نسل الشيطان

البارت الخامس

- صباح و مساء السكر ع الجميع ..
اعتذر للمرة الألف على تأخري بذي الروايه و نظراً للظرف اللي قلته
بس اوعدكم ما راح اطول في التحديثات بأبذل أقصى جهدي لإسعادكم
لذا انتظر منكم المثل 💗
//

-

كان واقف عند غرفة العمليات و الدم مالي ملابسه ، الخبر اللي سمعه من قيس
و هالولد اللي نط عليه و أنقذ حياته كل شي مخليه يرجف ..
طلع واحد من الدكاترة و توجه لزيد ..
الدكتور : استاذ زيد ، حالياً اوقف كل النزيف ، بس الشاب جاه شلل في جزءه السفلي ..
زيد و قلبه يدق بقوة : يعني هو حي الحين ؟ الحمدلله ..
الدكتور بإرتباك : مضطرين نستدعي الشرطة ..
زيد : ايه صاحب السيارة اللي صدمه موجود و عطاني حتى بطاقته ..
الدكتور : لا مو له ... للشاب اللي مسوي الحادث ..
زيد استغرب : ليش ؟
الدكتور : الولد جسمه منتهي دمه متشبع من المخدرات .. مدمن درجة أولى ..

زيد بعصبيه : و الشرطة وش بتسوي فيه ؟ ما قلت انه صار معاق ..
الدكتور : الشرطة هي اعلم ..
زيد بحدة : لا تتفلسف عليّ ، لا تتصل ع الشرطة ..
الدكتور : أرسلت بلاغ و استدعاء للشرطة ..
زيد سحب الدكتور من بالطوه ولصق فيه : هالولد أنقذ حياتي تفهم ما راح اسلمه للشرطة ..
الدكتور : وش بتقول للشرطة ؟
زيد فلت الدكتور وبدا يآخذ نفس : الحين تدبر لي صرفة او ورب الكعبه تنسى انك دكتور حتى
و انا عارف منو انا وش اقدر اسوي ..
الدكتور بخوف : فيه حل واحد انك تسفره ..
زيد وهو يقرب من الدكتور من جديد : اسفره من دون جواز ؟ وانا مو عارف اسمه ؟

الدكتور : ايه ، أزور ع السريع طلب أنقذ مريض لمستشفى بالخارج بحالة ضروريه ادفع
مبلغ معين و يطلع من دون جواز ..
زيد : بدفع اي مبلغ بس يلا كمل الإجراءات و طلعه قبل ما تجي الشرطة لأي مركز صحي قريب ..
الدكتور : و ... البلاغ ؟
زيد : قل انك غلطت في تحليل المادة او اي شي ، ساعة زمان وبرجع خل امر الطيران لي ..
بعد ما ضبط زيد بإتصالاته كل شي دخل البيت و شافهم في الصالة متجمعين نادى
الشغالة تجيب عمر غرفته و دخل أخذ له كم لبسه في شنطته و جات له أريج ..
أريج وهي مستغربه : بتسافر ؟
زيد وهو يغلي : انقلعي مالك شغل ..

أريج ومن توفت عايشه وهي متعودة على جفاه : بس قل لي وين ؟
زيد التفت لها سحبها له وهو يضغط بقوة على يدها : انقلعي عني ..
ثواني و دخل عمر بإندفاع و بعد زيد أريج عنه بقوه و طردها ..
عمر وهو في حضن زيد : اف اف ما إبيك تسافر ..
زيد : و أنا ما راح اخليك بروحك هنا ، شرايك آخذك لبيت خالتي ؟
عمر بإبتسامه : ايه ايه بلعب مع مجودي ..
زيد : ما شفت أمجد من ثلاث سنين تراه كبر صار عمره ١٨ ..
عمر بإحباط : ايه ابوه الشرير كان مآخذه معاه القصيم بس رجع الحين
قالت لي خالتي ..
زيد إن شاء الله للحين قلبه طفل و يستحملك : يلا روح جهز ملابسك بسرعه ..
طلع زيد و بيده عمر و عطى الكل نظرة مخيفه و قبل ما يفتح الباب رجع لهم ..