Tell Me How You Hate Me

8

" يلا ننام بقى عشان بكرة عندي مفاجأة ليكي "
" هتسيبني انام في حضنك صح! " تحدثت بسعادة مثل الاطفال
"..اه..اكيد " تحدث هو بتردد
وذهبوا للنوم تشبثت به بقوة ونامت بهدوء
اغمض عيناه وظل يفكر
" يعني الي وصلها لكدة كان عمو! "
" حبيبتي انتِ نمتي؟ "
" لا لسة بحاول "
" عايز اسألك على حاجة"
" اكيد يا حبيبي اتفضل "
" هو بباكي كان بيعمل معاكي ايه؟ "
" انا بكرهو يا باسم "
" ليه بس احكيلي انا هجيبلك حقك من اي حد اذاكي "
" بجد! " وامتلأت عيناها بالدموع
" اه بجد اوعدك "
" بابا كان بيكرهني من وانا صغيرة فضل يقولي اني جيت غلطة واني بشعة ووحشة وانه بيكرهني كان بيضربني وبيحبسني في الاوضة الضلمة بالأيام من غير اكل ولا ماية وماما كانت بتحاول تخرجني واما كان تحاول كان يزعقلها..انا شوفت فيك الحنية والأمان فا حبيتك " تشبثت به بخوف
" متخافيش انا معاكي " احتضنها وامتلأت عيناه بالدموع
" منك لله انت السبب مطلعتش سوية نفسيا زي اي حد بسببك طلعت واحدة مشوهة نفسيا زيك " تحدث بداخله
" متسيبنيش ارجوك "
" مش هسيبك " احتضنها ليشعرها بالأمان
" هو انا ليه حاسس اني انا الشرير واني الغدار الي هيغدر بيها؟! " تحدث بداخله
ثم عاد لرشده وحدث نفسه مجددا " لا مش انا الشرير انتِ اذيتيني وقتلتي حبيبتي ودمرتي حياتي وعملتي كل الحاجات الوحشة في الدنيا عشان توصليلي انا عارف انه مش ذنبك انك طلعتي كدة بس مش ذنبي اعيش الحياة دي بردو انتِ لازم تتحطي في مصحة وتتعالجي ولو اتعالجتي هتاخدي اعدام كمان يعني كدة كدة ضايعة "

استيقظ باليوم التالي لم يجدها بجانبه
" مايا؟ "
" انا اهو يا باسم "
" صباح الخير كنتي فين؟ "
" كنت بتفرج على التليفزيون "
" طب انا نازل عندي مفاجأة ليكي "
" بجد..طب هاجي معاك " تحدثت بسعادة
" لا لو جيتي مش هتبقى مفاجأة "
" طيب خلاص هستناك "
" ماشي مع السلامة"
ذهب لصديقه بسرعة
" انا معايا دليل إدانة لأبوها ودليل ان انا مظلوم في حوار الاغتصاب ده "
قص له ما حدث
" عاملة زي الاطفال يا سامر وهى خايفة ابوها كان بيعذبها وطلع عينها هو السبب في الي هى فيه دمرها!! "
" ربنا ينتقم منه..بس متخليش ده يأثر عليك هو الحيوان المسعور ينفع يتساب حر طليق ولا بيتقتل عشان ميأذيش حد " تحدث سامر
" بيتقتل "
" اديك قولتها هى مؤذية ولازم تتحط في مصحة "
" انا عمال احلم بيها انها بتعيط وبتقولي كدة غدرت بيا انت وعدتني هتجيب حقي ومش هتسيبني " تحدث باسم
" منكرش انها صعبانة عليا بسبب الي ابوها عمله فيها بس خلاص هى مبقتش انسانة دي لازم نخلص منها واياك ضميرك يأنبك "
" انا بس الي قاهرني اني حبستها زيه " امتلأت عيناه بالدموع ثم تابع " خايف اكون مؤذي "
" يا ابني افهم الي هى بتعمله عليك ده ابتزاز عاطفي اياك تضعف قدامها اسمع كلامي انا اخصائي نفسي وعارف الاشكال دي كويس! "
" عندك حق..انا بس اول مرة اتحط في موقف منيل زي ده "
" حاسس بيك.. احنا لازم نروح النيابة وناخد اذن اننا نسجل الكلام ده عشان يتاخد بيه في المحكمة "
" بس دي إجراءات هتاخد وقت كبير وانا عايز انجز "
" لا متخافش انا ابن عمي وكيل نيابة "
" خلاص حلو اوي يلا نطلع عليه دلوقتي "