مشاعر لم تكن بالحسبان

البارت 2

كرز
حسيت نفسي حقيره كلش لان قبل لاتموت اني لفقت عليها كلام جبير راح يضل ياكل بكلبي هل شي طول عمري حلفت عليها القران باطل ش شلون بيه
.
نهاد: شنووو
.
دانحجي و جان يدخل علينه
.
ام نهاد: ارتاحي ماما لاتحجين هواي
.
كرز: امم ماما اني غلطت مو هذا عقاب عليه
.
ام نهاد: الحمدالله يوم الدكتور كال 20 يوم و يطلعوج
.
نهاد: اي متت همزين موتونه سكنه المستشفى
.
كرز
مرت الايام العشرين و كلعاده روتين لحد ما طلعنا من المستشفى جسمي صار احسن بس ضيجه بداخلي قويه فتت الغرفتي اني ونهاد رحت اباوع على وجهي بالمرايا صايره العب النفس شعري كله راح من ورا رادو يسوون عمليه الي و خياط جرح الراس و كصوا بعد ما جان كلش طويل و متهمه بيه نفسيتي طول هاي الفتره منتهيه و كل يوميه احلام هاي المراه و ازار المنقذ الي تعجبت شلون كمت اصيحله ازار حاف وراها صار عندي هستيريه حتى شعري كل مايطول اكصه ولادي و لبسي لبس ولد وتخبلت بالمنطقه كمت ياهو كدامي اضربه و اعارك شلون الخبله حتى احيانا تصرفات اكول شلون هيج اسوي و تعودت على انو اكون ولد مو بنيه ازار كام ميجينه حتى من يجي من الباب يحجي ويا اهلي و يمشي
.
الحاضر
......
ام نهاد: فتحي امي فتحي الباب
.
كرز: ماما عوفوني رحموني ماريد اشوف احد
.
ازار: شصاير ابو نهاد بنتك شبيهه
.
ابو نهاد: والله يابو نور مالكطت العافيه من الحادث لليوم موبيدي اتهستر واريد اضربها على تصرفاتها
.
ازار: لا لا مامرجيه منك وديها الطبيب نفسي
.
ابونهاد: وديتها والله ماكو حتى ساده شيوخ مايفيد وياها
.
ازار: الله يساعدكم . زين انطيني مجال احجي وياها
.
ابو نهاد: خاف تسمعك كلام موزين
.
ازار: البنيه مثل بنتي اتقبل منها دامها مريضه
.
كرز
كاعده وابجي لحد ماسمعت صوت منقذي بالاحلام يتخلل اذاني
.
ازار: كرز حبيبتي فتحي الباب
.
كرز
من سمعت كلمة حبيبتي من عنده طرت بسرعه فتحت الباب
.
ازار: عفيه سباعيه مالازم تقفليها و تخلين اهلج يقلقون هيج
.
كرز: ا ا سفه
.
ازار: شوفي هوه الاسف مو بس كلمه نطلعها متكونه من جم حرف بوياي اسف من تكوليها كون ماتعيدين التصرف الي تأسفتي منه هيج ينقبل اسفج
.
كرز: امم
ضل يحجي واني اباوع الملامحه عيونه ذقنه من يبتسم ابتسامه خفيفه شلون تطلع عنده غمازه محفور بلحيته عطره اووف مدي اضل اشم بيه
.
ازار: مفهوم بوياي
.
كرز: ا ا اي مفهوم شكرا على هذا الحجي الحجيته بكلبي(الي ماسمعت غير كلمة مفهوم منه هه)
.
ازار: انتي غير بحسبة نور واني اعزج كلش
.
كرز: لاااا
.
ازار: شكوو
.
كرز: اني اكبر من بنتك بسنتين
.
ازار: يعني
.
كرز: لا تشوفني مثلها اني جبيره
.
ازار: هاهيه عمي جبيره نعتذر انسه كرز يلا كومي غسلي واعتذري من اهلج
.
كرز: اي صار . اووف فراشات فراشات بطني اخخخ همزين شفته اكول ليش كلبي فارغ طلع ينتضرك طلع واباوع على طول و الضخامه والله مبين تلاثينات مو 40
.
نهاد: ولج كومي من فراشي كاعده انتي وطيناتج
.
كرز: تدللين عمري
.
نهاد: هاا شنو هذا تغيير معقوله عمو ازار هلكد فعال
.
كرز: فعال فعله مو شلون ما جان صدوك تعالي اكلج موبايلج ماسكت شكوو
.
نهاد: هاا هاي صديقتي رؤى تسالني يمته نروح للمحاضره مال فيزيا
.
كرز: يوو انتو سادس مكرودين
.
نهاد: ههه هوه هم وراج بعدج الرابع زلاطه امشي غسلي حتى نصب غده
.
كرز: ازار راح يضل
.
نهاد: ولج شو انتي ازار و ازار ادري جان يلعب وياج دعبل عيب
.
