اخترت نفسي والنفوس عزيزة
أنا لا أعيش العمر دون خيار
لك أن تغيبي لن أموت بغربة
فالأرض أرضي والمدار مداري
لك أن تجفي لن أموت من الظما
أنا من جرت فوق الثرى أنهاري
لك أن تهبي لن أطيح فداخلي
جبل وريح الحب محض غبار
طقطقت انهار أصابعها وهي تشوف عندها عمليه لطفلة بعد ثلاثه ايام وطلعت من غرفتها بابتسامتها وتفائلها الدائم الي يعطي المستشفى روح دخلت قسم الطوارئ وهي تناظر الحالات مستقره وطلعت تتافاف
سِنام بضحك: شفيك
انهار: ياخي طفش وش ذا
سهام وهي طالعه من غرفة الضماد: بناتت خلصناا كل شغلنا
ابتسمو لها واردفت انهار:سهامم بطلع بسيارتك شوي عندي شغله بخلصها واجي
سهام بابتسامه:بشرطط
سِنام:استحي على وجهك وعطيهاا
انهار بضحك:حلالها وش
سهام: تاخذين لنا عشاء
انهار:ابشريي بس ها لحد يدري إذا سالوكم عني صرفوهم
عند الوليد
قام يقعد بتعب:رواف قم جب لي مويا
رواف:طيب بس ثواني
وليد بتافاف:وش تسوي
رواف: شوف بالله مو هساعه احسن من هاذي ؟
وليد:أي اي صح ذويق يلا أبي مويا
رواف وهو يعقد حواجبه:ياخي بالله لا تسلك
وليد:والله ما اسلك
طلع رواف وهو مبتسم بيجيب له مويا ومتنح بجواله وصدم بدكتوره وانفجع:معليشش ما انتبهت
انهار بالم:ياخي ناظر قدامك تخيل صدمت مريضض؟
رواف وهو يحك جبينه:ان شاء الله
ابتسمت له انهار وطلعت متوجهه لسياره سهام
رواف وهو يتمتم:والله ماهي قشرى نفس اخوها
اخذ له مويا ورجع متوجهه لغرفه الوليد
وليد:بدرييي حلقي نشف
رواف:احمد ربك وابلع لسانك
وليد:الله يصبرني عليك
عند انهار
وقفت قدام محل حناء ونزلت تدور حناء بدون مواد عشان ما تتحسس ورده واخذت معاه نقشات وعشاء ورجعت متوجهه للمستشفى وهي فرحانه
ببيت ابو رعد
نزل ابو رعد وهو ينادي انهار
رعد:يبه بدوامها
ابو رعد وهو يعقد حواجبه:متى غيرت مناوبتها؟؟
رعد:عادي يبه خلها على الي يريحها مو شرط تلتزم بكل شي بنهايه كبيره وواعيه وتعرف مصلحتها
فارس وهو يعدل شعره:بكره اجازتها اخيراا
ابو رعد بغضب:ماعندي بنت تمشيني على مزاجها
مجيد:استهدي بالله مو كل شي يمشي بالغصيبه
قام ابو رعد
وقام معاه رعد وهو يحاول يهدي ابوه:يبه خلي اليوم يعدي على خير
فارس:ان رجعت انهار مغصوبه او ضايق خاطرها أنا الي ما بعدي الليله على خير والكلمه عندك
ابو رعد وهو يهز يده بيضرب فارس ووقف قدامه رعد بصراخ:يبهه كلنا نعرف مصلحه انهار موووو كللل شي يعني تحداكك كيف تفكرر؟ وما بسمح لك تمد يدك لا عليها ولا على هالاثنين وهم امانه امي ليي
طلع ابو رعد بغضب وطلع رعد ومعاه فارس متوجهين للمستشفى خوف على انهار من عصبيه ابوهم وتفكيره الي كل ماله يوديهم بداهيه ثانيه
دخلت انهار المستشفى بفرح ودخلت غرفة التمريض
انهار:سلامم هاذا العشاء والي فاضيه تجي معاي
سهام:اناا بياكلني الممل قريب شكله
انهار بضحك:يلا تعالي
سِنام:وش معاك؟؟
انهار:تعرفونن بعدين
طلعت سهام معاها متوجهين لغرفه ورده وبطريقها صادفت ام الوليد واهله
انهار وهي تبوس رأسها:اهلين خاله كيفك؟
ام الوليد بابتسامه: بخير الحمدلله
تقدمت لام يحيى وسلمت عليهم ورجعت تكمل طريقها
سهام باستغراب:تعرفينهم؟
أنهار بضحك:يعرفوني وما اعرفهم
ضحكت سهام ودخلو عند ورده الي فزت:اهلين انهار
ابتسمت لها انهار:خاله توقعي وش جايين نسوي؟
ورده بتعجب: وش
سهام بابتسامه:بنحنيكك
ضحكت ورده وهي تناظر انهار:ما توقعتت كنت امزح
انهار:ما عليكك أنا اطلعك من جو المستشفى مو هذا الي تبينه بعدد؟
ابتسمت ورده ودعت لانهار من كل قلبها
قعدت انهار عند يدها اليمين وسهام اليسار وهم يحنونها
انهار:خاله تحبين أي فنان؟
ورده:محمد عبده
سهام:الله يا الجده البطلهه
ضحكو كلهم وحملت انهار جوالها وهي تشبكه على سماعتها القريبه
سهام فهمتها: مجنونه انتي عزام يطردنا من المستشفى
انهار بضحك:طز بعزام وطز بدنيا هي مره وحده
شغلتها انهار وبدو يغنون معاه ويضحكون:لالا تضايقون الترف لا تضايقونه
لالا خلوه يجني من حياته ثمرها
لالا وحرام من عقب الرضى تزعلونه
لالا شوفوا عيونه كثر نوحه دمرها
لالا أغليه لو كل الملا يرخصونه
لالا لا حل في دنيا غرامي عمرها
لالا ما تفهمون الحب ما تفهمونه
لالا فوق الخيال وعنكم الله سترها
كانت انهار تحس بفرح يجتاج قلبها وهي تشوف ورده مبتسمه مستعده تبديهم على راحتها المرضى عندها مو مجرد مرضى لا اروح وعالم كل شخص فيها متنوم الحين له قصه ووجع وحكايه وكل مريض له فرح وحزن ولحظات كثيره وكل شخص له انسان غالي عليه يمكن يكون تحت رحمتنا ورحمه الله
أنت تقرأ
لها حُكم لقمان وصورة يوسف
Actionعاميه وليست بِفُصحى.. الكَاتبة:شُتات احمد. بين ممرات المستشفى وبين فرق التحقيق الجنائي بين الألم والفرح والصدمات الغير متوقعه وفي كُل الاوضاع يبقون يتساءلون ما الاتي؟ "من عاش عمره للمخاليق تباع يشرب فناجيل الغبن والمذله وراع المعزه لو من الوقت يلت...
