لها حُكم لقمان وصورة يوسف

18

صباح اليوم التالي بيت ابو يحيى
رنا:يمهه مهاب جاء
ام مهاب:مهاب وينكك مالك لا حس ولا خبر
مهاب وهو يقعد: الشغل يمه
ام مهاب:طيب ادخل ريح والعصر تودينا المستشفى
مهاب:سلامات؟
رنا: سلامات حبيبي اخبار السودان؟
ام مهاب:انهار تعبانه وبيسوون لها غسيل كلى
مهاب وهو يضرب رنا:حلاله من مسخ جلدك بالخيزران ما تشوفين الشمس كاويتني
رنا بالم وهي تضربه:أنا اختك يالي ما تستحي على وجهك
مهاب وهو يمسح على كتفها:عورتك؟
رنا:ايي
مهاب: اجل تستاهلين اكثر وأنا اخوك
رنا:جدههه والله مهابب ما يحترمنيي
ام مهاب:اللهم صبر ايوب
مهاب:يمه صبر ايوب الله يجيبه وجوع معدتي من يسده
ام مهاب:انتظر الكبسه تستوي لا تنام
مهاب:اجل أنا طالع الغرفه اخذ شور وانتي لا يكون زعلتي مني؟
رنا بابتسامه:لا ما زعلت
هاذااا هو مهاب يسال بطريقة غير مباشره وبمزح لاكن يهتم بادق التفاصيل وكثيرر يحاول يتغاضى بس ما يقدر ويرجع يطلع الموضوع من تحت الأرض وينبش فيه لو شفته لوهله وهو مكشر بتقول انسان شديد ولو شفته لوهله يضحك تقول مافي احن منه يحاول يسيطر على غضبه الي يخليه يفور بدون سابق انذار لاكن كان لاصدقائه (وليد،تيم،رواف،رعد)الفضل الاكبر بتغيير شخصيته المندفعه والعصبيه الى شخصيه لينه وحنونه والكل شهد على هتغير بعد ما كان مهاب من مصيبه لمصيبه ومن سجن لسجن ونعرف بعدين اكثر عنه وبعدد ما كان يمر من جنب المسجد ولا يلين قلبه ولا يخشع الى خاتم قران بفضل رواف ومواظب على صلاته بفضل وليد ومتفائل وبشوش بفضل رعد  وتيم
وهنا ناخذ مثال كبيرر على حديث الرسول صلى الله عليه وسلم{قَالَ: إِنَّما مثَلُ الجلِيس الصَّالِحِ وَجَلِيسِ السُّوءِ: كَحَامِلِ المِسْكِ، وَنَافِخِ الْكِيرِ، فَحامِلُ المِسْكِ إِمَّا أَنْ يُحْذِيَكَ، وَإِمَّا أَنْ تَبْتَاعَ مِنْهُ، وَإِمَّا أَنْ تَجِدَ مِنْهُ ريحًا طيِّبةً، ونَافِخُ الكِيرِ إِمَّا أَن يَحْرِقَ ثِيابَكَ، وإمَّا أَنْ تَجِدَ مِنْهُ رِيحًا مُنْتِنَةً.}

