ااااسر الملاك

الجزء التاني

ااااسر الملاك
نرجعو عن البطلة لي سمعت مرات باها كتهضر في تليفون مع شي واحد
حفيضة وشوف خاصك تجيب ليا داك سم ضروري بقات غير سيمانة ويرجع ومكيبركش بزاف
الشخص وانا مالي اختي صيفطي ليا الفلوس كاملين ونجيب ليك داك شي
نتلاقاو في البلاصة المعلومة نجيب ليك الفلوس وتعطيني السم
الشخص غدا مع ديك 3 ديال العشية تلقايني  كنتسناك
حفيضة قول ليا ياك ميبانش بلي في دم لدارو ليه تشريح
الشخص لا مكيبانش واخة ديرو تشريح
حفيضة مزيان بالله بسلامة حتى لغدا مشفتش ملاك لي سمعت كلشي ومشات تجري طلعات لبيتها وهي مصدومة عرفاتها كتهضر على باها باغي تقتلوا
ملاك كتبكي بابا لا اشنو غندير ياربي كون معايا مخاصش بابا يموت ولا اكل من ايديها خاصني نحضيها
نرجعو عند حفيضة لي كترجع الدكريات ملي كانت خدامة في الحضانة
فلللللللللللاش باااااااااااااااالك
كانت حفيضة خدامة في حضانة كتحضي دراري صغار وتبدل ليهم ليكوش وتوكلهم وكتهضر مع واحد المعلمة شوية هوما يسمو دقان في الباب ناضت حفيضة تحل الباب وهي تلقى بنت زوينة ومحجبة والنور على وجها قالت ليها ليها حفيضة اش حب الخاطر اختي
نرمين انا عندي مقابلة مع مدير الحضانة
حفيضة اه اك دخلي طلعي الفوق على ايدك اليمين
نرمين شكرا اختي
حفيضة ميقات فيها يخ على بنادم حاس براسو بقات في زيف
نرمين طلعات الفوق دقات قال ليها المدير دخلي دخلت نرمين قالت السلام ورد عليها المدير لي كان كبير في السن وعليكم السلام تفضلي
نرمين كلسات و قالت ليه انا البنت لي جيت على قبل الوظيفة ديال الإدارة
المدير اي مرحبا قالها ليا الزوج ديالك احمد هاد هو البيرو لي غتخدمي فيه بغيتك تهلاي ليا غير في الولادات وهاد الدواسا كلهم هنا ولمعرفتيش شي حاجة عيطي ليا نفهمك راه كلشي واضح متخفيش راك كاينين الولدات من 6 اشهر حتى 5 سنوات كل قسم بحدو وهاد الملف ديال الأثمنة والتسجيل
نرمين شكرا بزاف ان شاء الله نكون عند حسن ضنك
المدير عاود ليا احمد كلشي وعارف المستوى لي كنتي عايشة فيه ورا احمد كثر من ولدي راه انا وباه كنا صحاب
نرمين عارفة لي كاين انا مكيهمنيش الفلوس انا كنبغي احمد وعليها تزوجت بيه ونتعاون.انا وياه على الحلوة والمرة
المدير الله يكمل بعقلك ابنتي يالله نهبطو نعرفك على البنات والاقسام
نرمين يالله جمعت الوراق وهبطت مع المدير
حفيضة كانت كتصنت عليهم غير سمعتهم ناضو وهي تهبط تجري
لتحت المدير نعرفك على. نرمين سلطان هي المديرة جديدة لهاد المدرسة نتمنى تعاونو معاها
المعلمات اك ميسيو
حفيضة محملتها مقبلتها حيت هي زوينة وصغيرة وقارية ومزوجة وهي مازال مدرت حتى حاجة وهي تقول مرحبا بيك بيناتنا لي بغيتيها مدام قوليها ليا انا في الخدمة
نرمين بلاش ديك مدام قولو ليا غير اختي راك كبرتيني بزاف وانا يالله 21 سنة ماشي حشومة عليك
المعلمات وحفيضة تصدمو حيت كتبان كبيرة في العمر مع عامرة وكلشي بلاصتو
حفيضةبسم سمحلي ليا اختي مكنتش عارفة
نرمين هانية ماشي مشكيل مي غتعاونوني باش ندير شي تغيرات في الحضانة غدا غانجي ونبداو فيها هي الأولى قبل ميبداو الامهات يجيبو ولادهم
المعلمات ان شاء الله اختي
حفيضة في خاطرها يخ اش هاد الكارتة
نرمين سلمات عليهم وعلى المدير وخرجنا برا وهو يصوني تليفونها جبداتو لقاتو حبيبها احمد
نرمين الو احمد كيف وصلتي مزيان
احمد حبيبة لباس عليك ان بيخير غير توحشتك ومسخيتش بيك
معليش احمد غمض عينيك وحلهم وها انت راجع عندي وحتى انا توحشتك بزاف بزاف
بقاو كيهضرو حتى وصلات لدرب كانو كارين دويرة صغيرة حتى يحن عليهم الله دازت الحانوت خدات اش بغات وطلعت لدارها
