مشاعر لم تكن بالحسبان

البارت 1

كرز: هم كالت عندي نعاللللل كافيييي موتوني حجايه و الثانيه عندي نعالللل اني عمي اختلف اني خراااا و هيه نازله من الجنه ارتاحيتوااا . صديت ليوره اباوع واشوفه طب هوه و ابويه و سمعوا كلامي ابويه دكت عنده ساعة الصفر وهوه منصدم من كلامي بس واكف يباوع بشمئزاز على الحجي الحجيته
.
ابو نهاد: ولج كافي سليتينه شو دتعاي
.
كرز: لزمني ابويه يريد يكتلني اول ما ضربني اجه ازار وخره مني
.
ازار: اهدء على كيفك ابو نهاد ترا جاهل بنتك اهدء الامور ماتجي بالضرب خويه
.
كرز
ياريته ضاربني الف ضربه و لا كلامك كمت بسرعه اني و طيني بغرفتي سديت الباب و سديت اذاني واذكر احداث قبل
.....
قبل 5 سنين
......
ام نهاد: يعني شلون هسه فصلوك من العشيره تبروا منك
.
ابو نهاد: من طز بعشيرتهم موتوني حتى جهالي حرام عليهم الطبه و الطلعه والله شنو اريد افصل عنهم هيج يسوون
.
ام نهاد: اي غير هاي عاداتهم و تقاليدهم انو الرجال مايطلع من بيت ابو بس اني اسفه اذا خليتك تواجه اهلك بصوره مو حلوه
.
ابو نهاد: لا اني هم مليت من تحكمهم بيه و مرتك لبست و بنتك حجت و مرتك اخذت و انته ماصرفت اصلا كرهتهم من خاطر طيب ابويه رجال جبير جايب اخوتي يكتلوني اني هيج انذل بس يحرم بعد حتى بعزاهم ماطب بيوتهم
.
كرز
جنت صغيره واسمع اهلي متعاركين عركه قويه كلش ويه عمامي الي جنه عايشين وياهم قبل لان عمامي عدهم لازم كلهم ينجمعون بيت وعدهم بيت كلش جبير عايشين بيه كلنا ابويه نقل شغله اهنا عمو ازار نقل الشغل مالته عمو ازار يصير ضابط برتبت مقدم و بابا شرطي وياه تقريبا حاطه من ضمن حرسه او هيج شي حياتنه من طلعنه من بيت عمي اتفهنا كلش اني و نهاد شخصياتنا مشابهه هادئات كلش واهلنا يموتون علينا واحنا هم اني شعري كلش طويل بحيث يوصل الرجلي امي ماتقبل اكصه تكول لا يكلج طبعا هاي الازمه الي مرينا بيها الوحيد الي ساند ابو عمو ازار جان بكلشي هوه موجود ويانه مرته جانت تبين كدامه ماكو منها بس تشكي الامي علساس ماعدهم علمود نرفض مساعدة عمو ازار النه رغم والله اهلي بالموت يلا ياخذون الشي منه بس ماما من شافت هيج كامت ترفض فدنوب وهوه زعل حتى علينه لان نرفض هيج شي منه والله احس عمو ازار الله بعثه النه . اذا كلكم شي اني شويه اختلف يعني نوعيتي صدك هادئه بس كلشي اعرف يعني مو يم الفقر فدنوب جنت بس ضاهريا فقيره بس اني كلش مو يم الفقيره والحجايه الكطها لكط و من اشوف عروس دائما اريد اكون عروسه رغم اهلي يريدوني اقره بس اني اريد اصير عروسه هيج العالم تهتم بيه و البس واتمكيج اللههه هه هذا الوقت جان عمري 11 سنه لاكن من صار عمري 14 سنه و صار التحول 
.
ام نهاد: كرز كرز ماما
.
كرز: ها ماما
.
أم نهاد: امشي جيبي عصير و كيك عمج ازار و مرته راح يجون
.
كرز: صدك راح يجي عمو ازار
.
ام نهاد: هههه اي حبيبج يلا روحي جيبله كيك و عصير
.
كرز
جانوا اهلي يصيحوله حبيبي من كد ما احبه اموت عليه بس لحد الان جان حب طفولي حتى عمو اصيحله . رحت جبت الكيك و العصير ورتبت نفسي واجوي طلعت
.
ازار: والله ما شايف دربي وانته اكثر واحد تعرف
.
ابو نهاد:  اعرفك يا بو نور بس والله مشتاقيلك
.
ام نهاد: اي والله دائما بطاريكم
.
ام نور(حياة) حبيبتي والله احنا هم بس تعرفين ابو نور شغل خطيه استخطي
.
كرز و نهاد: السلام عليكم
.
ازار: و عليكم السلام هاي شنو كبرانات بوياي صايرات نسوان خو انتي كرز محجوزه لابني المستقبلي اسد
.
كرز: ههه عمو خجلتني
.
حياة: لا عيني اصلا هيه هسه صايره عروس
.
