مشاعر لم تكن بالحسبان

البارت 8

ازار: ما باوعت الشكلج يلا هاي عبايه ورا و شال لفيه الها ام نهاد بسياره

كرز: بس اني مو محج

ازار: بدون حجي زايد احنا مو بغداد

كرز
هاي شنوو يعع همزين ما اعيش اهنا جان اختنك والله هاي بس شلون حتمل لفت الحجاب لبستني عباة راس مادري ليش حاطهن يمكن يعرف راح اجي هيج من طلعت شو ضل يباوعلي بترقب وهز راسه بمعنى يلا باوعت بيتهم ما شاء الله صدك بناء قديم بس يخبل و كولش جبير الي حيلللل ماتوقعت هيج يكون ستوني ماحاطه رجلي وجان يصير الهلاهل مال والي وناس كومه تطلع من البيت و زلم كومه

كرز: هاي شنو

ازار: هذوله كرايبي خليج طبيعيه لا تتوترين

كرز: احم اصلا اني كولش طبيعيه و ما متوتره على شنو اتو... بعدني ماخلصه كلامي كمت و دست على حذاءه من وره هوه صد عليه اني اريد ارجع ليوره وجان اكوم و اعثر بالعباه وكعت وكعه من هاي زينه الي خلتني استحي اكوم ماحس غير واحد جرني من ايدي بس عبالك شالني والله نرفعت

ازار: اي طبيعيه كلش .. ام نهاد نفضيها رحمه الدينج

كرز: أمي نفضتني ودخلنه من الباب اجوي كومة ناس سلموا عليه شو هذا واحد منهم اجه كال لازار مبروك ابو اسد و صد على ماما كاللها مبروك خيتي منه المال و منج العيال فوك هذا المضرطه كولها اجه كرصني من خدي و يكولي شلونج عمووو... هاااا

ازار: امشي أنطوا مجال احمد انته شتمسلت شو دفوت فوت

كرز
دخلنا و بلشو كلها نسوان و تبارك اله والمصيبه محد صد بخلقتي كلها تباوع على ماما عبالهم هيه العروس

ام ازار: يمه هاي مرتك الرايدها

ازار: اسمعوني انطو مجال للتعارف شويه

هشام: اي خويه احجي حيرتنه

ازار: تمام عائلتي الكريمه اعرفكم كرز ... اوف حتى من كد ما كارهه ماطيق اسمها و شنو راح تكون بالنسبه الي .. احم اي كرز مرتي

كرز: اول مكال هيج اني قدمت نفسي واباوع بكل ثقه الكل الي جان مجاهلني صارت كل العيون عليه . اهلا وسهلا اتشرف بيكم و هاي ماما

أم ازار: بس هاي جاهل يمه

ازار: يمه مو .. بعدني مامخلص بلشت تحجي

كرز: هه خاله يا جاهل و بعدين الحب مايعرف عمر مو لو مو موو

ازار
حجيها يربي حجيها انوب سوتني عندي قصة حب وياها استغفرك ربي واتوب اليك

احمد: بس انتي شكد عمرج

كرز: 17 عمري بس العمر مجرد رقم

هشام: تشرفنا مرت اخونا استريحوا استريحوا

كرز: الي شرف بيكم

ازار: يمه حجيه خالاتي شجابهن من هسه واخواتي