دقه الخافق لاجيت يالسمح الكريم... كنها وبل سحابه على خيمه بدو

خطبه مريم (٣٧)

سامحوني على التأخير لانه صار معي مشكله في الحساب بس من كم يوم قدرت ارجعه😊استمتعو

رجعت ام وضاح و هدى البيت. نادت هدى العاملة تشل الاكياس و راحت غرفتها. مع عائشة و الجازي كانن تو طالعات من المحل راكبات السيارة. قالت مريم: الحين دور المكياج. قالت عائشة وهي تشغل السيارة: انا اعرف محل يبيع مكياج رهيب ماركات من ذاك المحل انا ماخذة لي و لصيته. قالت الجازي: طيب اجل يلا نروح له. 
بعد ما خلصن الاغراض الي باقيه رجعن البيت. دخلت الجازي و عائشة و لقت امها و البنات جالسات في الصالة رمت الجازي العباه و قالت و هي ترمي ننفسها على الكرسي: تعبت احس ظهري انفصل من مكانه. قالت ام وضاح : عاد على هذا كله اتمنى خلصتن كل الأغراض. قالت عائشة: لا بعدنا باقي كم غرض. قالت الجازي: اجل وين يبه؟ قالت هدى: طالع الشغل. قالت الجازي: طيب انا جوعانه؟ قالت ام وضاح: روحن بدلن ملابسكن و نزلن عشان نتعشى. قالت عائشة: طيب. راحن الجازي و عائشه غرفتهن. راحن هدى و امها لغرفة الطعام قالت هدى: امي كيف يبه متى بياكل؟ قالت ام وضاح: بخلي اكله في الفرن عشان ياكل لما يجي من الشغل. نزلن البنات و اولاد عائشة و بدن في الاكل قالت شمه: اليوم ضربت ولد بقوة قالت الجازي: ليش؟ قال يحيى: كان يرمي عليها الرمل. قالت هدى: و انت يحيى شو سويت. قالت يحيى: انا نبهته مره مرتين و ثلاث و خلاص جيت اريد اضربه لكن شمه سبقتني و ضربته. ضحك الكل و قالت الجازي: حبيبتي طالعه على خالتها.
في ملحق مع صقر و صيته بعد ما خلصو من العشاء كان صقر جالس في الصالة يكتب بعض الملاحظات في الدفتر سوت صيته رساله لمريم عشان تجي. شوي الا يندق الباب. قام صقر يفتح و دخل مريم. جات مريم و جلست جنب صيته. جلس صقر و قال بستغراب: مريم شو معك كذا ساكته؟ محتاجه شي ناقص عليك شي؟ قالت مريم: لا ابدا ما محتاجه شي. و سكتت مره قالت صيته: انا بخبرك انت تعرف انه فهد يريد يخطف مريم؟ قال صقر: ايوا اعرف. قالت صيته: طيب كيف فهد يعني زين او لا عشان اختك؟ قال صقر بعد تفكير: هو من جهة انه زين ترا زين و نعم رجال ما عليه كلام. قالت صيته: خلاص اجل مريم صلي استخاره و شوفي كيف. قالت مريم و هي تقوم: طيب اجل اخليكم انا. قالت صيته و هي تقوم: وين ما جلستي كثير؟ قالت مريم ببتسامه: ما في مشكله خليها مره ثانيه يلا اخليكم. وصلت صيته مريم للباب و سكرته. جات و جلست جنب صقر الي كان ماسك اللابتوب يكتب. و مسكت تلفونها تراسل صديقاتها. خلص صقر من اللابتوب و لف لها و قال: من تراسلي؟ قالت صيته: اراسل صديقاتي، كيف خلصت شغل؟ قال صقر: ايوا يلا نروح ننام لانه باكر اهل فهد بيجون يخطبو رسمي. قالت صيته: اكيد مريم وافقت و خبرت عمتي. قال صقر و هو يقوم: شكله كذا يلا قومي. مد صقر يده و مسكتها صيته و هي تبتسم و قالت: يلا. راحو يناموا
في الصباح الساعه ٩ قامت صيته على صوت ازعاج برع الملحق. قامت و ما لقت صقر جنبها فكرت انه اكيد قام قبلها. راحت تاخذ شور و راحت تفطر مع مريم و تشوف اذا تريد مساعده منها.
