واحد بيحكي وبيقول أنهاردة بعد أما خلصت صلاة اشتريت حاجات ، وانا مروح لقيت شاب واقف بيخبط على باب مسجد صغير وسألني هو قفل ليه !
قولتله " الجوامع الصغيرة بتقفل لحد قبل الفجر بشويه فـ ممكن تروح مسجد تاني، وخلينا نجرب نخبط تاني " 💛
وقعدت اخبط شويه فـ فتح مسئول المسجد فقولتله في شاب عاوز يصلي ، فلاقيت الشاب بيقولى شكراً ، فقولتله تعالى أنا هدخل أصلي معاك 💛
دخلت وصليت قيام الليل ، ولما صلى العشاء وخلصنا قعدت أكلمه شوية وعرفت إنه أول يوم يصلي ويصوم النهاردة وإنه ناوي يتغير ويقرب من ربنا وحكالي شوية معاصي عملها وقولتله إزاي يكفر عنها ، حرفيا كان بيعيط بحُرقة على عمره اللي ضيعه بعيد عن ربنا 💛
وأكتر جملة قالها علقت معايا " أنا جربت كل حاجه حرام وعمرى ما حسيت إني مرتاح زى ما حسيت انهاردة وانا صايم وقريب من ربنا " 💛
فضلنا نتكلم وقولتله يقوم يصلي ركعتين توبة وفهمته الصلاة فقام يصلي وأنا قعدت اقرأ قرآن ، فات ربع ساعة ولقيته غاب في الصلاة فببص عليه لقيته ساجد بس وضع سجودة غريب فركزت معاة وفضلت قاعد مستنى يقوم من السجود وهو مش بيقوم !!
عدى خمس دقايق فقمت ناديت عليه مردش فجيت أهزه لقيته وقع على جمبه فـ ناديت على مسؤل المسجد جه جري فضلنا نحاول نحركه ومفيش فايدة طلعت تليفونه واتصلت بـ أهله وبالاسعاف وجم وطلعنا على المستشفى وعرفت انه مات ، مات وهو ساجد فى ركعتين توبه ، انا لحد دلوقتى مش مصدق لأني مش متعود أمشي في الطريق ده بس شاء ربنا أنى امشي منه عشان اقابله و اقوله يصلى صلاة توبه فيموت وهو ساجد ، وشكله وهو بيعيط على ذنوبه وشكله وهو ثابت على وضع السجود معلق معايا 💛
الشاب ده بينه وبين ربنا حاجات منعرفهاش وعاش عمره بعيد ومات وهو قريب ، القرب من ربنا نعمه ورزق ، خدوا بالكم من عمركم منعرفش النهايه فين وإمتى 💛
اللهم أرزقنا حسن الخاتمة 💛
