مشاعر لم تكن بالحسبان

البدايه

كل شيئ يمر في حياتنا له حساب و لاكن ماذا عن مشاعر

لم تكن بالحسبان الجميع يتكلم عن حب القلوب و تعلقها

بأشخاص و لاكن ماذا عن قلوب تعلقت باشخاص تعرف

تعرف انهم لن و لم يكونوا لها حصه في جزء من قلوبهم
..............
شعور جميل
     ان تقع في الحب لاكن الحب يجب ان يكون في الوقت الصح و في المكان صح لاكن حبي انا لا يجمع الاثنان فحبي كان يجمع جميع الاشياء الخطا و يسير لها
...............

ترضاها يابو نهاد عمش اسوي هيج بنتي و وليدي ترا بزعتنه يوميه ضاربه واحد من جهال المنطقه احنا نعرفكم ناس هاديين الله وكيلك صارلكم 15 سنه ما سمعنا منكم غير الزين وخوش ناس و ماطالعه منكم العيبه بس من كبرت عمش خربت كلشي ياريت تضبها يابو نهاد مو هايه نهاد مثل الورد حسها ماينسمع بس عمش ماتخلي واحد ما تمعطه احسب ذاك اليوم دافعه ابن ابو جلال على سياره زينه ما نردم و رحتو بيها وانته على باب الله اني لو ماحبك ماكلك
.
ابو نهاد: لا والله يابو احمد اكسر راسها اليوم واطمئن منا و جاي حتى ماتطلع و اعذرنا يابو احمد جاهل و ماتفتهم
.
معذور خويه معذور بس خلي اجوز من جهالي
.
أبو نهاد: تدلل خويه صار
.
يالله فيمالله
.
ابو نهاد: هلا بيك خويه هلا .
املللل املللل
.
ام نهاد: ها عيني خير شصاير
.
ابو نهاد: هاي عمش وينننن سايبه و مخليتها اصول و جول وكل يوم واحد داك بابي لان ماعرف اربيها بس اني اعلمها كليلي وينها
.
ام نهاد: امروتك اهدء جاهل حالها حال الجهال تلعب وهمه يضايقوها
.
أبو نهاد: هوه من خلاها هيج غير دلالج نهاددددد
.
نهاد: ها بابا
.
ابو نهاد: روحي بابا شوفي هاي اختج عمش بيا زباله و جيبيها
.
نهاد: اي صار بابا .. طبعا مخليه قلبي بشيشه بابا من يعصب ينكلب شخص ثاني بكد ما حنون يصير حقود و يضرب بس اني اهلي مايضربوني لان اني هادئه و حتى الشارع ما طلعه الا همه يدزوني و شيكولون اكول حاضر اني عمري 18 اني حيل مرتاحه بحياتي لان دائما العالم تحمد بيه و حتى شكلي اجنبي يكولون لان عيوني زرك و شعري اشكر طويل و بيضه و طويله و جسمي ناضج مربربه
بس العكسي تماماااا اختي
عمش
او بالاحرى هيه اسمها كرز بس من كد شيطنتها المنطقه كامت اتصيحلها عمش لان ماتخلي احد بحاله وين ماشوف واحد تمعشه السانها الله متبري منه وابد ماتحسوها ابنيه شعرها اسود و جان طويل يخبل هيه حلو هم عيونها سود و بيضه بس ناعمه و قصيره كومي يعمش و كصي شعرج و بوكتها اكلت طن كتل بحيث تاكل الكتله و تصيح ماتوجع ولا يمها اصلا اهلي معتبريها ولد لان تصرفاتها مثل الولد يعني جان شعرها ساتر عليها مخليها ابنيه كصته بعد ماكو شي يثبت هيه ابنيه عمرها 16 سنه
.
نهاد: عزاااا ولج كرز هاي شمسويه بروحج كلج طين ولج ابويه متحلفلج انوب هيج مسويه بشكلج ماتنعرفين من الطين و الخيسه
.
كرز: يبوووو اجتي النازوكيه اوكف حسن والله اليوم ادميك وانتي امشي ولي رجعي البيت ابوج كليله مالكيتها
.
نهاد: والله الا اكله لكيتها و ماترضى تجي
.
حسن: ها عمش تخاف
.
كرز: اكل خرااا عشتووو اني اخاف يلا انتي هيووو كدامي جايه . وانته ورا الصلاه ادميك و داعت الله
.
حسن: اي نشوف نشوف علاوي هم يجي ويانه
.
كرز: عود مو جيبون هاي طوبه الا بسرعه تفش جيبلك وحده بيها خير علمود نلعب عدل والله اسكطكم اكواله اليوم
.
سند: اي انتي ضلي فيكي بس اني من هسه فريقج
.
كرز: والله عاد يا حياهم ههه
.
نهاد: يلااا ولج
.
حسن: اي شبي الحلو مستعجل
.
كرز: انته هيووو لاتضل تاكللل بكيفك تراا اسحلك
.
حسن: توبه عمي استاذ عمش
.
كرز : يلا امشي . اكلج ابويه فدنوب مابيه رجه يعني الا كتله
.
نهاد: والله يمتوج و لج شجاج المنطقه كلها تشكي منج
.
كرز: عاد لا ضلين تاكلييين شمسويه همه مابيهم خير
.
نهاد: غدي ولج غير ريحه خايسه تطلع منج هاي شامرج بالخيسه
.
كرز: اي الاثول فدنوب يعني ريحه بعدين تعالي شبيج تتنعوصين براسي ريحه ام القنادر
.
نهاد: انجبي ولج احسن منج
.
كرز: غير تستقر هيفاء وهبي
.
نهاد: تروحلي فدوه كلها تحجي بجمالي بس انتي اسمج كافي عليج عمش الجايفه
.
كرز: ولج هاي عليه دتعالي . لزمتها اليوم اطلع بيج الجيافه كلها ام الكلك هم تحجين
.
نهاد: اوي ولج وخري ولج شعري هلستي وجه الصخل اخ يمهه تعالي بابا
.
هاي شنو شصاير ماتستحي تضرب ابنيه هيج
.
كرز: حجيت بدون ما باوع . انته انجب لا اجي اشكك
.
هاي عليمن ولك
.
كرز: ماحس روحي غير مشحوطه مو ايد عملاق و شايلني
.
نهاد: هااا عمو ازار
.
ازار: هذا شيريد منج ليش هيج مسوي بيج
.
كرز: لا يربي هذا هوه معقوله يعني رحت بيها احلامي طكت فوك راسي
.
نهاد: ها لا لا عمو هايه عمش اختي
.
ازار: عمش منو عمش
.
كرز: بكلبي. ايا خراا انفضحت كدام زوجي المسقبلي راحت احلامي انوب عمش كدامه اوفففففففففف
.
نهاد: هه اقصد اختي كرز
.
ازار: هاي ابنيه قصدي هاي كرز . هديتها ولج بوياي شمسويه بروحج
.
كرز: احجي بكلبي هسه اني شحجي وياك هيه ريحتي كفت و وفت وياك شلون حض فكر
.
ابو نهاد: ولج عمش هاي انتي ولج اليوم اشكج شك بنت الزمايل
.
ازار: على كيفك ابو نهاد اهدء
.
ابو نهاد : هااا ابو نور هاي انته اهنااا اعذرنه خويه والله ماشفتك بس هلكتني هل ابنيه باوسته شلونك احوالك فوت فوت يمعود
.
ازار: هلا هلا خويه ابو نهاد والله الحمدلله انتو شلونكم على كيفك وياها جاهل ماتفتهم
.
كرز: وين لكيتني جاهل. (اني اريد ابين روحي جبيره كدامه تالي هيج يكلي
.
ابو نهاد: ولج انتي بسيطه اني الج امشي نهاد طببي انتقامج اختج جوه
.
نهاد: صار بابا
.
ازار': والله يابو نهاد بنتك وضعها مو خالي خاف مريضه نفسيا لو عدها هرمونات ذكريه اكثر من الانثويه لان تصرفاتها ابد مو تصرفات بنات
.
ابو نهاد: دتعال خويه طب خلي نسولف مرتك و بنتك ليش ما جايبهم
.
ازار: والله راحوا الخوالهم واجيت كلت ازرك اشوفكم
.
ابو نهاد: حياك اليوم والله غداك يمي لاتحجي و لاتقنعيني مسوين شلون تمن و مرك بانيه و عليه ضلوع يلوكن لهل حلك
.
ازار: والله سالم بس خليها غير مره
.
ابو نهاد: هاي بعد الله جابك والله ازعل عليك فوت خويه فوت تردني يعني
.
ازار: لا والله ماتنرد
.
ام نهاد: ولج ليش هيج يا ماما مسويه بنفسج شوفي الوصخ البيج ولج اضلين مفرفحه كلبي مو هاي عندج اخت
.
كرز: هم كالت عندي نعاللللل كافيييي موتوني حجايه و الثانيه عندي نعالللل اني عمي اختلف اني خراااا و هيه نازله من الجنه ارتاحيتوااا . صديت ليوره اباوع واشوفه طب هوه و ابويه و سمعوا كلامي ابويه دكت عنده ساعة الصفر وهوه منصدم من كلامي بس واكف يباوع بشمئزاز شكد كرهت روحي بوكتها اكيد كلكم حايرين منو هذا و شنوو...... هذا ازار

