كريم بدأ يتأقلم على الوضع انه هيفضل مع ابوه و اتقبل الحال. شوية يقسى عليه و يضربه و يحبسه و شويه يحن عليه و يحضنه و يطبطب عليه و على ده الحال كل يوم. بس ناجي ماكنش بيسيب كريم يخرج برا البيت لوحده ابداً و لما ناجي كان يخرج لوحده كالعادة كان بيحبس كريم في الاوضة و ياخد منه الموبايل. بالنسبة للموبايل فا كريم ماكنش بيشوف موبايله كتير ، ناجي كان بياخده منه اغلب الوقت.
مرة ناجي ساب الموبايل مع كريم شوية كالعادة فا كريم قرر انه هيبعت لاحمد صاحبه على الواتس بما انه مش عارف يكلمه خالص
كريم : احمد انا عايز اقولك على حاجة ضروري
احمد : ايه يابني اخيراً افتكرت تكلمني
كريم : معلش يا احمد انا اسف والله مش قصدي
احمد : ايه الموضوع طيب انت قلقتني عليك
كريم : انا هيبقى صعب اوي اكلمك او اشوفك الفترة الجاية
احمد: ليه بس هو في حاجة حصلت ولا ايه
كريم : من غير تفاصيل يا احمد ارجوك بس انت لازم تعرف انه غصب عني
احمد: انا مش فاهم منك حاجة طيب انت كويس؟ طنت و انكل كويسين؟
كريم : اه كويسين بس ادعي اني اشوفك و هحكيلك
احمد : ماشي يا كريم ربنا يستر انا مش مرتاح.
و بعديها ناجي خد الموبايل من كريم تاني. اليوم ده ناجي كان كويس مع كريم و هما بيتغدوا اتكلموا شوية :
"بابا هو انت هتنزل انهارده بالليل؟" سأل كريم
"اه نازل بتسأل ليه" رد ناجي
"لا ابداً بس هو ينفع تاخدني معاك عشان بزهق من القاعدة في البيت لوحدي و الحبسة و كده" قال كريم
"ماهه انت لو كنت انسان محترم انا ماكنتش هحبسك بس عموماً هشوف كده و هقولك" قال ناجي
"شكراً يا بابا" قالت كريم باختصار
"بس غريبة يعني اول مرة تطلب تيجي معايا" قال ناجي
"ماهه عشان انا زهقت فعلاً و مافيش مكان بروحه خالص وعلى طول قاعد لوحدي" قال كريم
"ماشي هاخدك معايا بس ورحمة امي و ابويا لو عملت اي حاجة لوريك سواد يا كريم" قال ناجي
"لا لا انا هبقى هادي و مش هعمل دوشة خالص" قال كريم
"انت فاهم قصدي ايه ماتسطعبطش مش على دوشة و لا غيره!" قال ناجي
"ايوه حاضر صدقني" قال كريم.
بعد شوية خلصوا اكل و كريم نضف السفرة و غسل المواعين و كل حاجة و راح عشان يقعد في اوضته شوية. اول مرة من فترة يحس انه نفسه يشوف مريم بنت عمه و يتكلم معاها ، من ساعة جنازة الجدة و هو مش بيشوفها خالص ولا حتى عمه ابراهيم بقى يزورهم و العيلة اتفككت بعد موتها كأن هي اللي كانت ربطاهم كلهم ببعض. مريم كانت حنينة اوي و بتحس بمشاعر اللي حواليها وكانت زي اخت ليه لانه ماعندوش اخوات بس كان بيسأل نفسه هل هو وحشها و نفسها تشوفه ولا لا.
وهو قاعد و سرحان في اوضته فجأة باب الاوضة بتاعه اتفتح و ناجي دخل "يلا البس و اجهز عشان هننزل و خلي شكلك كويس" قال ناجي و مشي و كريم استغربه جداً عشان هو اصلاً بيهتم بشكله و دايماً بيبقى مظهره حلو و مرتب و مش محتاج حد يقوله. المهم انه دخل عشان يستحمى بسرعة و يلبس و يجهز نفسه ورش spray و حط perfume و كله تمام. فضل قاعد مستني في اوضته لما ناجي يخلص و يناديه. الحمدلله ان رجليه بدأت تتحسن شوية و اللي لحد دلوقتي مش عارف ايه اللي حصلها.
أنت تقرأ
البحث عن حياة
Beletrieكريم ولد عايش مع اهله و مبسوط و كل الناس كانت بتحبه ، بس في يوم حصلت مشاكل شديدة بين الاب و الام و انفصلوا تماماً و حياة كريم كلها اتلخبطت و ابوه اتحول لانسان عدواني خصوصاً بعد وفاة امه (جدة كريم) و معاملته اتغيرت مع ابنه و مراته كأنه كان متخفي...
