مشاعر لم تكن بالحسبان

البارت 42

كرز: ش شكو ش شبيجن ف فهمني

هاجر: البقيه بحياتج حبيبتي

كرز: ل ل ليش ان اني شبيه

هاجر: ا ا ازار انطاج عمره استشهد كرز استشهد

كرز: هاي شنو صدوك تحجون مستحيل مستحيل لج قبل اربعه ايام خابرني و كال راح يرجع شنوووو مات والله انتو مجانيننننن ما ماتتتتتت كافيييييي تبجووووون ما ماتتتتتت والله كال راح ارجعععع بعد شهر واليوم بقاله 21 يوم اني حاسبتهم حاسبتهم اله انتووو غلطانينن(احجي والغصه بقلبي بس مصدكه انو هوه ما مات متاكده )

سحر: كافي حبيبتي اتقبلي هذا شي كلنا على هذا الطريق

كرز: ولجججج شتقبللللل كاعدددد اكلكممم ما مات ما مات انتو تفهمون بالكلام لو لااااا(اريد افهمهم هوه ما مات والله اني احس و اعرف بس دموعي تنزل رغم مامصدكه و الغصه الي بداخلي ماكدر اوصفها جبل و نازل على قلبي شويه واجه احمد انطاني غراضه)

احمد: هاهيه خيتي لازم تتقبلين الامر هوه راح العالم افضل مستشهد في سبيل بلده و اهله و ناسه هاي غراضه خليهن يمج

كرز
اهنا كلت يعني صح مد ايدي و خله بيها موبايله و هويته و خاولي صغير جان يخلي بركبته اذكره ادموعي صارت تنزل بدون انقطعاء حاطيهم بجيس نايلون شفاف و بيهن ورقه كاتبين عليها الشهيد و اسمه الكامل اهنا وكعت من طولي بعد ماحسيت على شي غير لمن حسيت على نفسي على صوت عالي فزيت حلم اي حلم الحمدالله يارب ازار مابيه شي راح يرجعلي . طلعت واشوف البيت مكلوب عباره نسوان لابسات اسود لا لا لاااااااااا ما مات ما مات ما مات كالي يرجعلي . احجي و اشهك شلون طفل .

أم نهاد: حبيبتي ماما كافي هذا امر الله

كرز: لا ماما لااا مو اعرف مايعوفني ليش جذب عليه ليش خلاني هيج وحدي وابنه يمه ابنه شكوله اول ماعرفت بيك ابوك مات شكوله تيتمت حتى قبل لاتجي للدنيا و يصير بيك روح اكوله بعد ماراح يصير عندك اب و تضل تباوع على العالم الي عدهم اب ولج يمه ازار عافني وجذب عليه وج يمه والله كتله اني ماريدك تروح قلبي سلابني .... ميته من البجي واحجي لحد ما جابوا تابوت . هذا شنوو هذا مو تابوته لاااا عفيه طلعوااا ازار مايروح هيج و يخليني مايروح. سمعتهم يحجون انو التابوت مابيه غير كطن و لاتفتحوا لان جثه ماعنده بالانفجار الصاير مطشر طشر . سمعت هيج لو شعري هلسته كله

كرز: لااااا ياللللهه لاااا ولج يمه سمعتي ماعنده جثه ماعنده ولج يمه حبيبي مطشر ولكم ليش هيجججج . رحت يم القبر الي هوه اصلا مابيه شي بس حسيت ينتمي إله بسته و حضنته. وحجي بصوت ناصي وياه . ليش هيج سويت بيه ليش حرمتني منك وانته تعرف كولش زين ماعندي غيرك تعرف محد يحبني غيرك ليش رحت مني و خليتني هيج حبيبي ابنك خطيه شلون بيه من يشوف اب و ابنه يمشون وهوه هيج مكسور وانته تعرفني تعرفني مو كد الحمل و المسؤوليه بس هنت عليك تذكر من تضحك عليه لان احسب ايامك لحد الان احسب و اضل احسب هم بقى 21يوم يلا تعال و سمعني ضحكتك الحلوه عليه مو كتلي يجوز اجي قبل بسىاع بس اني ماريد هيج جيه ماريد شكالت روحك يروحي انته شكالت من طشرت شكالت وج يمههه بعد ما اتحمل وك حبيبي كلتلي مخنوك واني انام و اشرب و اكل عادي وانته سوده عليه هيج حتى جثه ماعندك .