بالمستشفى
قامت انهار وناظرت رواف الي كان غافي وابتسمت
رنام:صح النوم
انهار بابتسامه:صح بدنك
رنام بابتسامه:رعد ومجيد قبل شوي وهم هنا والي تناظرينه توه غفى عشان كذا نومته حوسه
انهار:غريبه ما جو الممرضات
رنام: جت سهام قالت بعد ربع ساعه يبدون
انهار:وهي تتمدد تعبت
رعد وهو داخل:صح النوم كيفك اليوم ؟
انهار:طيب تعالل
رعد وهو يجلس جنبها:سمي يامي شتبين؟
انهار وهي تحضنه:بس فقدتك
رعد وهو يمسح على شعرها:ياقلب اخوك
انهار:مو ماكل صح؟
رعد وهو يرمي علبه المناديل على رواف:لا اكلتت
فز رواف بخوف:وشش صايرر
انهار:فجعتههه حرام عليك توه نام
رعد:محد قاله يقعد عند اختي
رواف وهو يمسح على وجهه وتلحف بيرجع ينام:حسبي الله
رعد وهو طالع:ثواني واجي
انهار:رنام بالله حطي يدك عليه وسمي
رنام:صدقيني جني ما يصيده شي
انهار:اذكريي ربك
رنام:والله ما ينعرف لكم
انهار: سميي عليه
حطت رنام يدها على صدر رواف وهي تسمي عليه
رواف:ما نمت
انهار:وش فيك
رواف وهو يقعد:ما جاني نوم
انهار:ما نمت شي
رواف:ما عليه
سهام وهي داخله:معليش لاكن انهار بينقلونها غرفه ثانيه عشان الغسيل وممنوع احد معاها
رواف وهو يعقد حواجبه:ليش ان شاء الله
سهام:مناعتها جدا ضعيفه واي مرض ممكن يسبب لها مضاعفات
انهار بابتسامه وهي تحاول تخفي ضيقتها:عادي رواف
رواف:العبيها على غيري مو عادي رجلي على رجلك واذا احتجتي شي؟
سهام:الممرضات عندها
رواف:الممرضات مو رواف
سهام:بس ممنوع
رواف:ماعرف شي اسمه ممنوع
مجيد وهو يدخل:انهار
انهار:عيوني
مجيد بابتسامه:يروح اخوك كيفك اليوم ؟
انهار: بخيرر
سهام وهي تناظر انهار بمعنى خلاص
انهار وهي تقوم:يلا الحين ودعوني لأنه بروح
رواف:هين يالمجنونه
رعد بابتسامه وهو يحضنها:ما عليك منه هو المجنون
انهار:تدري انه ناشب لي بكل مكان ما احبه
طارت عيون رواف وهو يناظرها وضحك:ما عليك الحين اسحبه معاي
ناظرت انهار رواف وهي تطلع له لسانها
رواف:اقصهه لك
مجيد:اقص راسك
رواف: اختك جاحده المعروف
سهام:تكفون خلاص والدكتوره تبي أهلها بتقولكم الاشياء المهمه
رعد:تمام
طلعو رعد ومجيد وقامت انهار وسنتدها رنام: يعورك ؟
انهار:لا احسن
طلع رواف وسكتت انهار بضيق وهمس:زعل مني؟
رنام: مستحيل يدري انك تمزحين
دخلت انهار الغرفه وحضنتها رنام بضيق:انتبهي لنفسك واعقلي
انهار:حاضرر لا توصين حريص
طلعت رنام بوجه رواف:وين رحت
رواف:رحت عشان اقدر ادخل عند هالمجنونه
رنام بابتسامه:يا حظها فيك فكرتك زعلان منها
رواف بابتسامه وهو يحاوط وجه رنام بيدينه:واضح الضيق بعيونك ترى
رنام:خايفه عليها
رواف:كلنا ياروحي بس وش بيدينا مهاب برا روحي عندهم حتى نطلع انهار وتقدرون تدخلون عندها
رنام:حاضر
دخل رواف عند انهار وابتسمت:روافف
رواف بابتسامه:مو ما تبيني؟
انهار:كنت امزح
رواف:أي كنتي تمزحين؟
انهار:أي زعلان؟
رواف بابتسامه:لا يا ابوي انتي ما ازعل منك
دخلت سهام وهي تجهز الابر وناظرت رواف:كيف دخلت
رواف:مو قلت رجلي على رجلها؟
ابتسمت سهام وركبت لانهار الابره:اربع ساعات  بالكثير وتخلصين
انهار:طيب
رواف:تعورك؟
انهار:تحكني
سهام: تحك بس لا تحاولين تحكين سوي شي يشغلك عنها
هزت انهار رأسها بضيق وناظرها رواف وميل راسه بابتسامه:نجومي لا ينطفون
انهار بابتسامه وهي تحاول جاهده تخفي ضيقها:حاضر
رواف:بسم الله عليك يا امي من الضيق وش فيك؟
انهار:مافيني الا العافيه
رواف:تلعبينها علي؟
انهار:لاا صدق مافيني شي
رواف: والي تبكي على ابسط شي ؟
انهار بابتسامه:هاذي انهار
رواف:كذوبهه
انهار:ماانيي كذابه
رواف بابتسامه:يا شينك
انهار بابتسامه:لا تناظررر
رواف بضحك وهو يغني:لالالالالالالا لا تناظرني بعين
انهار بابتسامه:لا لا لا لاتقولي أنت فين
رواف: لالالالا لا تثير في الحنين
انهار:بسس قولي كلمتين
رواف:وأنا اقولك كلمتين
انهار بابتسامه:هو حبك ذا هلاك؟
رواف:هو حبك أنا في حبك ملاك
انهار:بس قولي كلمتينن؟
رواف: احبك
انهار: أكرهك
رواف:يا بنت الناس اعترفي مره وحدههه
انهار:لااا
رواف:قلت مره
انهار وهي تكشر:لا