اخيرا وصلو القصر الي كان بعيد جداا عن بيتهم بين أبها والخميس بقرية شبهه خاليه من البشر لاكن جميله جدااا اشجارها لها غصون كثيفه وعاليه خضراء وزهور هشه اشبه بالحلم وأقرب للخيال من الواقع منظر القصر كان كبير جدا واسع بانارات بيضاء تعكس لون القصر العودي بتدرجات جميله جدا بتفاصيل تغرقه جمال
ابو يحيى وهو نازل ويناظر انبهارهم: حياكم الله ببيتكم وورثكم وبيت اولاد اولادكم
رواف بابتسامه:يبه قررت على مستقبل حتى ولادنا
ابو يحيى بضحك:اامنن عليكم قبل ما يامن علي الموت
مهاب: طويل العمر ان شاء الله
شتت رواف نظراتها وهو يدور انهار ابتسم وهو يشوفها تحمل ارنب كان بيطيح بحفره خلفها المطر وتلعب معاه
بعد يومين وتحديدا يوم زواج انهار
رنام وهي توقف بفرح: اخيرااا ما بغينااا يجي هاليوم
سفانا بضحك وهي ترتب اغراض انهار:متوترين اكثر منها
حور:منجدد احس روحي بتطلع من التوتر كانه عرسي
رنام بتعجب:للحين ما طلعت من غرفتها؟
سفانا:بروح اشوفها
رنا:إذا هي نايمه لا تصحينها تتوتر من الحين
رنام:صراحه اشك إذا هي تتوتر توها أمس متناقره معاه
حور بضحك:لازم تقمط العافيه ذاك أمس وذا اليوم
بغرفة انهار
قاعده وتعض شفايفها بتوتر تخاف تطلع طلتها مو حلوه وخوفها الاكبر من انها تطيح:يمهه وربي مو متخيله اطيح مابي كعب
سفانا وهي تدق الباب:ادخلل؟
انهار بدون وعي:هاا؟
سفانا بضحك:ادخل؟
انهار:ايييي تكفين تعالي
دخلت سفانا وناظرت انهار: يمه يمه وش مسويه بنفسك انتي
انهار بضحك من توترها:خايفه اطيح وربي هالفكره مو راضيه تنشال من بالي طيب يمكن زفتي تخرب يمكن طلتي ما تكون حلوه يمكن ويمكن وربي توتررر!!!
سفانا بضحك وهي تقعد جنبها:لا تتوترين ولا شي كله أفكار تعوذي من ابليس يا ماما شفتي أنا كيف كان توتري وما صار ولا شي من الي ببالي وزفتك تجنن مافيها شي وعندنا نسختين مارح تخترب ولا شي بس هدي نفسك
رنام وهي داخله:صباحح الصباحح يا عروستناا الحلوه
انهار بابتسامه:صباح النور
رنام:قاعدين نجهز اكسسواراتك تبين تشوفينهم؟
انهار وهي تقوم تعدل شكلها:اييي أبي الهي نفسي شوي عن هتوتر
سفانا:اجل يلا ترى حاجزين من الساعه٢العصر الوقت احس مناسب
رنام:ايي عشان ما تتوتر زيادة من ضيق الوقت شفتي يوم عرسك انحسناا والي تسوي مكياجك يدها ثقيلهه
سفانا بضحك:وترتني وهي تقول يوهه الوقت الوقت حسبي الله
زمت انهار شفايفها وهي تكتم دموعها وتناظر الفستان الابيض ناعم بتفاصيل لطيفه جدا تبرز جماله برقه مزموم الا حد الخصر ومنسدل براحه بقماش حرير ناعم يعكس شخصيتها:بنات مو مصدقه
حور وهي تحضنها:ياعيوني انا
سفانا بغصه:ترى لا بكيتي بكينا
صدت انهار وهي تمسح دموعها وبكت رنام:صدقيني أقول لجدي ما يفرقنا ونقعد بالقصر وبالمزرعه وماعاد نعترف ببيوتنا
حور بضحك: مجنونه تسوينها
انهار بضحك:حلووو والله عجبتني الفكرة
سحر وهي داخله:يلا بنات فطور
سفانا وهي تسحب انهار:يلا يا حلوه
بدت انهار بتتكلم وقاطعتها
رنام:صحح آش مافي اعذار
فتحت انهار جوالها على رسالة رواف واتسعت ابتسامتها"ولقيتك قلبًا يضمُّ سعادتي
ولقيتك ديمًا لأيامي سقَت
ولقيُتك عقلاً يَلمُّ شَتائتي
ولقيتك ضداً لأحزان بقت
أندى نصيبي في الحياة حديثك
ما أبهج الدُّنيا إذا يومًا حكت
فكأن أحرفها السعيدة جنةً
وجحيم أيامي إذا يومًا بكت
شطرًا يُتمِّم شطر روحي قربها
لا فرَّق الله القلوبَ إذا التقت"
'ابتسمي ياروح رواف وخلي التوتر على جنب وشمسي توها ما شرقت مو ناويه تصبح علينا؟'
ابتسمت انهار وهي تكتب"صباح الخير يا أرضي ووطني والفي ومحبتي"
أنت تقرأ
لها حُكم لقمان وصورة يوسف
Actionعاميه وليست بِفُصحى.. الكَاتبة:شُتات احمد. بين ممرات المستشفى وبين فرق التحقيق الجنائي بين الألم والفرح والصدمات الغير متوقعه وفي كُل الاوضاع يبقون يتساءلون ما الاتي؟ "من عاش عمره للمخاليق تباع يشرب فناجيل الغبن والمذله وراع المعزه لو من الوقت يلت...