دخلت المطبخ و لقت مريم قالت صيته: صباح الخير. قالت مريم لها و هي تاشر لها انه تتبعها: صباح النور كيف جبتي ادويه مالتك معك ترا خبرني صقر انه اتاكد انك تخذينهن. قالت صيته: ايوا جبتهن معي. دخلت صيته غرفه الطعام و سلمت على ام صقر و بدن ياكلن. شوي جاء اتصال لام صقر قامت ام صقر و طلعت برا تكلم التلفون. قالت صيته: انتي امس من طلعتي من معنى رحتي لامك؟ قالت مريم: ايوا انا كنت خلاص مصليه استخاره بس كنت اريد اتاكد من صقر ولما صقر مدحه خبرت امي اني موافقه. عاد امي خبرت ام فهد عشان يجون و يخطبو رسمي و يتكلمو عن باقي الاشياء. رجعت ام صقر و قالت: ام فهد و خواتها بيوصلو بعد صلاة المغرب. قالت مريم: اجل بروح اشوف لي لبسه عشان البسها. قالت صيته: تريديني اساعدك. قالت مريم : طبعا تعالي. خلصن البنات الفطور و راحت صيته مع مريم غرفتها و بدت مريم تطلع الملابس الحلوة لها.
قالت مريم و هي ماسكه لبسه: شو رايك في هذه؟ قالت صيته: حلوه بس احس اللون ما يناسبك. قالت صيته و هي ترفع وحده من الملابس: شوفي هذه احسها بتناسبك. خذتها مريم و قالت: خليني اجربها و اشوف. قالت صيته: يلا روحي. راحت مريم دوره المياه وانتو بكرامة وعشان تلبس اللبسة شوي و طلعت قالت صيته و هي تبتسم: مثل ما توقعت مره رهيب عليك اللون موضح لون بشرتك. قالت مريم: خلاص اجل بعتمدها و من شان المكياج و الشعر بشوف حد من بنات عماتي يسون لي. قالت صيته بشويه عصبيه: افاا و انا شو فائدتي هنا انا اسويلك المكياج والشعر. قالت مريم : بس صيته انتي حامل في شهرك الثاني لازم ما تشتغلي كثير. قالت صيته: ما عليك ما رح اشتغل كثير و لما بسوي شعرك و المكياج بكون جالسة على الكرسي. قالت مريم : طيب. قالت صيته: اجل انا بجيك ساعه ٦ عشان ابدا المكياج والشعر و يكون معك وقت عشان تسترخي و ما تتوتري. قالت مريم: حلو مع انه من الان التوتر بادي. ضحكت صيته و قالت: لا تخافي.. طيب انا بروح الان باي. قالت مريم: باي.
في بيت ابو وضاح كانن البنات قايمات و لقن رساله من مريم عن الخطبه. قامت هدى و اتصلت عليها من السناب صوت و صوره و صارن يتكلمن معها و عن التجهيزات الي تصير في بيتها. 
طبعا صيته جهزت ملابسها و ملابس صقر و راحت عشان تجهز مريم و خلصت ساعه ٧ و رجعت تتجهز. كانت مخلصه شعرها و تضيف لمسات اخيره لمكياجها لما سمعت صقر يناديها راحت له و قالت: هلا صقر بغيت شي؟ قال صقر و هو يناظرها: لا ما اريد شي بس بغيت اشوفك قبل عن اروح.. حرم صقر طالع غير عن الكل. ابتسمت صيته و قالت: لازم حرم صقر تطلع الافضل عشان بعض الناس اذا جاء يشوف زين من الاحسن. ضحك صقر و قال: طيب طيب اهم شي لا تشتغلي كثير. قالت صيته: طيب بحاول. قال صقر: صيته! قالت صيته: ان شاء الله. راح صقر بعد ما باس صيته من راسها. كملت صيته الي باقي من المكياج و راحت بيت عمتها ام صقر تتاكد من التجهيزات. وصلو الضيوف و سلمن و قدمت صيته و الخادمة الاكل قالت عمة فهد و هي تأشر على صيته: اجل من هذه المزيون. خجلت صيته و ضحكت ام صقر و قالت: هذه زوجة صقر ولدي صيته. قالت عمه فهد: ولله يا زين من اختار صقر ما شاء الله لو انا لقيتها قبل كنت اخذتها لولدي ذيب. شوي الا نزلت مريم و سلمت على ام فهد و الحريم الباقي.
لبسه صيته