كرز: انجبي ماعليج . رحت ركض سبحت واغني فرحانه بجيته شعري هوه كاري رتبنه و شسورته و لبست ملابس من نهاد مال بنات ههه و تعطرت و حطيت مكياج اسم بدون محد يعرف طلعت
.
نهاد: قندره ليش لابسه تراكي
.
كرز: اششش قحط راح اكله بس ساعه وانزعه . اباوع لازار باوعلي ابتسم ابتسامه خفيفه و غمزلي . ياييي شفتي
.
نهاد: شبيج شنوو
.
كرز: ازار غمزلي
.
نهاد: ههههه يمه متتت طاحضج ولج هوه غير صارت عينه بعينج يريد يلاطفج قبل شويه هم سوالي هيج
.
كرز : يعني هيج هيج سوالج
.
نهاد: اي اي هيج واتراكي اذا لكيت بقعه بيه اموتج
.
كرز: اي يل عص
.
ام نهاد: اي يماما هيجي صيري عفيه بنتي ولج اتحسر اشوف شكلج شكل ابنيه والله فرحتيني من هيج شفتج
.
نهاد: بس ترا عود تراكي
.
ام نهاد: خليه الها اني اجيبلج جديد
.
نهاد : صدوك اي حبيبتي تكطعي بالعافيه
.
كرز: لا ختولي ماما هسه انزعه
.
ابو نهاد: يمعودين غده
.
كرز
صبوا الغده وكعدنا سوه اني اتقصدت اصير من جهته هوه جان لابس قميص سمائي و بنطرون بيجي هادئ كف ارداناته وكام ياكل واني اتامل بطريقه اكله نازك هم اني من اكل اكل جفت هوه بالخاشوكه و شويه شويه اباوع تفاحة ادم تصعد و تنزل
.
ابو نهاد: بابا انطي العمج مي شبيج
.
كرز: ها اي اي اتفضل بقلبي اكول (هم كال نعالي عمي وين لاكيني عمي شوو عمامي لاصلين زباله اشبه هذا الكائن الجميل بيهم) انطاني لكلاص اتقصدت اصابعي تمس اصابعه . هوه ولا يمي ذبه و رجع ياكل بس ياكل شنو شبي يخاف من الخاشوكه
.
ابو نهاد: اكل ابو نور شنو قصتك جنت تموت على هاي الاكله
.
ازار: والله اكل ام نهاد ماينشبع منه بس والله ما جوعان حيل تسلمون .... الو خوش اي اي جايكم نص ساعه و طالع للديوانيه يلا الله وياك
.
ابو نهاد: شنو رجعت للديوانيه
.
ازار: والله يابو نهاد بعد شنسوي تعرف المراه من راحت بقيت بس اني و بنتي صغيره يحتاج متابعه الها واني حتى البيت كارهه ما ادخله حطيتها يم بيت اهلي
.
ابو نهاد: الله يرحمها يعني هسه انته رجعت جيران بيت حجي خلف
.
ازار: اي رجعت جيران والدك
.
ابو نهاد: هوه خله بيها والد نسيت شسوه بينا
.
ازار: تهون تهون
.
نهاد: يعني هسه انتو جيران بيت جدو
.
ازار: اي جيرانهم
.
كرز: احنا ماعدنا اجداد بعد لا تكولين هيجي
.
نهاد: بابا شنو عمش هيج تحجي
.
ازار: كرز كرز لاتكولين هذا الاسم عمو عيب
.
كرز
(ياروحييي يدافعلي ). احم عوفها هاي ام وجه الاصفر
.
ابو نهاد: اش كافي انفتحتن
.
ازار: يلا اني اترخص هم يله ورايه طريق
.
كرز
جلبوا بيه اهلي ماقبل احس روحي راحت ويا رجعت النفس الروتين
.
نهاد: اي والله ههه اني هم مشتاقتلك
.
كرز: هاي تحجين ويامن
.
نهاد: ماعليج امشي اطلعي
.
كرز: ولج والله الا اكول لامي عليج
.
نهاد: اوكفي عليج الله شوفي اني راح استسر بيج بس والله اذا طلعتي السر بعد لا اني اختج و لا اعرفج ماشي
.
كرز: امم افكر ديلا هسه احجي
.
نهاد: اني احب اسلام ابن عمي حمزه
.
كرز: شنووووووووووو
.
نهاد: اشش عفيه صوتج نصي
.
كرز: ولجججججج انتيي عاقله تحبين ابن ذوله العارات الي هججوا ابوج و حاروا شلعبوا ويانه طوبه ولج ضلينا على صدقات العالم عايشين الله واكبر
.
ام نهاد: شكووو شبيجن أصيحن
.
كرز: شوفي شوفي بنت الخانسه المحترمه شمسويه تحب ابن حمزه وهيه ويا ركع سوالف
.
ام نهاد: يا حمزه ولج
.