دازو ايام وشهورا حب احمد لنرمين كيزيد وباقي خدام وهي حتى هي خدامة كان عندهم شي اراضي باعهم وقسمهم هو اختو وشرا بيها أرضية صغيرة في نفس الدرب وبناها وفرشها هو نرمين وحداها دار حانوت ديال المواد الغذائيه مقبلها واحد الولد
وفي هاد المدة عرفات راسها حاملة كان احمد عيطير بالفرحة واخة كان كيسافر مي نرمين كانت كتبقى معاها حفيضة هاد الأخيرة لي بقات كتقرب من نرمين بزاف ودابرا راسها كتبغيها وهي السم والشر بعينو ملقاتش كيفاش تقتلها
جات حفيضة كتبات مع نرمين وتاكل وتشرب فابور مع لسانها حلو والقلب كحل احمد مقال والو مدام مهليا ليه فمرتو وملي كيقرب يجي احمد كتمشي وديما كيدور معاها احمد ونرمين داك شي لي كيجيبو ليها احمد كتعطيها منو
دازو الشهورة ولدات نرمين بنت وسماها احمد ملاك حيت اسم على مسمي وهنا زاد حقد حفيضة على نرمين باش تاخد ليها راجلها مي احمد معمرو داها فيها شحال من مرة كتجبد لنرمين صداع مي احمد كان تايق في مرتو بقات عايشة من خيرهم حتى وصلات ملاك 5 سنين كانت اية في الجمال وزينة وكانت نرمين كديها معاها الحضانة وتعلمها اللغات الأجنبية
ملاك مكانتش كتحمل حفيضة غير تقرب ليها تبدا تغوت
كانت حفيضة خارجة غادة لعند الطبيب وهي واقفة في بلاكة طوبيس ويتسمع واحد الراجل داوي
شوف صاحبي را داك سم كيقتل بزربة ومكيبانش الأثر ديالو في تشريح صافي.......صافي واخة انا غنجيبو ليك مي راه غالي قريعة صغيرة 2000درهم صافي غدا ان شاء الله بسلامة
حفيضة سمعاتو وهي تقول ليه اخويا بغيت نسولك
الشخص سولي اختي
حفيضة غير سمعت داوي وتار انتباهي كدوي على دوا بحال سم كيقتل ملاه وميعرفوش بلي راه سم
الشخص ايه اختي علاش بغيتيه
حفيضة اي خويا بغيت قريعة
الشخص اوا اختي جيبي الفلوس وخودي حاجتك
حفيضة غدا ان شاء الله جي عندي لصبيطار الفلاني كنكون تما نعطيه ليك وجي من الباب الوراني مكيكنوش في الكمرات
حفيضة صافي واخة
مشا الشخص وحفيضة ركبات وتوجهان العيادة باش تاخد موعد على ود نرمين وهي كتخطط كفاش تقتل نرمين وكيفاش غتشربو ليها
اووووف واخيرا كنتهنى منك وناخد بلاصتك بقات كضحك
رجعات لدار عند نرمين وقالت ليها على الموعد ديال غدا وهي فرحانة حيت غتخلص من نرمين
في صباح خرجات نرمين لموعد ديالها مع الطبيب وخلات ملاك مع حفيضة وهاد الأخيرة لي كتفكر كفاش دير ليها السم شوية وهي طيح عليا فكرة بلي احمد غيجي اليوم وحيت نرمين عند طبيب غادي دير الغدا ومن بعد دير ليها السم في الدوا لي كتشرب يعني في الفيتامين باش متحسش
رجعات نرمين لقات حفيضة طيبات الغدا وكتسنا فيها
حفيضة ياك كلشي مزيان مكاين حتى حاجة على ود دوخة
نرمين لا غير من سوء التغدية هاد الشي لي قلي
حفيضة اوا مزيان اجي نتغداو را ملاك تغدات وديتها تنعس
نرمين صافي يالله
بداو يتغداو وحفيضة كتهضر في نفسها هادي اخر مرة نشوف كمارتك وحتى راجلك حبيبك مغتشوفيهش ببساطة غادي تموتي
نرمين احمد تعطل وقلبي مقبوط عليا معرفتش مالي
حفيضة غير الشيطان نود نجيب ليك دوا تشريه مشات الكوزينة هزات كاس دارت فيه الما وكلت فيه سم  وجابت الدوا وعطات لنرمين وبقات كتفرج فيها وهي كتشربو
نرمين نجمع طابلة ونمشي نعس شوية
حفيضة غير خليها وسيري ترتاحي قبل مايجي احمد
نرمين شكرا لهلا يخطيك عليا
حفيضة ضحكت في نفسها بسلامة نتلقاو في جهنام
مشات نرمين لبيت بنتها وتكات حداها وبقات تبوسها حتى بدا ت أعراق وتنفس كيمشي بغات تغوت مقدراتش تبغي تهز ايديها والو وحفيضة مقابلها وكتشوف فيها وكتقول ليها بلي دارت ليها السم وبلي مكتحملهاش وبلي غتاخد بلاصتها في دار ....كاع داك لي كانت كدير باش تاخد احمد
وكفاش خطات باش تقتلها ونرمين مسكينة كتلفظ انفاسها الأخيرة حتى غمضات عينيها وطلعات روحها وحفيضة مزال كتنفخ في سمها
شوية خرجات حفيضة ولاحت السم من السرجم وتشتات القرعة ورجعت جمعات دار وهي فرحانة