قال هزاع: انا اسف جيت كذا فجاه لكن لازم تروحن معي عشان نطلع الخيول من الحضيرة
قالت الجازي: ليش شي صاير لهن؟
قال هزاع: لا لكن بيصير المطر ينزل بزيادة و شكله بيستمر لين باكر فلازم نطلعهن لانه هناك يمر الغدير ويمكن يجي بقوة ويغرقن
قالت صيته: تمام خلا بنات
لبسن البنات جاكيتاتهن وراحن بسرعة وطلعن الخيول وجابوهن و ربطوهن جنب الخيم مع الشجرة كان الوقت مغرب لما ردن البنات الخيمة
قالت هدى وهي ترمي جاكيتها على جنب: صدق المطر قوي تسبحنا
قالت مريم: يعني ما شي ينزل مطر مثل كذا في المدينه؟
قالت الجازي: شي لكن هنا اقوى
كان صوت الرعد قوي و البرق يشع في السماء قالت مريم: امي خلتني انام معكم لين يرجعوا اهلكم
قالت هدى: حماس فليل بنسهر نشوف فليم في ايبادي
قالت مريم بحماس: حلو
قالت صيته وهي تقوم: انا بروح برع اشوف الخيول
قالت مريم: لا تجلسي برع وايد عن تمرضي
قالت صيته بعد ما لبست الفروة لانه جاكيتها كلة ماي: تمام أصلا المطر وقف بس شكله الريح بعدها و البرق و الرعد بعدة
قالت مريم: لا تفرحي يوفق شوي و ينزل مرة
طلعت صيته طبعا الجازي ما لها صوت لانها تحت البطانية متخبية قالت مريم : الجازي علامك
قالت هدى وهي تضحك: الجازي تخاف من البرق ورعد
ضحكت مريم وقالت: افاا كل هذا و انا كنت اتوقعك قويه واخر شي تخافي من هذا
طلعت الجازي راسها و قالت: يعني الواحد معه شي يخاف منه مستحيل كذا ما يخاف من شي
قالت هدى: صح صح كلام الجازي...... أقول تعالي قربي عشان نختار فيلم
مع صيته لما راحت برع لقت شاهين قربت بهدوء عشان تخوفه لكن شاهين قال: لا تحاولي اعرف انك وراي
قالت صيته: مشيت بهدوء كيف سمعتني؟
قال شاهين: سمعتك
وقفت صيته تشوف خيلها وتعطيه تفاح قال شاهين: هيش الي خلاك تطلعي؟
قالت صيته: جايه اشوف عناد وانت
قال شاهين: جاي اشوفك
قالت صيته وهي متفاجاة: هااا
ابتسم شاهين وقال: امزح جاي اشوف الخيل مالي بعد
قالت صيته: اهااا
قال شاهين وهو يشوف فروة صقر على صيته: ليش لابسه الفروة
قالت صيته: اه جاكيتي في صار فيه مال لما رحنا نطلع الخيول العصر و عاد ما لقيت غير الفروة و لبستها علام شي هناك
قال شاهين: هذه الفروة مال صقر
قالت صيته: ايوا هوه عطاني ياها قال ما يريدها
قال شاهين: اهاا
التفتت صيته له وقالت: شو هناك شكلة معك كلام تريد تقوله بس ساكت
قال شاهين وهو يضحك: كيف عرفتي
قالت صيته: معي ولد خالتي دايما يجي يجلس و لا يتكلم ونفس وجهك فاعرف انه معه شي
كان شاهين يريد يتكلم لكن قاطعه جيه صقر الي قال: ما شاء الله كلكم جايين تشوفوا الخيل
قالت صيته: ايوا....... انا بروح داخل البنات اكيد ينتظرني على العشاء
قال صقر و شاهين: تمام
دخلت صيته قالت الجازي: ساعة تاخرني كله هذا تشوفي عناد
جلست صيته وقالت: جلست شويه اسولف مع شاهين
قالت هدى: شو رايكن من نخلص نخلي الشباب يجون ونلعب معهم لعبة
قالت مريم: هيش اللعبة
قالت هدى: تحدي او سوال
قالت مريم وهي ما فاهمة: ما فهمت
قالت هدى: بفهمك من يجون عشان همه يفهمو بعد
قالت الجازي: انا موافقة
قالت صيته: انا عادي معي
بعد العشي تجمع الكل وجلس في دائرة صيته و الجازي ومريم و هدى و شاهين و هزاع و صقر و عبدلله قالت هدى: تمام اللعبة تو تحدي أو سوال تدور العلبة جهه الي بدون الغطاء الي بيسال و الجهة الثانية بيجاوب على السوال تسال هل تختار تحدي او سوال اذا اختار تحدي تحداها يسوي شي و اذا اختار سوال سالة
قال عبدلله: واذا ما سوى التحدي او ما جاوب على السوال شو يصير له
قالت هدى: يطلع برع اللعبة....... تمام بدور العلبة
دارت العلبة و وقفت مع الجازي الي تسال شاهين قالت الجازي: تحدي او سوال؟
