مشاعر لم تكن بالحسبان

البارت 7

ولج احجييييي منووووو رجلججججججج وينههههه

كرز: تؤتؤ مايحتاج ادورون عليه لان هون كدامكم

شلوووون

كرز: اصعب كلام بداخلي راح اكوله واكثر منيه جنت اتمناها انو اكول هذا الكلام هوه يباوعلي بترقب و امي بصدمه و عمامي هم متفاجئين من كلامي .....

احجييي منووو

كرز: ازاررر هوه زوجي.....

ازار
من طلعت انصدمت و كل فكري راح تكللهم انو زوجة هذا الشخص الي اني جبته الها بس انصدمة من تلفيقها و جذبها حسيت بعدها طفله و هاي جذاباتها مال وحده رمه بس حجت الشي الي خلاني انصدم صدمة عمري حتى الحجي طار من عندي كلها صارت دحك عليه

الي تحجي صح يابو اسد حتى اذا جذب اني اعرف شسوي

ام نهاد: هيه حجت لانو

ازار
شفت امها شلون يبست و عمامها صارت عيونهم نار كلت راح يروحون بيها شكد كرهتها كره مو طبيعي اني اتخبل من الجذب اونوب اجذب هيج جذب بمرونه بس امها خطيه راح تموت ؟....... اي حجي ابو فاضل اني عاقد عليها

واحنا شني اهنا فزاعه حاطينه هاااااا ليش ما كالنا من عقدت عليها

ازار: صار كلشي بسرعه ابو حازم وانته تعرف همه هسه ماعدهم رجال غيري و اعذروني اني مرتي ما اتقبل احد يمسها بكلام لا هيه و لا اي احد يخصها

جا شنكول للوادم بنتنا ازوجت بدون محد يدري لازم تنشر خبر زواجك منها

ازار: ماكدر أسوي عرس و ابوها بعده ترابه رطب

كرز: اني اصلا ماريد عرس

ازار: انتي ولا كلام

كرز
من شفت روحي توازيت كلت كرز بيدج هسه لو تنقذين نفسج لو محد ينقذج لو تدمرين حياتج و يه شخص واصيرين اسمج مطلكه لو تاخذين ابن عمج الي تموتين من طاريه و من منطقتهم ماكو حل غير اسوي شي الي بالي واخذ ازار هم هوه هذا الشخص الي احبه وهم راح يعيشني احلا عيشه بغداد و بيته يخبل واجيب امي يمي و اخلص اهم شي هوه يمي من حجيت شفت وجهه شلون تغير حتقن وصار وجهه احمر و عروقه برزت و يباوعلي مثل واحد يريد يقضي عليه اي لحضه

ازار
كلت اضيعهم بدون ما اعقد بس اني اعرف ما يتملي شي خير

شوف يابو اسد اني الوحيد انته الي ماكدر احجي عليه لان اعرفك خوش رجال بس بنتنا تعقدلها كدام عيونه محكمه و تسوي وليمه صغيره على اقل احتراما النه مايكولون بنتنا راحت الشخص غريب بدون كلشي لا طنه و لا رنه وعقد شيخ تيعده بحضور عمامها و عمامك صار خير يابو اسد لو اطلكها و ابن عمها مايهدها

ازار
ماكو بعد تكربست براسي ماكو مفر بس هيج كارهه ما اطيق اصد بخلقتها كدامي كلت اذبها جم شهر و اطلكها واخلص امها المكروده..... هاهيه حجي تم ان شاء الله