مشاعر لم تكن بالحسبان

البارت 21

كرز
انصدمت كمت لا آخذ و لا انطي معقوله هاجر فضحتني باوعت على هاجر تأشر براسها خفيف بمعنى لا و تباوع على الباب

كرز: شكاعد تكولين هاي كالت.. ضلت هاجر تخزر على الباب سويت نفسي اعدل شالي و باوعت اكو رجلين وره الباب ازار لا مالازم يسمع منها لازم يسمع مني شسوي ياللله

أم ازار: وليدي نايم ورجلينه بالشمس ولج لزكتي روحج عليه موو سكتي بس ازار يعرف شنو تصرفه وياج

كرز: تدرين ليش ساكته لان حايره بيكم شنو كاعد اطلعون من اكاذيب حرام عليج خاله يجوز اليسمعج يكول حجيج صدوك بس اني ساكته العين ازار والله لان كلكم ما كاعد تنصفوني غلطي الوحيد هوه انو ابن حرام جبرني على فعلته القذره ما اتمناها اصير لاحد حتى بعدوي و يضوك مرارة المريت بيه بس اكولج كلام واحد حسبي الله ونعم الوكيل....... عفتهم و طلعت صار بوجهي ازار بين الخوف و القلق انو مايصدكني رفع ايديه واجرني الحضنه حيل تفاجئت

ازار: تدرين هسه من صدك ثبتيلي انج مراه اصيله مو طفله

كرز: شلون

ازار: الوحده الغيرج تضل تعيط و تمسلت بالحجي بس انتي كلتي كلام هادئ و رزن اسف نيابه عن امي مقهوره منج و تريد اقل كلام و تعرفيها هسه هيه مراه جبيره اتحمليها بس صدكيني انه اخذلج حقج و زايد

كرز: لا اني اعرف موو من الاصول اعلي صوتي على مراه بكد امي و لاتحاسبها خطات و اني اعتبرها امي الثانيه مسامحتها ( والله لو بيدي هسه امعطها معط على هل موقف الطايح حضه لو بس اعرف منين درت طز كرز انتي كبرتي بعينه هاي احلا مكافئه)

ازار: عفيه بنيتي

كرز: ههه تدلل بابا ( صعدت ليفوك و اني نار تاكل بيه معقوله هاجر كالت بس لو كايله ما جان حذرتني هففف . شويه و سمعت صايره عركه ويه ازار و امه اي تستاهل الشمطاء تخمخم خلي انزل اشاهد.......... شش رسل شصار

رسل: ازار كاعد يتعارك ويه امي لان تدخل بخصوصياته بس ماعرف يا خصوصيات

كرز: اممم . رحت للمطبخ سويت عشه كلعاده الي و اله

سحر: باجر من نطبخ انتي ماكو الج

كرز:  والله يااا ضوجتيني انزول عليج بابا دطيري ميته على اكلج هينوب اصلا اغلبه فاهي لو محروك

سحر: جا و التلفلف مالتج اله

كرز: غير ماعندي بديل جان ماكلبتج... اخذت العشه و صعدت لكيته يباوع على تلفون .. صار العشه

ازار: هم سويتي بس اليه والج

كرز: ههه اي

ازار: شوفي اني ماجبرج على شي بس انه اريدج هم اساعديهم لان الحياة مساعده مرات لا سامح الله تتمرضين شي عاد احد يوكف وياج اذا انه ماموجود شي للضروره يعني