لها حُكم لقمان وصورة يوسف

34

طلع رعد مع رواف وهم ما يدرون هاذي بتكون اخر لليله لهم او بداية حياه جديده؟
طلع رواف وقلبه وعقله مع انهار وكل خطوه يستودعها الله فيها ما هان عليه يطلع وددموعها بخدها ولا يشوف الخوف بعيونها وان اتصلت بقولها رايحين لمهاب صح ان دريت بتكون ليلة سوداء بس يارب سلم الضيق مايصلح لها وهي حامل
وطلع رعد وعقله مع اهله وقلبه مع رنام ياعمري حايسه باوراقها ما تدري من وين تبدا بس خلها تتادب الحين حتى اكل ما تاكل من التوتر وأقول تتادب يعمري هي
دخلو المركز وبدأ سليمان يشرح لهم الخطه وكيف بتبدا ووش بيكون دور مهاب دامه مجنن فيهم

صحى مهاب وغسل وجهه وصلى الي فاته واستغرب انها ما قامت ودق الباب:فاطمه صاحيه؟
رجع يدق الباب وما ردت فتحه بخوف وما لقاها وتنهد بصراخ:فاطمههههههه
فاطمه بضحك وهي واقفه قدام الباب:تعالللل
توجهه لها وسحبها من تحت المطر:ياربي من هالبزره ولا مرضتي؟
فاطمه بابتسامه:ما امرض
ناظر شعرها باستغراب:قصيتيه؟
هزت رأسها ب نعم وكشر:كذا ولا كذا شينه
فاطمه بضحك:ما تقدر تنرفزني الحينن
سحبته من يده وهي تطلعه معاها تحت المطر كان مبتسم من فرحتها  فز على رنه جواله وناظرته:تكفى مهاب لا تدخل ما صدقت اطلع نص الحوش برجع قدام البابب؟
مهاب وهو يضرب انفها:انتي خوافه شسويي؟
ابتسمت فاطمه بخجل وضحك:خلك كذا عاقله يحلوك
فاطمه وهي بتنفجر خجل:خلاصصص روح
فطس ضحك على شكلها وراح عند الباب وهو يرد
سليمان:ها جاهز؟
مهاب:باذن الله
سكر وناظرها:فاطمهه يلا يا امي الهوا الي بعد المطر لفحاته بتمرضك
توجهه له فاطمه وهي حاضنه نفسها من البرد:شفت ترد وتنفس
مهاب بابتسامه:والحين روقت يلا لا تمرضين عليناا
ابتسمت له فاطمه ودخلت بدلت ملابسها وسوت شاهي:مهابب ما تحب الا نعناع صح؟
مهاب:صح
جابته له فاطمه وشرب وناظرها حاضنه الكوب تدفي يدينها وسحب اللحاف وغطاها وابتسمت له
نزل لمستواها وقعد مقابلها على الطاولة: اقولك يا امي وتسمعيني حتى اخلص قبل ما تحكمين؟
كانت فاطمه تحب وقت يقول "ياامي،ياماما،اناجنبك،" لاكن خافت وقت قالها قبل ما تحكمين:قول اسمعك
قالها مهاب الموضوع من البدايه حتى النهاية بكل التفاصيل بدون تنقيص او تزويد كانت دموعها بكل مره تخونها وهي تسمع اخوها ايش كان يسوي وايش سوا سطام ومين مهاب اصلن
نزل مهاب لمستواها ومسك يدينها:خذيتك من عيون اللي يبونك مرجله وعناد مثل ما ياخذ البحّار من جوف البحر درّه
لاحظ رجفتها وشدها لحضنه:آسف
كانت فاطمه عاجزه تتكلم من الصدمه لاكن محتاجه حضنه اكثر من اي شي من الكلام والعبارات والعتب والاسف
مسح مهاب على شعرها بحنيه وباسه:طالع اليوم ياعمري
فزت فاطمه بسرعه وهي تناظره بدموع:لا تروح يا مهاب من لي غيرك وبعدك؟
حضن وجهها بكفوفه ومسح دموعها:تعوذي من الشيطان
فاطمه:اعوذ بالله منه وبعدين؟
مهاب: راجع يعيوني لا اسمعك تقولين هالكلمه طيب؟
هزت رأسها ب طيب وابتسم:ترا طالع اخذ اغراض رمضان يعني أنا سمعت من الطير انك تحبين تقضينهم؟
ابتسمت غصب عنها:هالمره الطير صادق
مهاب بضحك وهو داخل الغرفه:يقولون بعد الطير ما يحب زعلكك
ابتسمت فاطمه وقامت تلبس عبايتها وناظرها:يلا؟
فاطمه:ثواني ما تعرف تمشط شعرك ؟
مهاب وهو يحك راسه: يقولون ما القى وقت
ضحكت فاطمه وسحبت المشط:دنقق
مهاب:دنقتت ها
مشطت شعره وداهمتها ريحه العود الخاصه بشعره وتوترت:خلصت
مد يده لها: يلا
ترددت وناظرته ونزل يده:طيب خلاص يلا؟
مشت جنبه بهدوء وركبو السياره وخللت يدها بيده ولاحظت ابتسامته وابتسمت