كرز
بقلبي . معقوله صرت عروس . هاي الاثناء صاحلي عمو ازار رحت يمه حط ايده على كتفي و حضني و بدا يسالني
.
ازار: شلونج بالدوام
.
كرز: زينه . يحجي ويايه واني تايهه بعطره لمسته الي على جتفي كزبرت جلدي اول مره يصير بيه هيج موقف وهذا شعور غصه بالبطن بس رغم غصه قويه بس بيها شعور كلش حلو
.
ابو نهاد: ابو نور انته عزلت من الاهل
.
ازار: اي والله تعرف بعد صارت عائله عندي وراح تكبر بجية اسودي اخذتلي بيت بغداد اهنا علمود ارتاح وهم دوامي نقلته احسن ما رايح راد والناصريه دربها بعيد
.
ابو نهاد: اي والله حكك
.
نهاد: كرز يصيحلج بنت ام عادل بره
.
كرز: بقلبي وقتها خليني اهنا يالله ماريده يوخر هوه من سمع هيج وخر ايده علمود ينطيني مساحه امشي صدك طلعت ميته ضوجه هستوني فايته من باب المطبخ واسمع امي و خاله ام نور يحجن
.
ام نور(حياة) ام نهاد اني تعرفين ذني مثل بناتي بس عيب وتعرفين يعني يجوز ازار يحسهم اصغار غيره لا حجبيهن ولبسهن والله اني لو ما اعتبرج مثل اختي ما اسولف بس لبسهن هيج كدام ازار عيب
.
كرز: انتي هييي
.
ام نور: عليه
.
كرز: لا على الكاونتر الي وراج شوفي احنا مستقبيلج ابيتنه اصلا مو علمودج علمود افضال عمو ازار ويانه وبعدين ماتستحين هيج تكولين علينه هااا
.
ابو نهاد: شصاير شبيج ولج
.
ازار: شكوو حياة
.
حياة: خويه هاي بنتك الله يستر منها اكلتني ورمتني والله شنو كلت يلبسوها حجاب
.
كرز: عرفت السالفه راح تندار عليه كلت اني اعلمج اني الوفها . هااااا جذابه تدري شكالت تكول مطلعه بناتج علمود تغرن رجلي ازار
.
ازار: ش ش شنو شكاعد تحجين بابا حياة شنوووو هذاااا الحجييييي هاااااا
.
ام نهاد: اصخام ولج عيببب
.
ابو نهاد: ولج اليوم اكطع النعال على راسج شلون تحجين هيج
.
ازار: احجييي كايله هيجج
.
ام نهاد: لا خويه اهدء
.
كرز: والقران هيج كالت والقران. كلت هيج وطلعت اركض حلفت القران جذب هسه علمود شنو معقوله القران راح يحاسبني وراها بشويه اني خاتله ورا برميل واشوف طلعوا عمو ازار وجهه منتهي حيللل راح تحصل كتله من عنده وربي تستاهلين تحرضين بامي عليه عادي حلفت و لا ضيعت فرصه اغثج بيها الغثيثه . طلعت واباوع ابويه اجاني يركض يريد يكتلني اني متت من الخوف
.
ولج تعالي لا تركضين بنت الكلب فشلتينا
.
اني اركض كل قوتي و شعري يطاير ورايه لان  جان كلش طويللل  و اركض بخوف و قلق اعرف ابويه اليوم ماراح اخلص منه راح اشبعني غلط و مهاين استمريت اركض لحد ما و صلت الشارع العام ماحس غير روحي طاير و طبيت بالكاع
.
ولج سياره ولج ارجعييييي كرززززز
.
هاي جانت اخر كلمات اسمعهم قبل لا اصير عندي الرؤيه كلها سودا
واني بنص هذا سواد اجتني مراه و شايله طفل و تكول هذا القران هذا القران و كامت تصيححح حيل اني صوتها صار مزعج الي سديت اذاني واصيح اششش اسكتييييييييي بعدين سبحت ايدي وتريد ادخلني من باب اسود ضيك كلش ولساتها على نفس الكلام هذا القراااان كمت اعالج اريد بس افك ايدي منها ماكدر ورا ثواني صارت ايد فوك ايدي اباوع هوه رجال شكله حتى مابيه شي ينوصف بس مادري ليش بالحلم كتله ازار فكني منها هيه اختفت وهوه دفعني بهاويه ما صحيت غير اني بمكان ابيض و صوت طن طن طن
.
دكتوور صحت المريضه
.
بسرعه جيبوا المعدات
.
دكتور فدوه طمني بنتي زينه
.
اني اباوع بشكل مغوش بس الحجي اسمعه و سمع ماينحط بالعقل يعني مافرزنه ابد الساني ثكيل
.
الحمدالله على سلامه بنتكم صحت من الغيبوبه
.
كرز: ش ش نو يايا غيبوبه . مدري شسولي فحصوني ورجعت احجي ويه امي
.
ام نهاد: يمه اوف ارتاح كلبي من سمعت هل صوت
.
كرز: ماما اني جانت مراه اجر بيه
.
