Tell Me How You Hate Me

7

نظرت له بابتسمة وصعدت للسرير بجانبه وظلت تتأمله
" مش مصدقة اخيرا بقيت بتاعي وعدتك اني هتجوزك ووفيت بوعدي " ظلت تنظر له بحب وذهبت في النوم
اسيقظ في المساء وجدها بجانبه فرمقها بكره وتحرك لينهض من على السرير ولكنها اوقفته
" متسيبنيش ارجوك " كانت ممسكة بملابسه وعيناها تذرف الدموع تشبثت به واحتضنته بقوة
" باسم انا اسفة سامحني انا مش قادرة اشوفك زعلان مني..هو انت تعبت بسببي؟ "
" سيبيني يا مايا لو سمحتي انا بجد تعبان ومش قادر اتكلم "
" متتكلمش انا مش هتكلم بس ارجوك خليني في حضنك شوية ارجوك واوعدك اني هعمل كل الي انت عايزه "
تنهد واستسلم للأمر فهو حقا لا يقوى على النهوض او تحريكها من فوق جسده
ظل قلبها يدق بقوة " انت عارف انا عمري ما حسيت بمشاعر غير ناحيتك انت..عمري ما حبيت غيرك حتى أهلي "
" مش وعدتني انك مش هتتكلمي ارجوكي متتكلميش "
" انا اسفة " تشبثت به اكثر واغمضت عيناها وهى تستمع لنبضات قلبه بحب كانت حقا تشعر بشعور جميل يجتاح قلبها وهى بين احضانه وغطت في النوم مجددا وعندما تأكد من انها نامت ابعدها عنه برفق وذهب للخارج

" انا عملت ايه يارب عشان اخد كل ده والله انا في حالي على طول خلصني منها ومن حظي المنيل ده على خير ونبي طول عمري كنت بشوف الحاجات دي في الأفلام الامريكي مكنتش اعرف انهم بيحذروني " تحدث بسخرية يحاول التخفيف عن نفسه بتحويل الأمر لكوميديا سوداء
ظل يفكر فيما سيفعله لاحقا
وجدها استيقظت وذهبت وراءه فأغمض عيناه بسرعة وتحدث بداخل نفسه
" ارحمني يارب هى مبتتهدش "
" حبيبي..انا طلبتلك بيتزا عارفة انك بتحبها "
"ده ايه الحنية الي نزلت عليكي دي بعد ما دمرتي عيشتي! "
" والله مقصدش انا بس كنت عايزة اخدك" تحدثت ببراءة ونظرت اليه بتلك الأعين المخيفة الخالية من المشاعر
اقتربت منه وطبعت قبلة على فمه انا هو فابتلع ريقه بارتباك وابتعد عنها
" خد كل انت تعبان ومكلتش من امبارح "
" هو انتِ تعبانة؟ "
" لا انا كويسة جدا ليه؟..قلقان عليا؟ " تحدثت بخجل
" اللهي عربية تشيلك ال قلقان عليكي قال " حدث نفسه
" لا مفيش " تحدث باشمئزاز
ظلت تراقبه وهو يأكل وتبتسم بحب اما هو فيشعر بعدم الطمأنينة من تلك العيون المرعبة التي تحدق به قاتلة لا يغمض لها جفن تقتل بدم بارد ونعم هو الآن متزوجها ويقنط معها في منزل واحد
" بقولك ايه مش عايزة تتفرجي على التلفزيون؟ "
" لا عايزة اتفرج عليك انت " ابتسمت بحب ولازالت ترمقه بتلك النظرات الغريبة
اما هو ففقد الأمل في جعلها تبتعد عنه

في ذات اليوم
" انا ابني يجيله صدمة عصبية! " تحدثت نهلة وعيناها تذرف الدموع
" انا معرفتش اربي بيطردنا قدام الممرضة ويهزقنا ابنك بيتدلع يا نهلة مش بعيد يكون متفق مع صاحبه يعملوا حركة علينا عشان نحن عليه "
" حرام عليك ايه القسوة الي في قلبك دي!! "
" طب انتِ بذمتك بعد كل ده مش مصدقاها؟!! "
" بصراحة مصدقاها للأسف انا مصدومة من عملته السودا بس البنت طول عمرها في حالها وعمرنا ما سمعنا عنها حاجة والناس كلها بتشهد بأخلاقها " تحدثت بخيبة أمل
" اديكي قولتي بنفسك "