نهاد: ولج الله لاينطيج ماما عفيه افهمي مني
.
كرز: حمزه اخو الولد المحترم ماعرفتي
.
ام نهاد: صخام الصخمج ولج شجابج عليه
.
نهاد: عفيه ماما سمعيني والله هوه لازك عليه جان موتني واني حبيته وهو حباب عمره ماحجه شي محلو حتى يحبكم والله
.
ام نهاد: اخخخ ربي ولجن انتن ناويات تموتني ناقصه عمر ولجن تريدن العالم تشمت بينا
.
ابو نهاد: شكوو بيجن شي
.
كرز: اي بابا . ستوني اريد احجي وامي لزمتني
.
ام نهاد: ماكو شي هاي نهاد راسبه بامتحان الاحياء و كمت اصيح عليها
.
ابو نهاد: هرجتينه تالي هيج كافي لا تعيطين بعد خلنه انام
.
ام نهاد: اي اي صار . انتي لزمي السانج تريدين ابوج ينجلط هوه مناك صحته مو شي
.
نهاد: ولج انتي يحرم بعد الساني يصير على السانج
.
كرز: شو دروحوا طبكم مرض . ضربتني براسي امي
.
ام نهاد: تادبي و انتي تعالي ورايه
.
كرز
راحن مدري شيحجن اجتي نهاد ميته من البجي وتباوع بحقد عليه اني ما اهتميت لحد ما فزيت بليل طكه قويه فتحت عيوني بين النايمه والكاعده خيال بس مو حيل مركزه رجعت غمضت و النومه نومه لحد ما اسمع صياح اهلي واصل الضالين نزلت اركض بسرعه لكيت جيرانه ملتمين على ابويه وامي ادك و تلطم على وجهه وراسها بس نهاد نهاد ماكو وين معقوله
..........
بيت ازار
عائله ازار متكونه من 3 اخوه احمد عمره36 و مرته سحر عمرها 33 و هشام عمره 33 و مرته ملك 28 و كامل عمره 30 و مرته هاجر 22 و اخوات 4 ليالي 32مزوجه و ملاك25 و سمر 28 و رسل 23 كلهن مزوجات بس و رسل مامزوجه طبعا كلهم عايشين بيت جبير الهم و جيبرهم هوه ازار 40 سنه
.
ام ازار: وينجن اليوم يجي ابو اسد (يصيحوله ابو اسد اقاربه ) اريدجن تسون غده زين
.
سحر: اي صار عمه تدللين
.
ام ازار: تعرفنه مايحب الهوسه مو تضلن كاعدات و تكتلن بفروخجن وعيط و بيط
.
ملك: اي اي عمه ان شاء الله
.
سحر: يبوووو هم اجه
.
هاجر: ليش شبي اني اذكر بس شفته مره وحده ورا عرسنه بس كلش حباب
.
سحر: خايبه ما شايفته وج من يجي اهنا يصير البيت لازم مسطره هاي البكعه اذا يشوفها تقوم القيامه
.
ملك: هاي سهله ولج جهالنه اذا كالو ويه يطلعهم بره و يسد الباب يكول خلي يتربون مو كلشي يبجون
.
هاجر: يا عزاا صخام معقوله
.
سحر: بعد بعد هاي مرات ينزل ينام يم امه ولج طكه مانطك بالبيت اذا يكعد يموتنا
.
ملك: اي والله اوف وكته بس للامانه هوه مجلجل فلوس و صخي بحيث اذا طلبين منه فلوس ينطيج و مايقبل الخطا على ارجولتنه
.
سحر: اي بهاي حكج والله جانت المرحومه سابيها لو شوفين وهيه هم ماتنجرع جانت عص كشره من ينطي شي النه تكوم تفور فور من الحقد
.
هاجر: يبوووو الله يرحمها انوب خوفتني منه
.
ملك: اي بالموت يله كدرت تطلع بيت وحد والله من طلع تحررنه براحتنه انطب و انطك بس هسه رد قبل سنتين رجعنه هم بس مايجي هواي و بنته معتكفه
.
رسل: ها خلصتن كص على اخويه
.
سحر: يمه يمه شحاجين عليه عشتو وخري وخري خلي ابزل التمن
..........

كرز: ماما شصار فدوه احجيلي و بابا بابا شبي
.
ام نهاد: ولج هجت و فشلتنه ولج هجت الله لاينطي الي يجيب مكمعات ولج هاي الخوينسه حطت راس ابوج بالطين و ابوج بين الحياه والموت يبوووو ربي اخذ عمري بعد ما اتحمل خلصت طاقتي
.
كرز: ش شردت يعني نهاد شردت
......
للروايا بقايا ❤️
..
حبايبي اتفاعلوا اكثر على روايه لان بعدها احداثها ماجايه احداثها كولش قويه
.
تابعوني على انستاmi_itss5
.
وتابعوني اهنا علمود نكبر
.
اكتبولي توقعاتكم احبكم باي