مشاعر لم تكن بالحسبان

البارت 26

سمعت صوت مال مدفع مادري شنو هي سياره و بيها مدفع من كد ما عيوني مغوشات حتى ما اكدر اشوف و كاعده اهز بناضم اريده يستعيد نفسه جان اشوف واحد نزل من اركز كولش واشوف

كرز: ا ا ازار . شفته اي هوه ازار جان دايحجي ويه اثنين من الجيش اني جامده بمكاني اباوع الناضم اريده يصحى ماريد اعوفه و من جهه روحي تريد تلتقي ب ازار اريد احس بحضنه بالامان رجعت باوعت عليه شفته يتلفت لحد ما استقرت عينه عليه باوعلي نضره يملئها الحنان بس اكو شي بداخلها عجزت اعرفه اجاني يمشي بسرعه وراه أمن اشرلهم يبتعدون للطرف الثاني كمت امسح بعيوني لان صارن مغوشات من الدمع  واني ايدي كلهم دم ناضم شويه و اجوي ذوله الامن يركضون قبله احنا بعيدين عليهم شويه اجوي شالو ناضم وكلادة ناضم وكعت

كرز: اوكفوااا وين ماخذينههههه

رجاءا امشي ويانه ولا تعبينه بالمشاكل راح ناخذه غير انريد انشوف وضعه

كرز: ما مات موو بعده عايش. وصل ازار اني رحت ركض حضنته هوه بادلني الحضن حسيت اثنين طلعنا حركتنا بهذا الحضن لان شكد ما جان حضن يوجع بكد ما حضن بي راحة بال

كرز: ازار وين رحت عني

ازار: يمج اني اشش يلا بدون بجي

كرز: ازار ناضم مدري شبيه وكع ويكول راح اموت عفيه ماريده يموت . ما جاوبني و نزع قميصه حطه فوك راسي و ضل هوه تيشرت اسود لابس جوه و بنطرون العسكريه

ازار: يلا امشي بسرعه

كرز: ازار ناضم خطيه مادري شصار بيه خاف صدوك يموت

ازار: اشش مايموت أن شاءالله

كرز
لزمني من جتفي و كمنا نمشي واني اتعثر لزم ايدي و يجر بيه و صار اطلاق نار قوي بس اني متت من الخوف وازار صار يركض بيه اهنا وكعت من طولي

ازار: امشي راح نوصل مابقه شي خليج قويه يلااا كرززز امشييي تقدمواا علينه

كرز: باوعت ليوره شفت صدك متقدمين و من كدام جيش مالتنا استعدوا حتى يطلقون النار  اني انتفضت بين مابيه الخوف ينسيك كل الالم انطاني ايده مره ثانيه وهاي المره صدك نركض كل قوتنا لان اذا صار رمي متبادل احنا نوكع بيها

ازار: لا تخافين لاتخافين اركضي اسرع اسرع كرز

كرز: من وصلنا خط الجيش الجيش كلهم تقدموا على ازار و بلشت الرمي المتبادل اني اهنا انهاريت مادري احس كل شي بيه تعب

ازار: كرز بيج شي

كرز: تعبت ازار عفيه بعد ماريد اسمع هاي الاصوات عفيه اخذني مناااا تعبتتت تعبتتت

ازار: تمام اصعدي يلا كافي بجي بعد ماكو شي راح ترجعين

كرز: صعدني واني كعدت حسيت راسي ثكل بعد ماحسيت الدنيا شبيها مابيها
........