بناتت الشغف ضايع حتى للكتابه الموضوع مو طبيعي وش هدعم وربي حق لكم البارت يكون أقصر من اسمي على دعمكم💔💔!!
قام رواف وعدل سدحته وهو يطقطق اصابعه:الحمدلله الذي أحياني بعد ما اماتني واليه النشور
قام يصلي ورجع يدور لجواله وانجن وقت ما لقاه ودخل ابو يحيى:صح النوم!
رواف بسرعه:وين جوالي؟
ابو يحيى: معاي
رواف بصدمه: أبيه
ابو يحيى:لو عطيتك تتحمل الي بيصير؟
رواف:يبه لا تماطل أبي أتطمن عليهم وعلى انهار!!!
ابو يحيى:وصلو لاشاره جوالك ووديته وراء المريخ
رواف:هم يعرفون مكاني من غير شي
ابو يحيى وهو طالع:وانت تضمن لي انك اذا طلعت ما تاخذه معاك؟؟
رواف:طيب يبه عطني جوالك!!!
ابو يحيى:انت جيت برجلك تحمل
انجلط رواف وحطي يده على راسه: والحين مين يبرر لها؟الزعل بياثر عليها وعلى الجنين يارب صبرني
بيت ابو يحيى
قامت انهار وصلت وناظرت رنام الي باقي نايمه وابتسمت:رنام عيوني قومي صلي يلا
قامت عندها وهي تصحيها حتى قامت وفتحت جوالها وارسلت لرواف واستغربت انه ما رسل لاكن توقعته نايم
قام مهاب وتجهز وفهمهم انه عنده مهمه مع رواف وبيطولون فيها وطلع متوجهه للمركز وهو محاوط الشال على وجهه ومنزل القبعه على عيونه حتى دخل المركز وبعدهم:لو طولت شوي انكتمت
فز رواف وتوجهه له بضحك:اشوف شعرك
مهاب وهو يكتم ضحكته:تكفى لا تذكرني
سحب رواف القبعة وضحك:والله طالع حلو!!
مهاب بغرور:طبعا القمر حلو بكل حالاته
رواف وهو راجع:تخسى تعال مكتب سليمان
مهاب وهو يمشي معاه:خير ما ترد؟
رواف:لا تذكرني ابوي ساحب جوالي كاني بزر
مهاب بضحك:الله لا شماته
ابو يحيى:هات جوالك
مهاب بفجعه:ليشش
ابو يحيى:هات وانت ساكت
ضحك رواف وقرصه مهاب:هينن وأنا مسوي هذا كله عشانك
رواف وهو يحاول يلقط خبر عن انهار:رنام صحيت؟
مهاب:ما اتوقع ما نزلت
دخلو عند سليمان الي بدا يشرح لهم الخطه للمره المليون وياكد على الفريق الحذر والتنبيه:انت يا مهاب بتكون موجود قدام طريق بيت سطام بيجي رواف يصدمك أكيد ما بتطلع ثور!!واكيد رواف ما بيقتلك بيطلع ابن عمه او هو لأنه قدام بيتهم ورواف ما بيقصر بالفرامل سامع؟؟
هز رواف راسه ب نعم وكمل سليمان:بعد هذا كله مهاب بيبدا يمثل التعب ويتكلم لهم عنه حتى يكسبهم وبعدين يسحب منهم كلمه كلمتين لين نمسكهم رواف تقدر ترجع البيت إذا شغلهم مهاب وشتت رجالهم
رواف:بسال للمره المليون إذا حس مهاب بخطر وانسحب وش بيصير؟
مهاب: مستحيل انسحب واعرضكم للخطر
قصر ابو يحيى
طلع رعد من جناحهم وارسل لانهار انه يبيها وطلعت له:لبيه
رعد بابتسامه:تعالي يعيوني تعالي
تقدمت له انهار وهي تقعد جنبه وناظرها:رواف يقلبي عنده مهمه يمكن يطول
انهار بصدمة وخوف:مهمه ايش؟؟
رعد بابتسامه يطمنها: يومين ثلاثه وهو راجع بعدين زوجك داهيه ما عليه خوف دخل بمهمات أصعب منها وطلع سالم مافيه خدش واليوم عنده زوجه نفس القمر وبنت حلوه باقي ما جت معقوله ما يطلع؟؟
ابتسمت انهار وحضنها رعد:احنا موجودين إذا احتجتي شي طيب؟
هزت انهار رأسها ب نعم وباست جبينه:رعد احبكم
توسعت ابتسامه رعد وضحك:يقلب اخوانك انتي واحنا وش نقول؟؟
انهار: طيبب والحلوه الي مالها نصيب من كلامكم لا انت ولا مجيدو؟
رعد:حبيبتيي وروحي هاذي
انهار:ترى كلمت رنامو
رعد:وش قالت؟
هزت انهار اكتافها ب مدري:قلت لها إذا ارتحتي كلمتهم عشان ما اضغط عليها بعدين تتوتر من كلامهم
ابتسم لها رعد وقامت:بروح اسوي فطور بخاطرك شي؟
هز رعد رأسها ب لا وطلعت انهار للمطبخ وهي تغسل وجهها:احتاج مويا بارددد وعصفر هذا مجنون بيجلطني وربي بيجلطني يا بيموتني خوف عليه!!!
