مشاعر لم تكن بالحسبان

البارت 41

كرز: رسل رائد

رسل: شبي

كرز: رائد مايحبج و مجبور عليج و سمعته يكول الامه ماخذيج علمود الورث ولج والله

رسل: اشكد نكسه انتي

كرز: شنو شبيج انتي تره ما كاعد اشاقه كاعد احجي صدوك

رسل: و اني هم احجي صدك تدرين جنت احسج اكثر انسانه قريبه عليه و تتمنالي الخير و حتى من حجولي عليج جذبتهم بس الحمدلله الله بينج على حقيقتج

كرز: لج انتي شكاعد تمضرطين شنو الحجي شنو هاي رده فعلج شبيججج

رسل: ههه اي غشمي نفسج فد مره كولي اني ماريد اتلزك برائد انتي صدك ما تستحين و حسافه اخويه ماخذج كالي رائد دتحاولين تتقربين اله بس رزلته و ماصدكت بس بساعه اجيتي برجلج و بينتيلي كلشي

كرز: من طاحضج و طاحضه اي والله و روحي ولي عليه ما ينلام من يحجي و يقلد عليج لان انتي انسانه بدون كرامه و بعد للموت الساني ما يطخ السانج حاطتلي واحد جنه عصفور مهلس و احط عيني عليه غدي هوه اني اطيق اباوع بوجهه بس اني عاذرتج لان ما شايفه لذلك اول واحد شفتي جلبتي بيه

رسل: اطلعي بره

كرز: و اني مايشرفني ابقى مع هيج نموذج

رسل: اوكفي اذا فكرتي تكولين الازار راح اكله على شكو حجايه حجيتها قبل بحقه لذلك ديربالج

كرز: هههه تدرين شنو اقذر شخصيات بالعالم هيه شخصيتج و شوفي اني ما خايفه من اي كلام تروحين تكوليه لازار لان يجوز بساعه غضب بس تدرين اني راح اسكت علمود بعيني اشوفج من تنذلين و تنهان كرامتج
. عفتها و طلعت ابد ما اتوقعتها هيج بس هذا شي بينلي انو لازم ما اثق باحد لان ناس تنهش بناس . طلع بوجهي رائد باوعتله بقرف ردت اروح وكف بطريقي

رائد: سمعتي رد صديقتج الصدوقه مو

ردت اطلع هم رجع وكف بطريقي

كرز: توخر لا هسه ابتلي بيك

رائد: والله حتى بلاج افيش بس انتي ما سالتيني ليش خليت هاي الخوثه تكلب عليج

كرز: ماعليه باي شي يخصكم هوه انتو طنجره و لكت غطاها

رائد: كله من وراج

كرز: شنو

رائد: اي انتي قنعتي و خليتيه يوافق كرز اني احبج

كرز: لا لا هه انته سايكو والله مستحيل تكون طبيعي استحي على نفسك والله عيب على شواربك زينهم و حطهم الخروف احسن

رائد: كرززز مو لان احبج هيج تجاوزين شوفي اني هسه مستعد اعوف ابو رسل الخاطر كلمه منج اني من وكعتي عليه و صار جسمج على جسمي والله ذبت حته ملابسي ماريد انزعهن لان ....

كرز: بعده مامكل ضربته راجدي كل قوته ... قذررر
عفته و رجعت الغرفتي

ازار: وين جنتي