من المدينة الي البادية(الديره) يلتقي بطلي روايتنا فماذا سيحدث يا ترى هل سيكون كل شي على ما يرام او سيكون للقدر كلام اخر و هل تبقى صيته في الباديه أو تعود للمدينة أو يكون لديها خيار ثالث يرضي الطرفين....
قالت مريم: ايوا أعطيت صيته لأنه مالها لابستنه اختها. هدا وجهه صقر وقال: اهاا تمام روحي. راحت مريم لاكن ناداها اخوها مرة ردت مريم وقالت: هيش تريد بعد قال صقر: خذي الفروة واعطي صيته خلاص حالها. قالت مريم: ليش قال صقر: عطيها خلاص انا معي واحده غيرها. قالت مريم: تمام اخذت مريم الفروة وراحت الخيمة مع البنات دخلت ولقت البنات بس عرفت ان الحريم راحن يشوفن العشي قالت مريم لصيته وهي تعطيها الفروة: خلاص صارت لك قالت صيته: ما فهمت؟ قالت مريم: صقر قال خلاص ما يريدها واعطاها لك قالت صيته: وهيش دخل صقر بالموضوع؟ قالت مريم: الفروة مالت صقر أصلا قالت صيته: اهاا قالت الجازي: هذا يفسر نظراتها اليوم لك شكلها كانت غيرانة ضحكن البنات تعشى الجميع وبعد العشي العشاء نادى أبو وضاح عائلة وجلسوا كلهم عائله أبو صقر وأبو وضاح في خيمة وحده كبيره مثل المجلس مفتوحة على الصحراء قبل عن يروحن البنات هناك لبست صيته جاكيتها وخلت الفروة مال صقر في شنطتها لأنه اكيد اذا لبستها الحين بيعرف أبو صقر انها مالت صقر وبيفتحوا سالفة لذلك هي ما لبسته. جاكيت صيته
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جلس الكل في الخيمة وبدو أبو صقر وأبو وضاح يسولفوا عن الي صار لهم في القنص قال أبو صقر وهو يكمل السالفة: وقبل عن نروح بعد ما لمينا اغراضنا شفنا الذيب من بعيد جالس يراقب مسكت السلاح
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وصوبت عليه الرصاصة لكنه تحرك وما صابته قالت هدى: ذيب هنا في الصحراء كيف قدر يتحمل العيش هنا قال أبو صقر: الحين الشتاء يكون الذيب جوعان فيطلع يدور اكل. قالت مريم: يعني تو لازم ننتبه للحلال عن يجي الذيب ويأكلهن. قال صقر: انا بخبر باكر الشباب وحمد انه ينتبهوا ويحوطوا الحضائر بأعواد شجر فيهن شوك عشان الذيب ما يوصل لهن في هذه اللحظة سمعوا صوت عواء الذيب قربن البنات من امهاتهن من الخوف وقف صقر يوم شاف حمد جاي يركض قال صقر: حمد علامك شو صاير؟ قال حمد: الذيب يا عمي الذيب هجم على حضيره الغنم مال عمي بو شاهين. راح صقر لخيمة وجاب السلاح ماله وقال حال ابوه: يبه انا بروح اشوف شو صاير. قال أبو صقر: روح يا ولدي وشوف شو صار قالت ام صقر: انتبه يا صقر لا يكون الذيب بعده ما راح. التفت صقر لامه وقال: ان شاء الله لا تخافي برجع بعد نص ساعة. توجهن نظرات صقر لصيته الي كانت جالسة تشوفه بخوف من الي صار. تحرك صقر وهو يتوعد لذيب الي خوف عائلة وعائلة أبو وضاح جلست العائلتين تنتظر صقر لين يرجع صارت الساعة 12 وهو بعد ما راجع قالت صيته لمريم الي جالسة جنبها بصوت واطي: ما كانه تأخر قال نص ساعة بس مرت تو اكثر من ساعة ردت مريم: ولله ما اعرف. شاف أبو وضاح حد جاي من بعيد وقال: هاا كانه رجع صقر. دخل صقر الخيمة وجلس. قال أبو صقر: هاا بشرني ان شاء الله مخسرو حلال كثير. قال صقر: راح راسين من الغنم المشكلة انه ما يأكل لحمها بس يشق بطنها ويطلع الي فيها ويأكل كبدها. هنا قامت صيته وركضت برع الخيمة وهي مخليه يدها على فمها. استغرب صقر وناظر ام وضاح الي فهمت نظراته وقالت: لا تخاف يا ولدي هي بخير بس تلوعت من الوصف الي وصفته. هز صقر راسه بمعنى فهمت راحن باقي البنات للخيمة ومريم لخيمتها و بقى الكبار باقي يسولفوا راح صقر جنب خيمه البنات وتنحنح طلعت له صيته وقالت: شي هناك صقر بغيت حاجة. توتر صقر لأنه اول مره يسمعها تنادي اسمه رفع صقر راسه وقال وهو يناظرها: سمحيلي صيته انا وصفت الي صار بتفاصيل كان ممكن اختصر بس عشان الكبار يعرفوا ويدوروا حل. ابتسمت صيته له وقالت: