مشاعر لم تكن بالحسبان

البارت 3

ام نهاد: ولج هجت و فشلتنه ولج هجت الله لاينطي الي يجيب مكمعات ولج هاي الخوينسه حطت راس ابوج بالطين و ابوج بين الحياه والموت يبوووو ربي اخذ عمري بعد ما اتحمل خلصت طاقتي
.
كرز: ش شردت يعني نهاد شردت
.
ام نهاد: امشي جيبي عباتي اروح اشوف ابوجن الموتنه على ايدجن ولجن بيش مطلوب من ذاك اليوم الهل يوم يداري بيجن
.
كرز: ايا حقيره يعني هيه هاي شفتها بليل
.
ام نهاد: امشي ولج لاتصفنين جيبي العباه
.
كرز: اي اي ..... هاج اجي وياج اني . كرز رحت على سريع لبست بنطرون و سويتر وياه و طلعنا شافنا ابن جيرانه
.
محمد: امشي وياي ام نهاد اني اخذج للمستشفى
.
كرز: لا ناخذ تكسي من رخصتك
.
محمد: مو وكت اعنادج ترا وين تلكين تكسي اله تروحين للكراج و امج مابيها تمشي
.
كرز: يطبنه طوب لا تدخل رجائا
.
ام نهاد: اخذني يمه اخذني عوفك منها
.
كرز: مامااا
.
محمد: يلا خاله صعدي ... انتي هم ترحين
.
كرز: امم
.......

ام ازار: يمه هلا بجيتك يوليدي جا شني مانشوفك الا بالسنه حسنه
.
ازار: بعد روحي حجيه والله شسوي يمه غير التزام و دوام وحاليا حاطيني على وحدة تدريب لازم اشرف عليهم و مليوصه الله وكيلج
.
أم ازار: الله يعين كلبك يبعد جبدي
.
ازار: ابوس راسج على هذا الحجي ماكتيلي شو البيت ماله حس طالعين لو شنو و نور وين
.
ام ازار: لا والله يمه الجهال امهاتهم منومتهم وهنه بالمطبخ و اخوانك كل واحد بشغله هم مايدرون بيك جاي و نور ماكو عينها راح تعمي من الموبايل لاتطلع و لا شي
.
ازار: اوف اوف يلا خلي اروح ارتاح كلي رسل تحضرلي الحمام الي بغرفتي بين ما شوف نور و الجماعه
.
ام ازار: جا غير يدلل ابو اسد
.
ازار: الله يحفظج حجيه ......
...........
نور: ها باباااا حبيبي. رحت حضنته . اشتاقيتلك
.
ازار: يروح ابوج واني هم . سولفيلي شكو ماكو
.
نور: والله بابا ماكو شي بس كاعده
.
ازار: شوفي بابا منا و هيج اطلعين واساعديهم بالشغل و الموبايل بس بوقت ماكو ازدحام و مرتاحه تستخدميه مفهوم
.
نور: بس. اي اي هاهيه بس لاتباوع هيج تخوفني
.
ازار: ههه عفيه سباعيه يلا هسه روحي اطلعي يمهن
.
نور: اي تمام. بابا صدك طلعنا اليوم ضايجه صار هواي مطلعت
.
ازار: ماشي اتحضرن بليل اطلعجن انتي و عمتج رسل
.
نور: أييي والله انته احسن اب
.
ازار: ههه لواكه
......
ازار: ها شلونجن
.
سحر: هلا هلا باخوي ابو اسد والله اشتاقينالك
.
ملك: شجاك يابو اسد متبين والله البيت خالي من دونك
.
هاجر: اهلا الحمدالله
.
ازار: الله يسلمجن كلجن يلا كملن اخذن راحتجن
.
هاجر
عزا ولله رغم شكله الحلو بس يخوف و يمه ذني شلون منافقات قبل شويه ماخلن ياربي هسه اني منو بهذا البيت اخذ منه حك لو باطل
......
كرز
كاعدين اني وإمي ميته بجي واني لساتني مصدومه بعملة نهاد
.
دكتور: انتو اقارب المريض
.
ام نهاد: اي اي دكتور اني زوجته عفيه شبي
.
دكتور:عنده عجز كلوي مع الاسف و يحتاج تبديل للكله و باقرب وقت يحتاج عمليه خلال هل 48 ساعه اذا ما سواها ماكو بدينه شي
.
كرز: اي سووها لعد شمنتضرين
.
دكتور: يحتاج تحاسبون لان يحتاجله 100مليون اذا احد تبرع الكم واذا لكيتو شخص متبرع ايضا
.
كرز: ش شنو دكتور منين انجيبلك هلكد مبلغ فدوه سووها واحنا انجيبها الكم بس هسه مانكدر نوفر هل مبلغ
.
ام نهاد: اويلييي يربي شسوي بعد هسه اني والله راح اموت منين انجيب
.
محمد: على كيفج خاله اني راح احاول اوفر الكم  5 ملايين
.
كرز: ماما شلون هسه احجي
.
ام نهاد: ابوج عنده 15 مليون ضامهن بخزنه المفتاح تلكي بالمخده روحي جيبيهن وخلي اخابر خوالج بين ماهي لان حتى مشي ماكدر امشي
.
كرز: تمام ماما تمام ..
.
محمد: يلا امشي شبيج
.
كرز: لا اخذ تكسي
.
ام نهاد: روحي ويه محمد يمه لاتعذبيني
.
كرز: اوف
.
محمد: يلا امشي
.
كرز: اي اي جايه
...........
بيت ازار