انتي سؤالي وانا حقيقتگ(حقيقيه)

«مقطع تشويقي من القصه»

طلعت كعدت بحديقة بيتهم والكل جانو يتعشون جوه كعدت ورفعت راسي اباوع للنجوم شكلهن جان كوولش حلو ماحسيت اله احد كاعد يمي
اركان"ها يحلو اشو دحك فوك بشنو سرحان"
باوعت عليه وكلت"ماسرحانه بس النجوم حلوه وكعدت اتأمل"
ضل صافن عليه ومبتسم كلتله"اشو تباوع شمضيع بوجهي"
خفف ابتسامته وحجه بصوت ولهان"مضيع نجوم اليل الي دتتأمليهن"
باوعت عليه ومبتسمت كتله"لا ماضايعات باوع فوك وتلكاهن"
ضيق عيونه وهوة يباوع شلون الواحد الي ديركز بشغله وكال"بس اني ماريد هاي لنجوم اريد نجومي"
باوعت عليه وعقدت حاجبي وكتله بتساؤل"نجومك؟"
"يي نجومي"
"ياهنة؟"
"عيونج"
باوعت عليه وبتسمت ماحجيت حضن وجهي بأيده وهوة يباوع بعيوني وحجه بأبتسامه"حبيبي اكلك"
باوعت عليه وبتسمت وكلت"يروح حبيبك"
حضن وجهي اكثر وكال"كولي كلمه بالدغه مالتج" (بوكتها اني جان بيه لدغه بالراء بس تحسنت يعني كمت اعرف الفظه شويه جنت اكول غاء مو راء....)
اختفت ابتسامتي وبرطمت سويت نفسي ضايجه"يي عالمود دكوم تضحك عليه وتعيرني بيها والله ماكول"
رفع راسه ليفوك وضحك بصوت رجع باوع بعيني وكال"افاا عليج اني اضحك على حبيبي "
وخرت وجهي من ايده وكلت"والله ماحجي"
درت لكيته يباوع عليه باوعت بعيونه ثواني وجرني من خصري قربني اله وهوة يباوع بعيوني كال بصوت بي بحه حلوه"حبيبي لتعذبني واحجي يلله"
باوعت عليه وحجيت بنرفزه"والله اذا ضحكت عليه بعد ماحجي وياك"
ابتسم وحاوط خصرها اكثر بثنين ايدي وكال"لا حبيبي ماعاش اليضحك عليك وني بظهرك"
ابتسمت وكلتله "شتريد احجي يا كلمه"
"بكيفج المهم بالدغه"
"يي بس ماعرف يا كلمه تريد"
"اي شي"
"اهوو لعد والله ماحجي"
مرصني من خصري وكال"اويلي على عنادك كولي عمري"
"عمغي وغوحي"
ماحسيت اله جر شفتي بوسه قويه وكال"ياا ياابه يروحلج فدوة عمري وروحي"..........