အိမ်ကိုတစ်ခါမှပြန်မလာတဲ့သားအလိမ်မာလေးကပြန်လာတော့လည်းရည်းစားပါတစ်ပါတည်းခေါ်လာလေတော့ဂျီမင်းရဲ့မိဘများမှာသက်ပြင်းလေးသာမသိမသာချမိရင်း...
"ရည်းစားမရရင်အိမ်ပြန်မလာရဘူးလို့အမိန့်ထုတ်ထားလို့ ရည်းစားရမှာအိမ်ပြန်လာတာလားသားလေးဂျီမင်း"
ဖခင်ဖြစ်သူမှရွှန်းနောက်နောက်စကားလုံးလေးများဖြင့်ဧည့်ခံကြိုဆိုလာတော့...
"အာ..Appaကလည်း"
"Appaကလည်းဘာလည်းတွေလုပ်မနေနဲ့ မင်းOmmaတို့ဆီပြန်မလာတာဘယ်လောက်ကြာပြီလဲ"
"အဲ့တာအန်ကယ်လေးကအဖော်မရှိလို့စေတနာနဲ့သွားနေပေးတာလေ Appaနဲ့Ommaကသားကိုတောင်ကျေးဇူးတင်ရအုံးမှာ"
"အမလေးကျေးဇူးကြီးလှပါတယ်ရှင် ကျေးဇူးကြီးလှပါတယ်"
မဆုံဖြစ်တာကြာတဲ့မိသားစုလေးရဲ့နွေးနွေးထွေးထွေးဖြင့်အပြန်အလှန်စနောက်နေကြပုံကိုဘေးကကြည့်ရင်းထယ်ယောင်းပြုံးနေမိသည်။
"သား..သားနာမည်ဘယ်လိုခေါ်လဲ"
"ကင်မ်ထယ်ယောင်းပါဗျ"
"အင်း...သားအကြောင်းကိုတော့ဂျီမင်းရဲ့အန်ကယ်လေးပြောပြလို့သိထားတယ်
တကယ့်ကိုလူရည်မွန်လေးပဲ""အာ...ကျေးဇူးတင်ပါတယ် Appa"
"ဟေ...Appa!..ကဲAppaလို့တော့ခေါ်နေပြီဟေ့"
ဂျီမင်းရဲ့ဖခင်မှာပြောဆိုဆက်ဆံရေးအလွန်ကောင်းမွန်သူဖြစ်သလို စကားပြောရာတွင်လည်းတစ်ဖက်လူကိုစိတ်ဖိစီးမှုမဖြစ်စေပဲပေါ့ပေါ့ပါးပါးဖြစ်အောင်ပင်ပြောဆိုနိုင်သူဖြစ်သည်။ယခုမိသားစုစကားဝိုင်းလေးမှာလည်းဖခင်ဖြစ်သူကြောင့်ရယ်သံများဖုံးလွှမ်းသွားရကာ...
"အင်း...သားတို့လည်းမငယ်တော့တဲ့အရွယ်ဆိုတော့သေချာစဥ်းစားဆုံးဖြတ်နိုင်ကြမှာပါ အထူးသဖြင့်သားထယ် သားကအကြီးဖြစ်တဲ့အတွက်သားဂျီမင်းကိုအကောင်းဆုံးလက်တွဲဖော်တစ်ယောက်ဖြစ်ဖို့ဦးဆောင်ပေးနိုင်လိမ့်မယ်လို့Appaယုံတယ် Appaတို့မိဘတွေအနေနဲ့ကဒီကိစ္စကိုသားတို့သဘောအတိုင်းလက်ခံပေးနိုင်ပါတယ် သားတို့နှစ်ယောက်လုံးကအဆင်သင့်ဖြစ်နေပြီလို့ယူဆရင် Appaတို့ဘက်ကကန့်ကွက်စရာဘာမှမရှိဘူး အိမ်ထောင်တစ်ခုထူထောင်တယ်ဆိုတာလွယ်လှတဲ့အရာတော့မဟုတ်ဘူးသားတို့ရဲ့အိမ်ထောင်ရေးမှာဖြစ်လေ့ဖြစ်ထရှိတဲ့ကတောက်ကဆလေးတွေကတော့ကြုံရမှာပဲ ဒါကိုသားတို့ကတစ်ယောက်အပေါ်တစ်ယောက်နားလည်မှုထားပြီးကျော်ဖြတ်နိုင်ရမယ် ကိုယ့်ဆုံးဖြတ်ချက်နဲ့ကိုယ်ရွေးချယ်ထားတဲ့လမ်းကိုအကောင်းဆုံးလျှောက်နိုင်ဖို့လည်းAppaမျှော်လင့်တယ် Appaတို့ဘက်ကလည်းဖြည့်ဆည်းပေးနိုင်သမျှကိုအတက်နိုင်ဆုံးဖြည့်ဆည်းပေးမယ် သားတို့ကရောဘယ်လိုတွေတိုင်ပင်ထားပြီးကြပြီလဲ"