نسل الشيطان

البارت ال١٠

صباح الخير ..
شكراً كبيرة للمتفاعلين معي من قلب أسعدتوني ربي يسعدكم
و أطمع لآراء البقية الصامتين هههههه .. فيه وحده قالت لي أحسك جامدة معانا و ما تردين علينا ، الود ودي اعلق عليكم كلكم واحد واحد بس هذا فوق استطاعتي اللي يبيني اسولف معه مو هنا ههههه يجي لاين أو آسك
المواقع حاطتهم في التعريف عني ..
BBM : 571C10FC
// قراءة ممتعة ..

-
أعوذ بالله من حياة ( دونك ) ..

رجعوا البيت و كِلن راح جناحه .
عمر كان جِل تفكيره بنواف وشلون دخل في حياة زيد و أصلاً هو أختفى
من وين طلع و ووو ألف شي وشي شاغله ..
سكر الباب وقفله و ابتسم تلقائياً لما شافه منسدح في سريره الجانبي
إللي ينطوي و يدخل في زاوية بعد ما يصحى ..
قرب منه و غطاه بس بسرعه أنتقز من نومته ..
عمر وهو يحاول يضبط اسلوبه الطفولي : صحيتك ؟ آسف فروسي ..
فراس وهو يوقف : أنتظرتك و أنا آسف اني نمت قبل م تجي ..
عمر وهو يحرك يدينه بتعب : عموري تعبان اليوم ..
فراس وهو يمسك عمر ويسدحه : بسوي لك مساج يريح عضلاتك ..
أبتدى فراس يسوي لعمر اللي غرق مرة ثانيه بدوامة تفكيره ب نواف
بعدين تذكر شي و لف لفراس ..
عمر : فراس ما جاوا خواتك ؟

فراس ابتسم وباين أنه مغصوب : لا .. خلاص عموري لا تسأل
عنهم قلت لك تزوجوا و ما بيرجعون ..
عمر عقد حواجبه : بس أنت صغير ليش ما يزورونك قل لهم بعطيك
فلوس بس تعالوا ..
فراس جاته غصه : عاشوا بالرياض خلاص ، دام امي و ابوي ماتوا
الله يرحمهم وش يبون فيني ..
عمر مسك يد فراس : عموري م راح يرجعك للميتم مرة ثانية صدقني..
فراس وهو يمسح دموعه ابتسم له : ادري و أنا م راح أتركك بعد ..
عمر : جوعان أنا ..
فراس قام : بروح أجيب لك أكل ..
عمر وهو يوقف : بلبس و بنزل أنا ..
فراس : طيب ..

طلع فراس و نزل شافهم جالسين يآكلون توه بيروح المطبخ ..
جمان : لا تتعب نفسك مشينا الطباخ و خلص الأكل ..
فراس وهو يطالع في الطاولة المليانه : وينه أستاذ زيد ؟
خلود : زيد م عطانا وجه وراح غرفته ..
فراس وهو يشابك يدينه : طيب .. ممكن آخذ من الأكل ع شان عمر ؟
أم فياض : هههههههههه لا روح اطبخ له أي شي او سو له سندويتش
بطنه يستقبل أي شي ..
فراس انغبن : بس الأكل كثير و هو محسوب معكم ..
أم فياض : أخلص علينا بتطر الأكل ؟ روح اطبخ له ..
فراس صعد لفوق و عمر جالس على جواله ..
فراس وهو يحرك شعره : عموري وش ودك تآكل برجر ؟ بيتزا ؟
عمر شاف الاحمرار في وجه فراس وباين أنه منقهر و متفشل ..
عمر ابتسم له : عمر يبي بيتزا ..
فراس ابتسم له : أكبر حجم ..

طلع فراس يتصل ع المطعم وهو يتمشى في الممر وقف في وجهه وهو
متسند ع الباب : تعال ..
فراس عقد حواجبه و كمّل الطلب ع السريع و راح له ..
فراس : بغيت شي ؟
فياض : ايوه خذ صندوق العدة و نزله للعامل نساه وهو يصلح أنوار
غرفتي ..
فراس : أعتذر ما أخدم هنا إلا عمر ..
لف فراس بيمشي بس سحبه فياض و دخله غرفته ..
فراس بيفتح الباب بس فياض كان متسند عليه ..
فراس : ما ابي مشاكل ..
فياض وهو يأشر بعيونه ع الصندوق : خذه تحت يلا ..
فراس بعناد : ماني مآخذ شي ...
فياض : ضل هنا أجل ..