صباحكم / مسائكم جميل
اطول بارت اكتبه لي هذي الروايه ، اتمنى اشوف ردود حلوة منكم ،
و الف شكر لكل اللي يتفاعلون معي احبكم كلكم ..
/
كِلْ الذنوبْ تُغتفر حتىْ تَصِلْ حدودكْ ... سألعّنهمْ جميعاً ..
،،
نواف أنتفض تحرك خطوة لقدام بس بعدها لف بجسمه لها يشوف
مدة يدها له و دموعها السريعه النزول .. ما تغيرت شي ما كأنها
ثلاث سنين مرت في عمرهم ..
نواف رجع لها و خاب ظنها بعد ما نزل يدها توها بتنطق بس
جسمها حاوطها ودفن راسه فيها وبدا يصيح بقوة ...
فيّ وهي تحرك في شعره و دموعها تنزل : نواف .. تغيرت كثييير
نواف بعد ما هدى بعد عنها : و أنتي ليش ما تعتنين بنفسك ..
فّي وهي تتحسس وجه نواف : يقولون الشخص اللي يجي في الحلم
يصير أجمل ..
نواف غمض عيونه للحين تتوقعه حلم : ايه شفتي كيف ..
فّي : نواف وين كنت طول هالسنين ؟
نواف فتح عيونه : في أمريكا ..
فّي : جد ! الله حلوة أمريكا مثل ما نشوف ؟
نواف وهو يمسح على كفها : ايه حلوه ..
فّي وهي تتهد : آه يا نواف أبي سفرة طويله كذا ..
نواف : بسألك ..
فّي : اسألني ..
نواف وهو متردد و باين من صوته الغصه : أمي ..
فّي تغيرت ملامحها للحزن : أمي ميته عليك و تبيك قسم قالت انها
بس تبي شوفتك كل شي نسته من الماضي وربي ..
نواف حس برجفة يد فّي ومسح على راسها : قولي لي وين وصلتي ؟
فّي : بدخل الثانوية ..
نواف ابتسم لها : كبرتي يا عيوني أنتي .. أيه تكلمي عن عبير ..
فّي مدت بوزها ببراءة : صايره كـأنها رجال البيت كل شي حاملته
على ظهرها استحي اطلب أي شي جانبي ..
نواف وهو يتذكر انه ما قط عامل عبير كأخت ضاق صدره ..
نواف : شنو الشي الجانبي اللي تبينه ؟
فّي بعفويه : مثلاً مثلاً جوال من جالاكس و تابلت من آبل ..
نواف ضحك بخفه : هههه شنو جوالك الحين ؟
فّي وهي تطلعه من تحت المخده : اتصال بس استحي اطلعه في
المستشفى ..
نواف وهو يشوف الساعه تذكر زيد : فّي .. يلا كملي نومك ..
فّي وتجمعت دموعه : أنا نايمه ..
نواف ضمها لصدره ومسح على ظهرها : انتبهي لنفسك..
فّي وهي تصيح في حضنه كانت تبي تتنفس ريحته تبي تنسقي شوي
من الدفا و الأمان اللي ضايع من حياتها ..
سكر الباب من جهة وهي غمضت عيونها من جهة ثانيه تبي تنام أو
تبي تصحى مو عارفه هي في أي موقف الحين ..
مشى نواف وهو يفرك عيونه يبي يخفي الدموع بس يأس لين حس بعتمه
رفع راسه و ما شافه إلا يشده لحضنه ..
نواف وهو يتمسك فيه : ك..كلمتها ..
زيد وهو يشده له أكثر يبي يخفف رجفته : راح تطيب ..
نواف رفع راسه من حضن زيد : شقال لك الدكتور ؟
زيد : قال لي تحتاج عمليه و دعامه ... عطاني سعر بسيط لهم
بس مثل هالعمليات ما أضمن أي شخص انا يسويها خاصة القلب
لذا قلت له بتكلم مع طاقم طبي خبير يجون هنا ..
نواف ابتسم وسط دموعه : ح... حبيبي ..
زيد وهو يمسح دموع نواف : قلت لك بسوي أي شي و ما اشوفهم
ينزلون .. دموعك غاليه ي نوافي ..
نواف وهو يتأمل وجه زيد .. مستحيل مستحيل راح اعيش من بعدك ..
ساعتين و دخلوا عليها .. كانت نايمه بعمق حركت امها شعرها
وصحت ..
