ဒီနှစ်အတွက် ကုမ္ပဏီရဲ့အစုရှယ်ယာအဖွဲ့ဝင်ခွင့်ကို ပိတ်သိမ်းလိုက်ပြီး နိုင်ငံခြားရင်းနှီးမြှုပ်နှံမှုတစ်ချို့ကိုလဲ ရပ်နားလိုက်သည် ။ ဥက္ကဌ ဧကရာဇ်မောင်ရဲ့ ချမ်းသာကြွယ်ဝမှုတွေက ဘယ်သူမှလိုက်မမှီနိုင်တဲ့ အဆင့်မှာရောက်ရှိနေပြီး တိုးတက်မှုရာခိုင်နှုန်းတွေကိုထပ်မံမြှင့်တင်နိုင်လျှင် ကမ္ဘာအဆင့်မှီတဲ့အထိ ရောက်ရှိနိုင်သည် ။
သို့ပေမဲ့ ကမ္ဘာ့နေရာအနှံ့က နိုင်ငံအသီးသီးမှာဖြန့်ချီထားတဲ့ လုပ်ငန်းတွေရဲ့ရင်းနီးမြှုတ်နှံမှုကို ရပ်ဆိုင်းလိုက်တော့ အဖွဲ့ဝင်တစ်ချို့က နှမြောနေကြပြီး ဥက္ကဌဘာကြောင့် ဆက်ပြီးမချဲ့ထွန်ချင်တော့မှန်း နားမလည်တော့ခြေ ။
လက်ထောက်ဖြစ်သူသက်မောင်က အစည်းအဝေးခန်းမထဲသို့ ဝင်လာခဲ့ပြီး ဥက္ကဌဧကရာဇ်မောင်ထံ တိုးတိုးလေးပြောလိုက်သည် ။
" ဥက္ကဌ … C မြို့ရဲ့အကြီးမားဆုံးလုပ်ငန်းရှင်ကြီးဖြစ်တဲ့ ရှန်ဟွှာအဖွဲ့အစည်းကဆက်သွယ်လာတယ် … ဥက္ကဌပိုင်ဆိုင်တဲ့ C မြို့ရဲ့မြေကွက်တစ်ခုပေါ်မှာ အဆောက်အဦးတစ်ခုဆောက်လုပ်ဖို့နဲ့ ဒီဇိုင်းရေးဆွဲဖို့အတွက် သူတို့နဲ့ပူးပေါင်းဖို့ ကမ်းလှမ်းချင်လို့ပါတဲ့ … သူတို့နဲ့ပူးပေါင်းရင် အပေးအယူအနေနဲ့ ဥက္ကဌရဲ့လုပ်ငန်းထဲမှာ ရင်းနှီးမြှုတ်နှံပါမယ်လို့ပြောတယ် "
အားလုံးက ရှန်ဟွှာဆိုတဲ့နာမည်ကြားတော့ အံ့အားသင့်ကုန်ကြသည် ။ ရှန်ဟွှာက စီးပွားရေးလောကမှာ အကျော်ကြားဆုံးဖြစ်သလို ရှန်ဟွှာရဲ့သခင်ကြီးက အမှောင်လောကရဲ့ဘုရင်တစ်ပါးဖြစ်သည် ။
သူသာမြေကိုလိုချင်လျှင် ခွင့်ပြုချက်တောင်းစရာမလိုပဲ သိမ်းပိုက်နိုင်ကာ ဧကရာဇ်မောင်လို ကမ္ဘာ့အဆင့်မှီမဟုတ်တဲ့ အဖွဲ့အစည်းထံကနေ ဒီဇိုင်းရေးဆွဲဖို့အတွက် အလွယ်တကူဖိအားပေးနိုင်သည့်အာဏာရှိသည် ။ ခုလိုကမ်းလှမ်းမှုက သူတို့အတွက်တော့ ဘုရားပေးတဲ့ဆုလဒ်တစ်ခုလိုပင် ။
ဧကရာဇ်မောင်ရဲ့လုပ်ငန်းစုက M နိုင်ငံရဲ့အဆင့် 1 မှာရှိနေလျှင်တောင် ကမ္ဘာအဆင့်နှင့်ကြည့်လျှင် 1 to 10 ဝင်နိုင်ဖို့အတွက် လိုအပ်ချက်ရှိနေသေးသည် ။ ရှန်ဟွှာကတော့ ကမ္ဘာအဆင့် 1 to 10 မှာ 3 နေရာမှာရှိနေပြီး C နိုင်ငံရဲ့ အင်အားအကောင်းဆုံးအဖွဲ့အစည်းဖြစ်သည် ။
YOU ARE READING
Hidden love " ကုမုဒြာ "( complete )❤️
Romanceလရောင်ဆန်းမှ ပွင့်လန်းသည့် ကုမုဒြာပန်းကလေးတွေတောင် လရောင်ပျောက်ကွယ်သွားချိန်မှာ ညှိုးနွမ်းသွားတတ်ကြတယ် ... မောင့်အပေါ်ချစ်တဲ့ မုဒြာရဲ့အချစ်တွေကလဲ မောင့်ရဲ့ ဥပေက္ခာပြုမှုတွေကြောင့် ပျောက်ကွယ်သွားခဲ့သည့်အခါ ... မောင့်နှလုံးသားထဲက ပုန်းကွယ်နေတဲ့ချစ်ချ...