فال شاهين: سوال
قالت الجازي: قمر لما تسوي مشاكل دايما تقول قمر روحي الخيمة وتروح معها شو تسوي لها تضربها؟
قال شاهين: مستحيل انا ما اضرب بنات بس انازعها انه متسوي كذا مرة ثانيه و ما تسمع كل الي تقولة لها جواهر
قالت الجازي: و ما شاء الله واضح تسمع كلامك. ضحك الكل و دارت العلبة مرة ثانية و وقفت مع مريم الي تسال و هزاع الي يجاوب
قالت مريم تحدي او سوال؟
قال هزاع: انا أخاف منك اذا اخترت تحدي باخذ سوال؟
قالت مريم بضحكة: تمام..... معجب بأحد من الي في الدائرة
قال هزاع: ايوا
قالت مريم بفضول: من قال هزاع: ما يصير بس سوال واحد. دارت اللعبة و وقفت مع صقر الي يسال و هدى الي تجاوب
قال صقر: تحدي او سوال
قالت هدى: تحدي انا اشجع منكم كلكم
قال صقر: تمام يا شجاعة ححذفي لعبة من الألعاب الي تلعبيهن كل يوم
قالت هدى: هيش ما اقدر هذولاء ولادي
قال صقر: اذا بتخسري؟
قالت هدى: لا صبر انا ما اريد اخسر. قامت وراحت وجابت الايباد وحذفت لعبة من العابها وقالت لصقر: بردها لك ضحك صقر عليها ودارت العلبة و جات مع هزاع الي يسال و صيته الي تجاوب
قال هزاع: تحدي او سوال؟
قالت صيته: سوال
قال هزاع: الجازي معجبه بأحد؟
ضحكت صيته وقالت: هي تقول دايما لا يوم اسالها بس انا متاكدة انها معجبة بشخص. دارت العلبة وجات على مريم تسال و صقر يجاوب
قالت مريم: سوال او تحدي؟
قال صقر: سوال
قالت مريم: حزنت لما انفصلتوا انت ونورة؟
قال صقر: لا ابدا دارت اللعبة وجات الي يسال الجازي و الي يجاوب عبدلله
قالت الجازي: تحدي او سوال؟
قال عبدلله: تحدي
قالت الجازي: تشوف علبة الماي الكبيرة هذيك رشها على هدى
قعد عبدلله يشوف العلبة و هدى الي جالسة تشوفة قال عبدلله وهو يهز راسه: اسف ما اقدر بتمرض
قالت الجازي: طلعنا واحد من اللعبة من الثاني خلا
قالت هدى لعبدلله: لا تخاف بردها لها و بطلعها
قال عبدلله: تمام. قام وعبدلله رجع وراء ودارت العلبة و جات على هدى تسال و الجازي تجاوب
قالت هدى: تو بردها لك سوال او تحدي؟
قالت الجازي: سوال
قالت هدى: انتي معجبة بهزاع صح او لا؟
قالت الجازي وهي معصبه: شو هذا السوال
قالت هدى: اجل هذا تحدي تسويه له يلا جاوبي
قالت الجازي: ما اريد اجاوب
قالت هدى: اذا برع يلا يلا
قامت الجازي وطلعت وجلست مع عبدلله معصبه و الباقي يضحك عليها قال هزاع: الجازي لا تخافي بطلعها عشانك
قالت الجازي: تمام طلعها
دارت العلبة وجات على صيته تسال شاهين
قالت صيته: تحدي او سوال
قال شاهين: سوال
ابتسمت صيته قالت هدى: رحت منها هذه الابتسامة ما تبشر بالخير قالت صيته: شو كنت بتقول مع الاحصنة قبل عن يجي صقر؟
الكل جلس يشوفه قال شاهين: خلاص انا طالع ما اقدر اقولك بعده
قالت صيته: ليش. قاطعتها مريم وقالت: يلا برع سوال واحد بس صيته. ودارت العلبة مع اللعب طلع كل شخص وبقى مريم و صيته ومريم صارت العلبة تسال مريم و صقر يجاوب
قالت مريم: تحدي او سوال
قال صقر: سوال
قالت مريم: انت معجب بصيته صح او لا؟
صار الكل ساكت و باقي بس صوت المطر و الرعد (طبعا اللعبة من البداية خطة مريم و الجازي وهدى عشان مريم تعرف اذا اخوها يحب صيته او لا و بعد عشان الجازي وهدى يعرفن بعد)
قال صقر:..................هل بيعترف صقر أو القدر له كلام ثاني ❤️
أنت تقرأ
دقه الخافق لاجيت يالسمح الكريم... كنها وبل سحابه على خيمه بدو
Ficção Adolescenteمن المدينة الي البادية(الديره) يلتقي بطلي روايتنا فماذا سيحدث يا ترى هل سيكون كل شي على ما يرام او سيكون للقدر كلام اخر و هل تبقى صيته في الباديه أو تعود للمدينة أو يكون لديها خيار ثالث يرضي الطرفين....