دخلت سفانا المطبخ وهي تناظر انهار:برا برا ما بتسوين شي شوفي خلقتك
انهار بابتسامه:يقلبيي الي بطنها صار قدامهاا وللحين شغاله تعطيني اوامر
سفانا بضحك:والله ابن اخوك شكله اثقل مني!!
انهار:صحح وش اسمهه؟
سفانا:طلال
انهار بابتسامه:اجل خلاص ياروحح عمتوو طلالو
رنام:بناتت امي مشتطه عليي!!!
انهار وهي تشمر: نروح ندافع عن بنتي؟؟
رنام بضحك:لازمم ولا تزعل ترى
ضحكت انهار ودخلت الصاله:خاله وش فيك على بنتي؟
ام مهاب:رنام؟
هزت انهار رأسها بنعم وضحكت ام مهاب:اساليها وش مسويه
لفت انهار لرنام:وش مسويه؟
حور:طبعاا ماكله سيريلاك باسلل وتسوي روحها مسكينه
رنام وهي تمثل الضيق:طيب شسوي؟
ضحكو كلهم على شكلها وسمعت انهار صوت الرعد وطلعت الحوش وابتسمت وهي تناظر المطر وقعدت قدام الباب وهي تحط يدها على خدودها:المجنون الي اطلع معاه مو موجود لأنه حيوان!!
تنهدت وهي تدعي له من كل قلبها وحطت يدها على بطنها:هو البابا مو موجود بس مو يعني تزعلين عليه ها؟؟ولا تزعل مني إذا كنت ولد يا حلو وبكل الحالتين مايصير تزعلون مننا!!
ضحكت على تناقضها ودخلت
"وإنّني لمّا مِلْتُ إليكِ اتّزنتُ
وَفِي مَيلي إليكِ حُسْنُ اعتدالي"
طلع مهاب من المركز مشي عشان تضبط الخطه وهو غرقانن من المطر:يارب سهلها
قرب مهاب من بيت سطام وسمع صوت سياره رواف:اشهد ان لا اله الا الله على هالصوت شكلي باموت
كان رواف متوترر ويحس الدنيا على كبرها ضايقه فيه لاكن توكل على الله وناظر مهاب الي يمشي قدامه وخدشه بسيارته وطاح ومشي بسسرعه وهو يشد على الدركسون:يارب بخير يارب
وقف باقرب مكان ونزل وهو حاط يده على راسه يحس قلبه بيطلع من مكانه ثبت الجهاز الصغير باذنه وسمع صوت سليمان:قوم ما عرفتك كذا!!!
تنهد رواف: كيف مهاب؟
سليمان:أن ما شديت على نفسك والله ما تعرف عنه خبر
رواف:والله لا اداهم سطام والعن خير""""""ان ما قلتو لي عنه!!
سليمان:قوم تحرك
قام رواف وركب سيارته وتحرك للمركز:سليمانننن
ابو يحيى بغضب وهو يدري عن حب رواف لمهاب:بخيررر لا تنهبل علينا
مهاب:وش جاه؟؟؟
فتح ابو يحيى الكاميرات الي بشارع وفر الابتوب تجاه رواف:شوف
ناظر رواف الكاميرات وابتسم:ثور ما ينخاف عليه
عند مهاب
قام مهاب وهو يحس عظامه مكسره وناظر كوعه الي ينزف:بسيطه بسيطه خلني اتميرض لين يطلع ابن الكلب
ما طلع سطام ومهاب جاه المرض لاكن وصل حمد وناظر مهاب ومشى لعنده بسرعه
حمد بخوف:وش فيك اخوي؟؟
ما رد مهاب وكان يتلوى بالم كانه منجد شوي ويموت من المه
سنده حمد عليه:وش صادك؟
مهاب بالم:كنت ماشي وصدمني واحد الله لا جاب له الخير
حمد:ما عليه ياخوي الله يسامحه
فتح باب بيت سطام ودخله وهو يسنده على الكنبه ونادى سطام
سطام:خير؟
حمد بصدمه:لقيت واحد قدام باب بيتك صادمته سياره ما سمعت شي!!!
سطام:حسيبهم ربي صحوني من سابع نومه بعدين وش تبي فيه يبليناا؟
حمد:شوف حالته بعدين كلمني
طلع سطام وناظر مهاب وناظره مهاب بحده:اهلا؟
مهاب:اهلين
سطام:وش صابك؟
قال له مهاب القصه الي انقرف وهو يمثلها ويدعي على رواف
سطام:اهااا جابك ربي لهنا ليش؟
مهاب وهو يمثل الرهبه ويتلعثم:جابتني الدنيا
كان واضح على مهاب ريحه الخمر الي لعبت بقلبه ولاحظها عليه سطام وابتسم:كلنا بالبلاء سوا لا تخاف
توتر مهاب وشبك يدينه ببعض وضمد حمد جروحه وما رضى يطلع من عندهم عشان ما يكون شبهه عليهم وغلفها بكلمه"والله ما تطلع من عندنا الا وانت متعشي!"
أنت تقرأ
لها حُكم لقمان وصورة يوسف
Actionعاميه وليست بِفُصحى.. الكَاتبة:شُتات احمد. بين ممرات المستشفى وبين فرق التحقيق الجنائي بين الألم والفرح والصدمات الغير متوقعه وفي كُل الاوضاع يبقون يتساءلون ما الاتي؟ "من عاش عمره للمخاليق تباع يشرب فناجيل الغبن والمذله وراع المعزه لو من الوقت يلت...
