لها حُكم لقمان وصورة يوسف

25

صحى رواف من بكاء انهار وتمتها بكلمات وسط نومها وفزت بخوف وهي تبكي وحضنها:بسم الله عليك يا عمري
انهار ببكاء:رواف بيجي
رواف بضيق:يعيون رواف والله ما يجي انا جنبك
حضنته انهار وصوت شهقاتها يرتفع:هو قال ما بيخليني
رواف وهو يحضن وجهها بكفوفه:وانا اقول ياخذني جثه ولا ياخذك من بين يديني قومي ياروحي يلا
قامت انهار معاه ورجعت قعدت بالم وهي تشد على بطنها:يعورني
نزل رواف لمستواها وهو يبعد شعرها عن وجهها وحط يده على جبينها:حرارتك بدت ترتفع ثواني
قام بسرعه وهو يعدل الدش وطلع لها ملابس ورجع عندها:خف بطنك الحين؟
هزت انهار رأسها بنعم وابتسم بحنيه:بس حرارتك ما خفت ياروحي قومي الحين أخذي شور عشان تصحصحين
ابتسمت انهار غصب من ابتسامته وقامت وسط تعبها:بس ما تروح
رواف وهو يبوس يدينها:وين اروح يا قلبه وين؟
دخلت انهار تأخذ شور وقام وهو يدخل المطبخ:لازم تكون الأمور تكون تحت السيطره لانه إذا حرقت المطبخ بتلعن خيري

جناح فارس
دخل فارس واطلق تنهيده راحه عميقهه اخيرا انهار رجعت لنا وسالمه وش ابي أكثر!!
ناظرته سفانا بابتسامه:اخيرا ارتحنا
فارس بنفس الابتسامه:منجدد بس ابي اعرف وش صادها ومن ذا ووش سوت وربي صدعت ورواف ما صدق يلاقيها ماعاد ورانا وجهها
سفانا بضحك:زوجها يا بابا تخيل انه عندي اخوان وصار لك ثلاث ايام تدورني ولقيتني وجو اخذوني قالو والله اختنا
فارس:هها يخسون ما صدقت الاقيك عشان افكك
سفانا وهي تطوي الملابس:اجل تشوفف يعني اسكت خلهم مجيد بيطق له عرق قريب
فارس وهو يقوم:رعد منجلط منه
سحب الملابس من يدها:ممنوع
سفانا:كل شي ممنوع ممنوع!
فارس: ابيي أبني سليم
سفانا وهي تتخصر: ابنك وسليم أنا ؟؟
فارس بضحك:بديناا؟
سفانا:باديين من زمانن
نزل فارس لمستوها وطبع قبله عميقه بخدها:يلا الحين يا حلوه رضيتي عننا؟روحي اقعدي وارتاحي

جناح رواف
طلعت انهار وهي تنشف شعرها وناظرته مو موجود وخافت:روافففف
رواف:عيونه يا انهار والله موجود تعالي
طلعت انهار وهي تدوره وابتسمت:انت مسوي كل هذا ؟
رواف بابتسامه وغرور: ايي طبعا إذا لقيتي احسن من اكلي واجهيني
انهار بضحك: مغرور
رواف:يلا يلا وليدو يتصل
انهار وهي ببالها حور:وش يبي
رواف:بعدين اقولك كملي اكل 
خلصت انهار اكل وناظرته:يجنن
رواف بابتسامه:قلت لكك
انهار:يلا الحين قولي أكيد الموضوع فيه حور!!
رواف:صح كلهم نايمين وما يبونا نصحيهم ووداها المستشفى واحتمال بعد ساعتين تشرف رولا
حضنته انهار بفرح وضحكت: اخيرااا تودينيي؟
رواف بضحك وهو يبوس جبينها:ياروح روحي هالفرحه يلا روحي لبسي
انهار بابتسامه:بطلع لك ملابس نفسي
رواف بضحك:ما نسيتيي؟
انهار:لاا
لبست انهار وطلعت تحط لهم اكل واخذت شنطه حور وتحركو متوجهين للمستشفى
رواف وهو يمسك يدها:واضح متوتره ترى
انهار بابتسامه:خبصه مشاعرر والله
وصلو المستشفى ونزلو وانهار شاده على يد رواف بخوف
شد رواف عليها وابتسمت:واضح وليد متوتر من وجهه
رواف بضحك:الحين تلاقينه بيطير من الفرحه والتوتر
انهار بضحك وهي تناظره:ما اتخيل نفسك مكانه ابدد
رواف وهو يناظرها: انتي الي ماقدر اتصور بطنك قدامك ابداا
انهار وهي تتخصر: يعني مايصلح اصير امم؟
رواف بضحك: بتصيرين أحلى ماما وقتها
تقدم رواف عند وليد وهو يكلمه وناظر وليد انهار: تروحين عندها ؟
هزت انهار رأسها بنعم وناظرت رواف:بوصلها واجي
وليد وهو يشبك يدينه بخوف:طمنيني عليها
انهار:لا تخاف
وصلها رواف وناظرها:يلا ادخلي قدامي عشان أتطمن
انهار وهي تدخل:انتبه لنفسك بتصل لا تخاف
ابتسم لها رواف ودخلت وهو خايف يتكرر الموقف لاكن استودعها الله ورجع
وليد:طمنتك عنها؟
رواف بابتسامه:لا توها دخلت بتتصل
سند وليد راسه على الجدار بتوتر وسحبه رواف وهو يقعده:بنت ابوها هدت حيله قبل تجي
وليد بضحك:أي والله ازعجتكم صح؟
رواف:لاا يا رجال لو تشوف فرحتنا ما قلت هالكلام
فتح وليد جواله على اتصال حور ورد بسرعه:ها يابوي انتي شصار
حور بالم: مابيك لا انت ولا بنتك كلكم تعلون القلب
وليد بابتسامه:افاا الحين احنا نعل القلب؟
حور:اييي كله منك
وليد:ومتصله تذمينيي وأنا ادعي لك؟
سكرت حور بضيق وابتسم وليد:والله لو اني قدامها اكلتني حي
رواف:ما عليه لا شافت بنتها نست الألم
وليد بضحك: وأنا من ينسيني هسب
رواف:بنتككك
وليد:وهه اشوف فيك يومم
رواف بضحك: وقتها لو فكتني تنجلط
وليد:صدقني تطردك
رواف:حور بنت خالتي قشرى بتطردك لاكن انهار بنت قلبي!!!
وليد:الله الله
فتح رواف جواله على اتصال انهار ورد
انهار: رواف يصير تجيب لنا مويا ؟
رواف:ثواني وهو عندك
انهار:بعدد يقولون حورو مطوله بخاطري عصير ليمون ونعناع
رواف بابتسامه وهو يقوم:حاضرر بعد تبين شي؟
انهار بابتسامه:سلامتك
ناظر رواف وليد:بروح اخذ لهم مويا وعصير تبي شي؟
هز وليد راسه ب لا