ااااسر الملاك

جزء 31

😍 آسر الملاك 😍

اسر غير شاف كفاش سخفات ودم خارج من فمها غوت ملااااااااااااااااااك لا فيقي حبيبة هدا نهارك يله مضحكيش معايا هاد الضحك الباسل نوضي شوفي حنا تزوجنا وتجمعنا وحتى حاجة مغتفرقنا يله صغيرتي باقي الحال غنمشيو ندورو العالم انا وياك ونولدو بزاف الولاد شوفي خلعتيني وخلعتي كلشي عليك وحتى اشرف غادي يتسطى بالبكا اما انا قلبي كينزف ااااااااااااااه ونوضيييييييييي...جا ياسر اسر توكد ولدي  هاهي الاسعاف جاية في طريق

كلشي داك الفرح والنشاط رجع بكا وجنازة بلا ميت مي هوما كيشوفو ملاك لي كانت جامعاهم ووجابت معاها الخير لكل عائلة وضحاتها لي تنورهم وديك البنت لي فيها حيوية ونشاط في حدود كدخل القلب برزانتها  وداك الشي لي داز عليها كامل من اليتم الظلم الغدر تحمل مسؤولية كبيرة عليها وبزاف ومن بعد لقات لي يعوضها هاي دابة مرمية ومعرفينهاش واش غتموت ولا اش غيوقع ليها في عز البكا والغوات ديال العائلة اما الضياف تكلفو بيهم الكارد باش يخرجوهم ...دخلت الاسعاف بزربة بغاو يهزوها المسعفين وهو يغوت آسر على جهدو ومتقيسوهاش الله ينعل ديلمكم حتى قواد فيكم مايهزها نهزها راسي
المسعفين اسيدي متعكس معانا البنت كتموت والنبض ضعيف في اي وقت تغادر الدنيا
غير سمعو اسر وهو يسعر ودربو حتى تلفو على القبلة ...هي مغتموتش واعداتني بلي غتبقا معايا ديما عنقو تشنج وعرقو قربو يطرطقو وايديه كيترعدو معمرهم شافوه في هاد الحالة وفقد السيطرة على راسو وكيغوت حتى مشى جدو قدامو وعطاه تصرفيقة فيقاتو.

قادر. هادي باش تعرف تصرف هز مرتك وخليهم يديرو ليها الاسعافات الاولية وتمشي باش نقدوها والا ماتت غتكون انت سباب لي حابسهم وغتبقى طول عمرك نادم مخليتهمش يديو بنت الغالية لماتت نموت معاها حتى انا ومنبقاش نشوف وجهك ونتفكر انت السباب
غير سمع جدو هزها وطلع الاسعاف معاها حطها وبداو يديرو تنفس اصطناعي وهو شاد ليها في ايديها مطلقهاش وعينيه عليها  لي ولاو حمرين مبقا دوا ولا تكلم
ممرضة ضربات القلب منخافضة بزاف ولا طنسيو طايحة والموشرات الحيوية مكتفاعلش خصها توصل لوبيطال في أسرع وقت قبل منفقدو المريضة هز عينيه فيهم.... الا ماتت غتموتو من وراها كونو اكدين نحرقكم كاملين

المسعفين تخلعو ودايرين جهدهم مسافة طريق وصلو وهبطوها لقاو ليلى في الباب موجدة كلشي وعيطات الاطباء وكل واش اختصاصو حيت معرفات واش بيها وهي غير توقف معاهم وتطالع على حالتها فقط حيت ممنوع دير العملية لشي حد من عائلتها حيت غتغلبها العاطفة وتقدر توقع في خطا طبي دخلوها البلوك وتبعتهم ليلى بعدما طمنت آسر عليها وقالت ليه غادي تكون مزيان متخافش....مدواش معها حدو جلس الارض وضم ايديه وكيتسنى وصلو عليه العائلة كلهم جلست حداه دنييز

ولدي خسك تكون مزيان واقف على رجليك انا عارفاك جبل ما يهزك ريح باش توقف مع مراتك هي محتجاك ومحتاجة دعواتك ليها
مهضرش مي سمع ليها اش قالت وفهمها
كانت اية ومايا كيبيكويو وحتى فخرية وفيرور اما ياسر وعثمان جلسو في الكراسة وحاطين أيديهم على وجهم اما قادر خلاص وجهو صفار غير بالخلعة خايف ملاك تموت بحال بنتو لي مشبعش منها ولا حتى حضر ليها في مراحل حياتها وعاد حفيدتو لي بين الحياة والموت
رئبال. بانت ليه اية وجها مزنك ونيفها حمر والعينين تنفخو بالبكا مشا عندها عنقها وهمس ليها في ودنها صافي حبيبي متبكيش ملاكنا غتكون بخير عارفها مغتستسلمش هي قوية وبزاف

اية. ياك اختي مغتموتش مغتخليناش 😭😭😭 حيت هي قلبها بيض وكتبغي الخير لناس علاش كيبغيو ايديوها

غير سمع اية اش قالت هو يوقف وعيط لعلي لي كان معنق مايا وحتى براء ورئبال هضر معاهم بعيد على العائلة  خلاهم خرجو ورجع جلس فين كان جالس هو قلبو معالم بيه غير الله بركان 🌋 غينفاجر وسط قلبو مي على برا كيبان واحد الهدوء مخيم عليه لي يقدر يحرق اليابس والاخضر وهاد الشي لي ناوي عليه بعدما يعرف حالة صغيرتو عاد تكون الهضرة

عثمان جلس فيروز لي مسكتاتش من البكا كيهدن فيها هو معالم بيه غير الله بحالو بحال ياسر الحاصول عائلة سلطان خيم عليهم الحزن وشبح الموت كيدور حداهم وكيشوفو في داك الولد الصغير لي مبكا متكلم غير كيشوف داخل في صدمة ومعرفو مايديرو معاه عندو خير اختو في هاد الدنيا لي مليوحة وباقي معارفين عليها والو واش وصلها لهاد الحالة ياك كانت فرحانة وكضحك معاهم حتى طاحت وخلات وراها كلشي محروق عليها وخصوصا راجلها لي كيعشق روحها الطاهرة

دازو ساعات وساعات وحتى حد مخرج عندهم ولا طمنهم وهوما  تملكهم الخوف وسيطر الغضب على آسر ولا غير يسوط ويضرب ايديه مع الحيط حتى ولاو دايزين بالدم ورئبال كيشد فيه هو براء وعلاء بعدما قضاو الغرض لي سيفطهم ليه اسر ...هو كاك ينتر منهم حتى خرجات ليلى والاطباء لي مكلفين بحالتها
وقف عليهم اسر كيشوف في ليلى لي باين من وجها عندها اخبار خايبة وحتى العائلة وقفو باغين يعرفو

تكلم رئيس الاطباء للاسف المدام ......

يتبع قراو وهربو على الاقل ديرو نجمة