الباب ونزل لتحت ومشى فتح الباب وهو يشوف فارس ماسك يوسف ابتسم ومشى اخذه منه وهو يبوسه : ياهلا ياهلا ،
فارس : هاه رجع عقلك براسك؟
عجلان وهو يناظر لـ يوسف : ما رجع ولا راح يرجع لكن تراجعت عن قراري بشرط فقط ،
فارس : اوه تفضل يا سيد عجلان علمني ايش شرطك لها؟
عجلان تنهد وهو يحط يوسف فوق السياره : ابي منها طفل ،
فارس انصدم وقام يضحك : دور مزحه ثانيه تكفى ،
عجلان بهدوء : ما امزح فعلًا هذا شرطي ،
فارس بحده : عجلاننن لا تنجننن ! ترا مو موقع تطلب وصلى الله وبارك!! شفنا الي جبته وشفنا افعالك بعد ،
عجلان بحده : اوووه بدينااا هالحركات! وبدينا طقطقه ،
فارس : ماااا اطقطق خلقة ربي والنعم فيها وفيك لكن بطل تفكر هالتفكيررر وفكر بـ حلا وانا ما اطقطق عليها هي زي ولدي يوسف لكن انت شقاعد تسوي تخلف و تهرب!
عجلان صد : فارس قفل هالسوالف ما جيتك عشان تفتح وجع قلبي جيتك ارتاح وانسى كل شيء ،
فارس بهدوء : انزين خلنا من كل شيء علمني شخبارك؟
عجلان رفع كتوفه : انت ايش شايف؟
فارس شال يوسف من السياره : خلنا نمشي نتقهوى ،
عجلان : والله الدنيا حر وشمس وانت تبغى نتقهوى ،
فارس : امش بس وهالدلوع خرب كل ما طلعت من البيت بكى و ركض وراي ، عجلان ضحك واخذه منه ،
فارس مشى ركب وعجلان ركب معه وحط يوسف بحضنه ،
'