لها حُكم لقمان وصورة يوسف

17

رنام:روافف لا تجنن البنت
رواف وهو يتكتف بضحك:كنت بقولك ابشري بس ماقدر
رنام بتافاف:اوريك
رعد وهو جاي:خلصت الاوراق بكره الساعه عشر
رواف وهو يخفي خوفه:هونها وتهون يا رعد
رعد بابتسامه ضيق:ان شاء الله
رواف:ارجع ارتاح ادري فيك مشغول وانا بجيب لهم الي يحتاجونه
رعد:بتطمن عليها وامشي تراها بامانتكم
رواف: نحطها بعيوننا لا تشيل هم
دخل رعد الغرفه وناظرها وهي نايمه وابتسم:ياروح اخوها الي تعبانه
فز على اتصال مجيد وطلع:تراها نايمه
دخلت رنام بهدوء وطلع رواف يجيب لهم اغراض
اتصلت رنام لحور
رنام:حور
حور:خير ما رديتو لي خبر!
رنام: انهار تعبت والحين احنا بالمستشفى
حور:بسم الله عليها العصر وهي بخير
رنام بضيق:لازم تسوي غسيل كلى
حور: ياعمري عليها وينها الحين
رنام: نايمه
دخل رواف وسكرت رنام:رواف
رواف:هلا
رنام: الدكتوره جت تبي احد من أهلها اقعد عندها وبروح
رواف:لا لا أنا بروح اقعدي عندها لا تخلينها
رنام:طيب رواف طمني
رواف بابتسامه:ياقلبي لا تشيلين هم اول ما تقولي بقولك
طلع رواف متوجهه لغرفه الدكتوره ودق الباب
سلوى:تفضل
رواف:طلبتي احد من أهل المريضه انهار فيصل؟
سلوى:أي وش تقرب لها؟
رواف:زوجها
سلوى:تفضل
قعد رواف وناظرته سلوى:بعد الغسيل أحتمال الحمل عندها ضعيف جدا وبما انه الغسيل مؤقت او دائم مانقدر نحكم الحين لاكن هذا الشيء الي قدرنا نتوصل له
رواف وهو يمسح على وجهه بضيق: تمام
طلع رواف وهو يتذكر ملامح الضيق بوجهها وشبك المواضيع بعقله وتنهد بضيق: ياليت يصيبني ولا يصيبك هضر يا ماما بس اجر
دخل الغرفه وناظر رنام الي مسكره عيونها بتعب
رواف:نامي يا رنام بقعد هنا حتى ينتهي وقت الزيارة ارتاحي
رنام:رواف وش قالو
رواف بابتسامه ضيق:نفس الكلام لا تهتمين
تغطت رنام ونامت وناظر رواف انهار وقعد جنبها وهو يمسك يدها ويشد عليها بهدوء ويتامل ملامحها وبهمس:اللهم لا ترني فيها شرا فيصيبني ضعف يا يصيبها
قامت انهار بالم وناظرت رواف:رواف
رواف بابتسامه:هلا يا امي انتي
انهار وهي تشد على يده بالم:كلم الممرضات يجون
رواف وهو يفتح للمغضي: يعورك كثير ؟
انهار وهي تحاول تمسك دموعها:كثير
تنهد رواف بضيق وشد على يدها وهو يرتل ايات قرانيه من سورة الاسراء
﴿وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ وَلَا يَزِيدُ الظَّالِمِينَ إِلَّا خَسَارًا وَإِذَا أَنْعَمْنَا عَلَى الْإِنْسَانِ أَعْرَضَ وَنَأَى بِجَانِبِهِ وَإِذَا مَسَّهُ الشَّرُّ كَانَ يَئُوسًا قُلْ كُلٌّ يَعْمَلُ عَلَى شَاكِلَتِهِ فَرَبُّكُمْ أَعْلَمُ بِمَنْ هُوَ أَهْدَى سَبِيلًا  وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُمْ مِنَ الْعِلْمِ إِلَّا قَلِيلًا وَلَئِنْ شِئْنَا لَنَذْهَبَنَّ بِالَّذِي أَوْحَيْنَا إِلَيْكَ ثُمَّ لَا تَجِدُ لَكَ بِهِ عَلَيْنَا وَكِيلًا إِلَّا رَحْمَةً مِنْ رَبِّكَ إِنَّ فَضْلَهُ كَانَ عَلَيْكَ كَبِيرًا قُلْ لَئِنِ اجْتَمَعَتِ الْإِنْسُ وَالْجِنُّ عَلَى أَنْ يَأْتُوا بِمِثْلِ هَذَا الْقُرْآنِ لَا يَأْتُونَ بِمِثْلِهِ وَلَوْ كَانَ بَعْضُهُمْ لِبَعْضٍ ظَهِيرًا﴾
انهار بهدوء:عطشانه
رواف وهو يفتح لها المويا:اسندك ياماما؟
انهار بابتسامه:اقدر
رواف:زين شوي شوي لا ينتكس بطنك الحين
استندت انهار وهي تناظره:وين رعد
رواف:دخل يتطمن عليك لقاك نايمه رجع يكمل شغله
انهار:وانت وش تسوي هنا
رواف بابتسامه خبث:بتنوم معاك
انهار بضحك:كذاب
رواف:نشوف بعدين
انهار: مابيكك بتجلطني
رواف بضحك:غصب عنك مو برضاكك
انهار وهي تزم شفايفها:بحط لك سم باكلك
رواف:ما باكل شي انتي تعطيني أبي عمري
انهار بابتسامه:اجل يلا روح
رواف:ان رحت بطلع حتى باحلامك
انهار وهي تناظر الكنبه:يا كذاببب رنام هنا
رواف بضحك:توك تستوعبين
انهار:ايي شوف كيف متلحفه