نسل الشيطان

البارت ال ٣

سلام يا حلوين ..
أعتذر ع التأخير الكبير بس نظراً لظروفي ..
و نقطة ثانية البارتات لهذي الرواية مو قصيرة كذا حاسبتها أنا عكس رواية
وافي لذا قراءة ممتعة .. : )
،،
البارت ال3 ..
//

ــ
ريان بعصبية : و تقول لي ما فيك شي ..
يزن طلع و ما رد على ريان إللي ضل يطالع في يده مكان ضربة يزن
قاعد يبتعد عنه أكثر و أكثر من دون أي سبب و هذا إللي مخليه متضايق
هو الثاني ..
ع الغداء كانت سوالفهم عادية و يزن ما يرد إلا بإبتسامات غبية و باين أنها
مصطنعة و عينه ما حطها على ريان حتى لو أن ريان تكلم و هذا إللي كبر
الشكوك عند ريان أن ورى يزن سالفة ..

خلصوا غداء و طلع أبو يزن من البيت لأن عنده شغله أما يزن فتعذر لهم
أن عنده أختبار و بيذاكر و صعد غرفته ..
سوسن لأم يزن : جد جد وراه شي ولدك ضعف حييييل ..
أم يزن : هذا أنا إللي أقول لكم معذبني معاه زين أنه أكل هالكم لقمة معاكم بعد .
أبو عبدالوهاب ( الجد ) : أول سنة جامعة أكيد بيتعب و ماله خلق عكس الثانوية
ويمكن بعد ربعه المتعود عليهم مو معاه في الجامعة لذا يحس بفراغ ..

سوسن : أنا صراحة خايفة من شي ثاني ..
أم يزن : شنو ؟
سوسن بإرتباك و عينها على أبوها : صراحة كذا كانت بداية نواف من قبله
لا يآكل و لا يتجمع معانا و سحبات
ما كملته كلامها إلا بصوت أبوها بحدة : كم مرة قلت لكم طاري هـالكلب
لا ينطرى عندي ..
أم يزن : لا حبيبتي يزن عكس نواف و لا تقارنين بينهم و لو أنه وراه
هالنوع من الأمور كان يطلع من البيت مو طول وقته فيه ..
أم عبد الوهاب : شفيك الحين عصبيتي ؟
أم يزن : لأن تربيتي ليزن تخليني اتأكد أنه مو مثل نواف ..

أم عبدالوهاب بحزن : يعني أختك ما ربت ولدها ؟
أم يزن : مو قصدي كذا بس أبو يزن غير أبو نواف .
أبو عبدالوهاب : بتستمرون يعني ؟ أطلع الحين ..
أم يزن : لا يبه لا تعصب ..
أبو عبدالوهاب : ما عصبت و جعل هالنواف ما يرجع طاريه يجيب الهم ..
ريان بحدة : يبه حرام عليك أختي بتجن ع شانه ..
أبو عبدالوهاب : أختك ما يطب لساني على لسانها لين تروح معاي و تتبرى
منه للأبد ..
أم عبدالوهاب و خانقتها العبرة : شلون تحرم أم من ولدها غاب ثلاث سنين
وهي للحين أملها بالله كبير بيرجع لها ..

أبوعبدالوهاب وقف : يرجع لها و تضمه يعني عصتني و عاقت فيني لذا
من الحين قاطع علاقتي فيها و في بناتها ..
سوسن : يبه قالت لك إذا بتتخلى عنها براحتك بس نواف يرجع لها و تدفنه
تحت ظلها ..

أبو عبدالوهاب توجه للباب : بتمشي معاي ريان ؟
ريان : لا أنا بوصل أمي بعدين رح أنت أرتاح ..
طلع أبو عبدالوهاب تارك صمت برحيله و بعدين رجعوا يسالفون
في مواضيع ثانيه عن الأكل ..

ــ
صحى من النوم و بدا يدور بالشقة بملل من طلع من شقته ذاك اليوم للصيدلية
ما طلع بعدها رغم محاولات زيد فيه بس خوفه من عيونهم و أنا أحد يعرفه
خلاه يتملل في البيت ..
سمع رنة جواله ورد على طول لأن بجواله ما فيه إلا زيد ..
زيد : توك صحيت ؟
نواف : ايه ..
زيد : تبي تطلع اليوم ؟
نواف : معاك ..
زيد : ايوه معاي ..
نواف تحمس : وين ؟