مشاعر لم تكن بالحسبان

البارت 16

أم ازار: كافي اسكتن ماريد صوت والله اذا تحجن بعد بالعوجيه

كرز: باوعتلها و ابتسمت و حجيت ويه خالتي . لا خالتو تدللين شكم خاله عدنه

ملك: شفتي شفتي لواكه وين وصلت

نور: عوفيها والله الا اعلمها على ربها

كرز: سمعت يتوعدلي (ههه هين نشوف منوو يعلم الثاني العب)

كامن كل عاده يسون شغل واني استحيت ابقى كاعده رحت غسلت المواعين يوو شكد ياكلون يالله من هسه اشتاقيتله

نور: وخريلي شويه اريد اغسل ايدي

كرز: اكو مغسله يم الحمامات روحيلها قابل تغسلين فوك المواعين

نور: شو اليوم اله اغسل فوكاهن

كرز: خلي اشوفج بله شلون تغسلين عليهن هااا. كمنه ناس تدفع بناس لحد ما دفعتها و جان اكو مي بالمطبخ من ثلاجه مايعه و نازل و ازحلكت و كعت

نور: اااااااااا الحكولييييييي يمه تكسرت

سحر: صخام شبيها

كرز: زلكت وكعت

ملك: يمه شصاير

أم ازار: يا كومنهاااا شبيج بيبي شصارلج

نور: اهئئئئ هايه هايه الحقيره كتلها اني اغسل المواعين بدالاج دفعتني و كسرتني يمههه بعد ما اتحمل الوجع

كرز: يا يا يا معقوله والله انتي ينخاف منج منو الي تعارك ويايه قبل شويه هااا

نور: عفيه بيبي لحكيلي

أم ازار: عود هاي انتي جبيره هيج تكسرين اليتيمه كومي ولجن خابرنه واحد

ملك: خابرت هشام جاي

كرز: اوكفي اوكفي شنو كسرت اليتيمه بابا اتعاركت ويايه فاهمات

سحر: اي العركه اخذ وعطة مو هيج اسوين بيها سوده عليه

كرز: انتي انجبي عاد محد حاجي وياج متملقه

ملك: هاي مرقه شنوو

كرز: هاي سوالف بس المثقفين يعرفوها

أم ازار: كافي ولجججج امشي الغرفتج

كرز: مع الاسف عليج خاله عود هاي انته الواعيه الي لازم تادبين بنت ابنج

أم ازار: انه معلمتها و احسن تربيه مثلج انتي مدري منين جابج النه

كرز
انصدمت بكلام خالتي شكد جانت حبابه وياي تغيرت من اقل موقف و كلهن ضلن يحجن عكس من جان ازار بالكوه تطلع السنتهن . شوفنن اني كدامجن ترا اني ما ناقصه شر فهاي سوالف مال كولجن تصفن ويه واحد من اشوفن الاكثر تاثير بطرفه والله ما عديها الجن وبعد الي تفتح حلكها اعرف شلون اسده و هذا حجيجن يوصل كله و بحذافيره لابو هذا البيت وهوه يصرف وياجن . عفتهن و طلعت صارت بوجهي هاجر