عادي انا دايما كذا من يوم صغيرة وانت لازم مثل ما قلت تشرحلهم عشان يحصلوا حل. قال صقر: تمام اجل انا بروح انام تأكدوا تسكروا باب الخيمة غاوي قالت صيته: ان شاء الله بتأكد بعد بنفسي ان مسكر تصبح على خير. رد صقر: وانتي من اهله. جلس صقر بتامل صيته الي بعد جالسة تشوفه داخل الخيمة حست الجازي انه صيته تأخرت وقالت: صيته وينك خلا ساعة قالت صيته: جايه قال صقر: انا بروح قالت صيته: باي دخلت صيته ولقت هدى نايمه والجازي تنتظرها فوق الفراش. لبست صيته الفروة وجلست جنب الجازي فوق فراشها قالت الجازي: ساعة مع الباب من جاي؟ قالت صيته: صقر جاي يعتذر قالت الجازي: اهاا.... أقول صيته كانه الولد معجب بك قالت صيته: من صقر كيف عرفتي قالت الجازي: يعني الفروة مالته عطاك ياها و تو جاي يعتذر و دايما القاه يناظرك قالت صيته: ما اعرف يمكن قالت الجازي: وانتي قالت صيته: هيش انا قالت الجازي: لا تتغابي علي انتي معجبه به او لا قالت صيته: صراحة معرف انا عاجبتني شخصيته وهو ما شاء الله وسيم ويوم اشوفه افرح او ارتاح شعور غريب صح؟ اضحكت الجازي وقالت: يا غبية هذا معناته انك معجبه به قالت صيته: صدق.... يمكن انا معجبه او يمكن لا قالت الجازي: بنشوف الأيام بتثبت لنا قالت صيته: انتي انتبهي على عمرك بعد قالت الجازي مستغربة: ليش قالت صيته: ما تلاحظي نظرات هزاع لك قالت الجازي: انا ما يهمني هذا هزاع لكن جواهر والي معها ما ناويه على خير لازم ننتبه قالت صيته: تمام تو نامي شكلة امي بتتاخر لين تجي انا بجلس على التلفون لين امي تجي قالت الجازي: تمام نامت الجازي وجلست صيته شويه تلعب بالتلفون وجات أمها وسكرت باب الخيمة زين. جات ام وضاح تنام جنب هدى وسمعن صوت الذيب يعوي مرة قالت ام وضاح: لا تخافي نامي الرجاجيل اليوم ما رح ينامو رح يراقبوا الخيم. نامت صيته وهي حاضنه الفروة مال صقر. بعد ساعتين كانت الساعة 2 قامت صيته عطشانة قامت دورت ماي في الخيمة ما لقت قامت وطلعت برع الخيمة وسكرت الباب راحت اتجاه المكان الي يخلو فيه الماي رفعت الكم مال الفروة والملابس الي لابستنه عشان ما يوصل الماي صوبهن. اخذت ماي وشربت من خلصت شافت شي يلمع في الظلام قربت منه وهي تركز شافت انه عيون الذيب. خافت صيته وقامت ترجع بهدوء على وراء لكن الذيب هجم عليها وعض يدها صرخت صيته بقوة. سمع كل الرجاجيل الصريخ بس كانت ردة فعل صقر اسرع الي ركض اتجاه الصوت ولقي صيته والذيب فوقها عاض يدها. من دون تردد مسك السلاح واطلق النار على الذيب الي بعد عن صيته اطلق مرة عليه ومات. كانت صيته في حالة صدمة واللحاف الي كان على راسها طايح ويدها تنزف. قام صقر بسرعة لها وحضنها ويشوف يدها الي كانت مغطاية بدم. حست صيته حد يحضنها وجلست تبكي وترجف جاء باقي الرجاجيل والحريم الي قام على صوت الصريخ وصلت الجازي واختها وامها وقالت: وين صيته سمعت صريخها وينها. لف صقر وظهرت صيته الي كانت قدامه تبكي. اول ما شافتها ام وضاح قالت: بنتي صيته قربت منها أمها وابوها واخذوها حال خيمة الحريم. اخذو الرجاجيل الذيب ورجع كل شخص خيمته. تجمع في خيمة الحريم عائله أبو صقر وأبو وضاح قال أبو وضاح وهو معصب شوي: هيش الي طلعك برع في هذا الوقت لو ملاحق صقر عليك كان الذيب خلص عليك كانت ام وضاح تلف يد صيته بشاش بعد ما عقمت الجرح قالت صيته وهي تبكي: قمت ادور ماي.... ما لقيت في الخيمة..... فضطريت اطلع برع. قال أبو صقر: خلاص ما صار غير الخير الحمدالله لحق عليها صقر وساعدها. التفت أبو وضاح لصقر وقال: مشكور يا ولدي قال صقر: ما سويت شي يا عمي. راح الكل لخيمته ونامن البنات لأنه كانن تعبانات. مع صقر كان نائم فوق فراشه وشكل صيته وهي تبكي وترتجف مغاب عن فكره. جاء الصبح وقامن البنات ساعه 10 لأنه كانن نايمات متأخر كان الجو برع مغيم وبارد لبست البنات ملابسهن لبسه صيته
