အစည်းအဝေးပွဲပြီး၍ မုဒြာပြန်လာတော့ ဧကရာဇ်မောင်ကားနဲ့အတူ ပြန်လာကြသည် ။ တစ်လမ်းလုံးလဲ ဧကရာဇ်မောင်က မုဒြာကိုသာ ဂရုတစ်စိုက်ကြည့်နေပြီး အနောက်မှာပါလာတဲ့ ကသစ်ပန်းကို သတိပင်မရပေ ။ မုဒြာမျက်နှာက မအီမသာဖြစ်နေတော့ သူကမေးလာသည် ။
" အဆင်ပြေရဲ့လား "
မုဒြာကားမှန်ကနေတစ်ဆင့် ကသစ်ပန်းရဲ့မျက်နှာ မဲမှောင်နေပုံကိုမြင်လိုက်ရတော့ ကျေနပ်သွားသည် ။ ဧကရာဇ်မောင်သူ့ကိုဂရုစိုက်လျှင် သူမမကြိုက်မှန်းသိနေ၍ မုဒြာကပို၍ပင် သူမမကျေမနပ်ဖြစ်နေတာကို မြင်ချင်လာသည် ။ ဒါကြောင့် သူ့ရဲ့လက်ကိုဆုတ်ကိုင်ထားတဲ့ ဧကရာဇ်မောင်ရဲ့ လက်ကိုပြန်ဆုတ်ကိုင်လိုက်ပြီး ညှင်သာစွာဖြင့်ပြောလာသည် ။
" ကြမ်းကြမ်းတမ်းတမ်းနမ်းထားတော့ နှုတ်ခမ်းထွေထုံနေပြီ နေလို့မကောင်းဘူး "
ဧကရာဇ်မောင်မှာ ပြာပြာသလဲဖြစ်သွားရသည် ။
" နောက်တစ်ခါ ကိုယ်ညှင်သာပါ့မယ် … နေလို့မကောင်းရင် ဆေးရုံကို ခေါ်သွားပေးရမလား "
" မလိုဘူး "
မုဒြာချက်ချင်းတားလိုက်သည် ။ ဆေးရုံကိုသွားရင် သူ့ကိုယ်ဝန်အကြောင်းပေါ်သွားနိုင်သည် ။ ဒါကိုရိတ်မိသွားတဲ့ သစ်ပန်းက ထိုအခြေအနေမှာ သူ့ရဲ့ဒေါသကိုထိန်းပြီး မြှောင့်ပင့်ကာ ဆိုလာသည် ။
" ဟုတ်သားပဲ … ဆေးရုံသွားပြတာအကောင်းဆုံးပဲ … သခင်လေးမုဒြာရဲ့ကျန်းမာရေးကပိုအရေးကြီးတယ်လေ … အစစ်ဆေးခံရမှာကြောက်လို့လားဟင် "
သူမရဲ့လေသံက သံသယဝင်စရာကောင်းနေ၍ မုဒြာလျှို့ဝှက်ချက်ကို သူမသိနေမှန်းရိတ်မိသွားသည် ။ သူမလိုမြေခွေးက ရှာဖွေမယ်ဆို ကိုယ်ဝန်ကိစ္စကလဲ ဖုံးကွယ်လို့ရမဲ့အရာမဟုတ်ဘူး … ဒါဆိုဘာကြောင့်သူမက ဧကရာဇ်မောင်ကို တိုက်ရိုက်ဖွင့်မပြောလိုက်တာလဲ ? မုဒြာက သူမသိနေမှတော့ ဒီကိစ္စအနှေးနဲ့အမြန်ပေါ်သွားမှာကိုကြိုတွေးမိသည် ။ ယံယံနဲ့ဆွေးနွေးဖို့လိုလာပြီ ။
" ငါဆေးရုံတွေကိုမသွားချင်ဘူး … ယံယံကိုပဲခေါ်ပေးလို့ရမလား "
YOU ARE READING
Hidden love " ကုမုဒြာ "( complete )❤️
Romanceလရောင်ဆန်းမှ ပွင့်လန်းသည့် ကုမုဒြာပန်းကလေးတွေတောင် လရောင်ပျောက်ကွယ်သွားချိန်မှာ ညှိုးနွမ်းသွားတတ်ကြတယ် ... မောင့်အပေါ်ချစ်တဲ့ မုဒြာရဲ့အချစ်တွေကလဲ မောင့်ရဲ့ ဥပေက္ခာပြုမှုတွေကြောင့် ပျောက်ကွယ်သွားခဲ့သည့်အခါ ... မောင့်နှလုံးသားထဲက ပုန်းကွယ်နေတဲ့ချစ်ချ...
