😍 آسر الملاك 😍
كان القصر كلو صاخب بالعائلة والمعارف وأصدقاء العائلة كلشي فرحان كيوجدو بلاصة الحنا العروسة كانت دنييز وفخرية واقفين على شادة والفادة اما فيروز كانت مزال كدير العكاز ومتقدرش تعاون مي واخة هكاك واقفة في حنة بنت خوها الصغيرة في حين البنات هبطو لسبا لي كانت عندهم في القصر وجابو مختصين في المساج ولي سواه.. كانت ليلى ومايا واية وحتى سناء ونسليهان ومريم معاهم اما عروستنا كانو ضايرين بيها المختصين وهي وسطهم كيف نوارة كل واحد واش كيدير ليها رجعو ها كتضوي كثر ما كانت مضوية سلاو البنات هوما الاولين عاد ملاك لخرجوها لواحد الجناح لي الطابق الاول قريب فين كاينة حفلة الحنة لي غدير كلسوها في الكرسي ودارو بيها ها لي كيسايب الضفار ها لي كيسايب الشعر قادوها ودارو ليها مشطة زوينة جات مع وجها المدور وخلاتو يزيد ينور مع مكياج خفيف وعيونها بانو براقين وكل مرة كيبانو في لون مع شعرها الذهبي لبسوها تكشيطة في لون اخضر ملكي فوق جاتها على طايتها المقنبلة المهم سي آسر دا الزين وعاد لطاي يشوفها يهرب بيها كملو ليها وحتى البنات كملو لبسو حتى هوما تكاشط اختلاف غير في لون اية في البوردو على شكل حوتة ونيت كانت حورية على وجه الارض مايا كانت لبساتها في الاسود وحتى هي جات فنة مع زعورية لي فيها جات تحمق اما سناء ومريم لبسو كساوي ...دخلو عليهم دنييز وفخرية وفيروز حتى هوما لابسين مانتكين كل وحدة وزينتها وكل واحدة وزينها شافو في البنات ونطقو قد قد مشاء الله تبارك الرحمن الله يحجبكم من العين
دنييز. تمشات عند ملاك شدات ليها في ايديها وتكلمات ولدي خدا الزين ربي يحجبك ابنتي ويكمل بعقلك ويبعد عليك الحساد انا عارفة بلي انتي صغيرة على الزواج ومسؤوليتو ولكن را عارفاك تباتة وتخلي ولدي يزيد يغرق في حبك
ملاك. شكرا اخالتي ☺️ الحشمة تمكنات منها بداك الشي لي بغا تقول ...انا مكنتش عارفة بلي غادي نتزوج مي معرفتش يمكن رتحيت لولدك بداك الشي لي كايدير معايا عوضني على حنان الاب لي فتقدتو في هاد المدة القصيرة لي مات فيها بابا وعوض خويا حتى هو لي كي دير معاه المستحيل باش مينقصو والو وهاد الشي لي خلاني 🤭نبغيه
فخرية. اه يابنتي كلامك صحيح وكلو على صواب كيفك كيف المرحومة نرمين الله يكمل عليك بالخير واليمن والبركات
فيروز. بنت عمتها انتي النوارة لي فينما حطيتي رجليك كلشي كيتقاد ويولي مزيان انا راضيا عليك ابنتي وبغيتك فينما حطيتي رجليك تربحي والله يبعد عليك ولاد الحرام
مايا. وهيا العمالة نحن هنا شفتكم نسيتونا حنا
ليلى. ياختي مبقاوش عقلو علينا
اية. اوا شفو را حتى حنا زوينات وعندنا الرجال
فيروز. انتي غير سكتي شكون غيقبل عليك بداك لسان السليط
أنت تقرأ
ااااسر الملاك
Short Story😌كيقولو المكتاب على الجبين لازم تشوفو العين وهاد البنت غتشوف العذاب الألم الخدلان اليتم مرارة الحياة وقساوتها التشرد وهي في سن صغيرة ولكن سوف تضحك ليا الدنيا من بعد 😌 والبطل عندو جدو هو الكل في الكل عايش بحدو برا البلاد وعائلتو في المغرب سافر في...
