كلمت انهار المستشفى انها بترجع وكلمت رعد بالموضوع ولبست الابكوت وطلعت متوجهه للمستشفى
عند رواف
مسح على وجهه بضيق وحط راسه على الطاولة مو قادر يعبر عن ضيقه بس يحتاج احد يوجهه ويسانده
دخل ابو يحيى وناظر رواف:زوجتك
رواف بسرعه:وش فيها؟؟؟؟
ابو يحيى:رجعت للمستشفى
رواف:يبه ارسلو لها حمايه
ابو يحيى:رسلنا بس قلت ابلغك
رواف:أبي اكلمها!!!
ابو يحيى:إذا انت بايع عمرها كلمها
تنهد رواف بضيق ورجع راسه على الطاولة بتعب
ابو يحيى: رواف
رواف:سم يبه
ابو يحيى:قوم يا يبه ما عرفناك كذا!
رواف:مهدود حيلي يبه والله مهدود
قعد ابو يحيى جنبه وهو يطبط على ظهره:هونها وتهون مهاب بحفظ الله وانهار بعيوننا معقول افرط فيها وببطنها ابن ابني ؟
ابتسم رواف من كلمته الأخيرة: ابن ابنك إذا طلع سليم من جنان زوجه ابنك نعمه
ثبت ابو يحيى السماعه باذنه وهو يسمع مهاب يهمس:جدي انسحبو رجالهم للعشاء فيه اثنين طلع حمد يتعشى معاهم تحركو محد منتبه!!!
ابو يحيى وهو يناظر رواف: بتطلع ؟
رواف:أبي اتحرر قسم انكتمت
ابو يحيى:اطلع بسرعه رجالهم انسحبو للعشاء
سحب رواف مفتاح سياره جده وطلع بسرعة
بيت ابو يحيى
رنام وهي تناظر عزيز:عزوزز يلا قوم
عزيز بتنرفز:انتي وش تبين مني الحينن ؟
رنام:نروح المكتبه الجامعه ما بقى عليها شي
عزيز:وعز؟
رنام:نايم بعدين يهاوشني مالي فهقه له!!
عزيز:طيب اخلصي
قامت رنام تلبس وناظرت عزيز:خلصتتت وانت ما قمتتت
عزيز:أنا ما اتاخر نفسك كله مفتاح اسحبه واطلع
سحبت رنام مفتاحه بتنرفز وطلعت:وربي ان ركبت وانت باقي يالي تجهز بثواني لا امشي لوحدي واخلي جدي يلعن خيرك
عزيز بصراخ وهو يلبس الجوتي:هيييي ما اتفقنا كذااااا مجنونه يرببيي كيف مهاب ورواف يتحملونها
طلع وفتح الباب وناظرها:انزلي جعلك العافيه
نزلت رنام مقعدة الراكب وناظرته:حرام عليك ياخي
عزيز باستغراب:وش الي حرام عليك
رنام:سيارتك تطلب الرحمه
عزيز بابتسامه:عندي خوات ينظفونها
رنام:عندك رجلين ويدين يعيوني تعرف تنظف بها!!
عند انهار
دخلت المستشفى وابتسمت حتى ريحته فقدتها دخلت مكتبها وحطت اغراضها وعدلت حجابها وطلعت متوجهه لقسم التنويم تشوف المرضى وعملياتهم وصدفت سِنام
سنام وهي تحضنها:فقدناكك
انهار بابتسامه:ولا تتصلونن!
سنام:مشغولين من ساسنا لينن راسنا خلصت من هنا تعاليي اقعدي معانا
انهار:ثوانيي بروح قسم الطوارى احس ودي أمسك حاله
سنام:مو صاحيه انتي
شافت انهار طفل عمره حوالي الثلاث سنوات يمشي لوحده وحملته:الحلو وش يسوي هنا لوحده؟
الطفل بكلمات متقطعه:أبي بابا
ابتسمت له انهار وباست خدوده:من وين راح بابا يعيونها؟
اشر لها لغرفه ودقت الباب وفتحتها وناظرت فيها شخص وعنده وحده واضح انها زوجته: ابنك ؟
هز راسه بنعم وفتح له يدينه وهو يحمله:وين رحت هاا؟
هز اكتافه بمدري وابتسم لانهار وبنبره طفوليه:شكرا
ابتسمت له انهار بفرح وطلعت وهي تكلم نفسها:مو تزعل ترى احبب الاطفال واحببك انت اكثرر وبابا أحلى بابا بدنيا ويحبك حب مو طبيعي تدري صح؟؟
أنت تقرأ
لها حُكم لقمان وصورة يوسف
Actionعاميه وليست بِفُصحى.. الكَاتبة:شُتات احمد. بين ممرات المستشفى وبين فرق التحقيق الجنائي بين الألم والفرح والصدمات الغير متوقعه وفي كُل الاوضاع يبقون يتساءلون ما الاتي؟ "من عاش عمره للمخاليق تباع يشرب فناجيل الغبن والمذله وراع المعزه لو من الوقت يلت...
