لها حُكم لقمان وصورة يوسف

31

كان فارس واقف قدام قسم النساء يدور يمين ويسار ومغبون وخايف عليها حدهه ما يدري وش يسوي او ايش صار عليها حط يده على راسه وهو نفس المهبول من تفكيره الي نهش راس خلاص ماعاد يتحمل اتصل على رعد ورد
فارس:رعد تكفى لا تردني ولا تراددني ولا تسأل اخذ رنام وتعال مستشفى """"" بسرعه وربي تتاخر شوي انهبل من الصداع
رعد بخوف:ابشر جايين
سكر رعد من فارس واتصل على رنام
رنام:هلا وش الطاري؟
رعد:رنام تجهزي بسرعه أنا طالع السياره منتظرك
بدت رنام بتتكلم وقاطعها:فارس اتصل يمكن سفانا تعبانه وهم بالمستشفى فا يا امي انتي استعجلي
رنام:ثواني وأنا عندك
لبست بسرعه وبالها عند سفانا لا يكون صايدها او صايد ولدها شي!!!
نزلت وركبت السياره وتوجهو بسرعه للمستشفى
وصلو ونزلت رنام ودخلت على طول قسم النساء وسالت الدكتوره عن حالة سفانا لاكن انصدمت من الرد:تونا طالعين نكلمكم الباقي بعمركم والله يعوضها بغيره الحمل ما كان ثابت من دخلت الشهر السادس
سكتت رنام بصدمه وما كان يعبر عن حالتها الا دموعها الي خانتها ونزلت قعدت على الكرسي وهي منهاره بكاء شافت الدكتوره حالتها ورحمتها وطلعت تقولهم الخبر الي نزل بقلب فارس نفس السم طلال كان روحي الي ما شفتها!!ياروح ابوك ليش تركتنا؟امك ما تنام الا وهي مكلمتك لهدرجه يا طلال اناني حتى بشوفتنا لك؟ وقفت الكلمات على شكل غصه بحلقه حضنه رعد وخانته دموعه ومسحها:الله يعوضكم ياخوك شفيع لكم ان شاء الله
مسح فارس على وجهها وكان الصمت حديثه لسانه كان مربوط ولاهو عارف اصلن ايش يسوي طلع حديقة المستشفى وكان بيلحقه رعد لاكن وقفه بكاء رنام وقت طلعت وارتمت بحضنه وشهقاتها مقطعه قلبه ووناتها تصدع بممرات المستشفى شد عليها بقوه:هسس ياروحي خلاص شفيع لهم يا ماما يمكن ربي رحمه من مرض كان بيصيبه محد يدري ربي ايش كاتب لهم صح ولالا؟
رنام بكلمات متقطعه:رعد كيف بقولها وش أقول ابنك وقطعه من روحك مات ؟؟
رعد بضيق:استهدي بالله ياروحي قولي اللهم لا اعتراض على قدرك
حس رجولها ما تحملها قعدها على الكرسي وجاب لها مويا هزت رأسها ب لا ونزل لمستواها:لازم
مدت يدها ولاحظ رجفتها ومسك يدها الي كانت نفس الثلج:ما عليه ياعيوني
شربها مويا وناظر حالتها:بردانه؟
هزت رأسها بنعم:ارجعك البيت ؟
رنام ببحه:لا مابي وسفانا؟
تنهد وشال جاكيته وحطه عليها وطلع يشوف فارس
لقاه يكلم اهل سفانا وناظره حتى خلص وتكلم معاه وهو يواسيه ويصبره حضنه وهو يشد عليه:خلاص يا فارس سفانا تحتاجك أقوى من كذا
فارس بتنهيده:كيف افتح معاها الموضوع يا رعد يا صعبه
رعد:شد على نفسك يا فارس يلا ادخل غسل وجهك
دخل فارس وغسل وجهه وصلى ركعتين
كان قاعد رعد يقنع رنام تدخل الطوارئ حالتها ما عجبته ابدا فجعوها بالخبر
اخيرا اقتنعت بكلام رعد ودخلت وكان واضح انها مو مستوعبه الصدمه الي حطوها فيها وحطو لها مغضيات عشان حرارتها الي ارتفعت
رنام: رعد ابي بطانيه بردانه
رعد:مايصير يا ماما
رنام بتعب:بس رعد شوي والله بموت برد
سحب رعد البطانيه وغطاها وشدت على يده:لا تروح
رعد وهو يبوس يدها:ما اروح
ابتسمت بضيق ونامت بتعب قعد يفكر بحياتهم الي من مستشفى لمستشفى ومن هم لهم واطلق تنهيده طويله تطلع كتمان إيام مضت تأمل ملامح رنام الي انقلبت حمرا من حرارتها وابتسم بضيق:ياعمري