ام نهاد: اش يروحي اهدي ردت اموت وراج
.
ابو نهاد: الحمدالله على سلامه بابا
.
كرز: بابا كارهني ليش وجهك عليه
.
ابو نهاد: لا بابا لا غير ردت ارواحنا من رديتي
.
ام نهاد: شبيك اكو شي
.
ابو نهاد: ام نور ماتت
.
ام نهاد: عزاااا مرت ازار ماتت
.
كرز: ش شنو ليش شبيها
.
ام نهاد: بعدين احجيلج ماما ارتاحي
.
كرز: عفيه احجولي
.
ابو نهاد: هسه نامي ارتاحي بابا
.
كرز: خلو نهاد تجي يمي اريدها
.
نهاد: ولج اجيت يمه ارتاح كلبي من طبتي
.
كرز: ولج لاتذبين ثكلج عليه
.
نهاد: اي اي صار
.
كرز: اريد احجي شويه ويه نهاد
.
تعالي اشربي مي ارتاحي
.
اي جايه وراك يلا اروح ارتاح واجيجن
.
كرز: تمام ماما
.
نهاد: اي شبعتي نوم ارتاحيتي هه
.
كرز: اش ماعليج هسه كليلي شصاير بيت ازار
.
نهاد: يا فاجعه ولج
.
كرز: شلون
.
دكتوره: عيوني عدنه فحص اخير للراس لان اكثر شي اصاب
.
نهاد: اي هسه اصيح ماما و بابا
.
كرز: دكتوره اني خوما بيه شي
.
دكتوره: لا حبييتي اطمئني
.
ابو نهاد: نعم دكتوره كملوا الفحوصات
.
كرز
اخذوني سوولي فحوصات و طلعوا وراها بشويه صارت صوت باذني يطنن بشكل قوي انتهيت من ورا كمت اصيح راسييي اااااا راسييييي مامااااااا باباااا لحكولي راسيييي حموت .
.
دكتور : ابتعدوا عنها انطيني ابره مهدء
.
الممرضه: تفضل دكتور
.
حسيت على نفسي شويه شويه هم رجع عندي الضلام
.
ابو نهاد: خير دكتور بنتي شبيها
.
دكتور: هاي الحالات تعودوا عليها لان صار عدها ارتجاج لذلك راح يسبب عدها عدة عادات سلوكها شويه شويه راح تلاحضونه يتغير و ايضا راح يصاحبها فقدان وعي احيانا بس لمده قليله وايضا هاي الحاله الي راح يكون صداع يسبب صوت بالاذن يخليها هيج تحس اني اريد منكم انو تكونون صبورين و تتحملوها لان حالة شفائها تكون ورا النفسيه لا تكلون اي شي يغث جانبها وان شاء الله تتحسن احنا سوينه العلينه الباقي يم رب العالمين
.
ابو نهاد: مشكور مشكور دكتور ان شاء الله
.
ام نهاد: ياعيني يبنيتي صغيره وينها وين هذا الضيم كله
.
ابو نهاد: هذا قدرها بعد شنسوي
.
كرز
بعد مده صحيت مالكيت غير نهاد يمي . نهاد مي عفيه جيبيلي
.
نهاد: ها كعدتي اي صار هاج
.
كرز: بابا و ماما وين
.
نهاد: يم دكتور
.
كرز: امم ضليت صافنه ورى فتره اذكرت . نهاد تعالي صدوك شنو الفاجعه الي كلتي عليها
.
نهاد: ولج غير انتي صارلج داخله بغيبوبه 4 اشهر و ناس غركت و شركت
.
كرز: احجي عاد موتيني
.
نهاد: ولج بيت عمو ازار
.
كرز: شبيهم ازار بيه شي
.
نهاد: انتي موتيني بعدين شكو تكولين ازار مو عمو
.
كرز: راح انتقم منج عاد احجي فضينه
.
نهاد: اي بيت عمو ازار وراج بشهر سوه حادث عمو ازار
.
كرز: خ خ خوما بيه شي
.
نهاد: لا هوه زين بس خطيه مرته و ابنها الي ابطنها اثنينهم راحو الله يرحمهم و بس هوه و بنته نجو
.
كرز
م م معقوله ماتت
.
نهاد: البارحه اجه خبر وفاتها هم جانت بغيبوبه
.
كرز
حسيت نفسي حقيره كلش لان قبل لاتموت اني لفقت عليها كلام جبير راح يضل ياكل بكلبي هل شي طول عمري حلفت عليها القران باطل ش شلون بيه
.
نهاد: شنووو
.
دانحجي و جان يدخل علينه ....
.........
للروايا بقايا ❤️
.
رجعنا من جديد هاي روايه اكتبها واعرف بعد بيها احداث ماراح تتوقعوها ابددد راح تنصدمون من كمية الاحداث والاشياء الي راح تصير بيها انتضروا البارت 2 باجر احبكم
تابعوني على انستا mi_itss
.
تابعوني همات اهنا خلي نكبر احبكم باي