اي ازار قلبي بس

عمره 40 سنه راح يصير بعد 5 اشهر بس شايل ضخامه و فخامه و جمال الدنيا كلها هوه تقريبا بكد بابا و صديقه الروح بالروح فرق بينهم 4 سنين بابا 44 وهوه راح يدك 40 راح كلكم تستغربون من قصتي الغريبه الي راح اتكون اغرب شي بيها انو احب شخص خطا اني افكر بيه مو احبه هوه مزوج و بالموت يلا صارت عنده ابنيه اصغر مني بسنتين اني اعرف مستحيل راح امس تفكيره مجرد مس ماراح اكدر بس اكول عسى وان من يجينه جنت اصير عاقله و ماينسمعلي صوت بس اليوم اجه غفله و بينت الحقيقه كلها كدامه .......
.........

حبايبي هاي روايه جديده و هذا بارت قصير لمعرفة نوعيه القصه وراح تبدا ابتداء من الاحد القادم قصه مختلفه جدا واحداثها غريبه من دزولياها كلت ماكدر انو ما اكتبهااا لان بيها احداث يعني نارررررر جد من احلاااا الروايات الي قريتهم بكل حياتي وراح تعرفون احداثها و تنصدمون من كثره جمال القصه . لذلك ادعموني و تابعوني حتى اكمل احبكم باي