ااااسر الملاك

الجزء الخامس

🌹اسر الملاك🌹

كمل اجراءات ديال السلعة وخرج في اتجاه الطائرة في خلا جدو طلع لقا جدو كيقرا في الجريدة
جدي يكما تعطلت عليك
قادر لا ولدي قاديتي الامور
رئبال قديت كلشي وخليتهم باش يديوها المغرب تم يتكلف براء حيت هاد السلعة جديدة اول مرة نستعملوها خاصها اختبار
قادر مزيان والدي الله يسهل
رئبال امين اجدي
جات عندهم المظيفة يمكن ليكم ديرو الأحزمة باش نكملو الرحلة
دارو الأحزمة وقلعت الطيارة بضع ساعات كانت الطيارة وصلت لمطار اثينا ونزل قادر ورئبال ولقاو رامز كيتسناهم
سلمو عليه وركبو السيارة ونطالقو وتبعوهم الكارد دوزو مسافة الطريق وصلو القصر نزل رامز حل لباب لقادر ونزل رئبال وتمشاو الباب لقاو اسر في استقبلهم
اسر جدي عنقو وسلم ليه على راسو وتعانق هو رئبال
قادر السبع ديالي لباس عليك كيف عامل مع الخدمة
اسر لباس جدي انت صحيحة مزيان الدار كلهم بخير
قادر كلشي مزيان ناقصهم غير انت
سكت اسر وهو يتكلم رئبال خويا مناويش تحط لينا ناكلو وليتي سقرام ،😌😌
انت غير سكت مالك مضروب على كرشك
رئبال الا كرشي ممعهاش الللعب
عيط اسر على خدامة توجد الماكلة وناضو توجهو لبلاصة الاكل وبداو الخدمات كيحطو ليهم رئبال طاح في الماكلة مهزش راسو اما اسر وقادر كياكلو غير بشوية كل دغمة يعطيوها حقها
كملو ماكلتهم وناضو مشاو الصالة وكلسو يهضرو على الخدمة شوية هو يضور قادر عند اسر
قادر اسر عندي ليك موضوع مهم خاصني نهضر فيه معاك وغادي تسمعني من الاول حتى الاخر ولكن دير في بالك مكينش الرفض
اسر. جدي حتى الصباح ونتكامو انت عيان خصك ترتاح
قادر انا مزيان هدا هو الوقت لي نهضر فيه
اسر تكلم جدي انا كنسمع
قادر الموضوع الاول هو غادي تقلب ليا على عمتك وارجلها نشوفها ونتسامح معاها ونرجها عندي هي راجلها انا كبرت ومعرفت وقتاش يوصل اجلي وانا مشايفش بنتي كانت هي الوردة ديال الدار ....هبط راسو وبانو عليه علامات الحزن
اسر بقا فيه جدو وناض كعد حداه شد ايدو وباسها ليه حتى رئبال نفس الشي ضارو بيه
اسر انا غادي ندير جهدي كامل ونرجع ليك عمتي كون هاني غير منشوفكش حادر راسك انت هو كبيرنا خليك ديما راسك مرفوع
رئبال اسر عندو الحق جدي
قادر الله يرضي عليكم اولادي والموضوع التاني هو خصك ترجع في مرة المغرب باش تشد بلاصتي
اسر. وقف وبدا غادي جاي لا لا لا لا الا هادي جدي منقدرش نشوف كمامرهم نقدر نقتلهم ومنعقلش
قادر عارف ماشي ساهلة عليك لي داز ولكن راني عيت وتهديت مبقيتش قادر على الصراعات والصدعات والمشاكل لي كيديرو وانا عندي القلب وخاصني راحة
اسر جدي عندك القلب من وقتاش مفراسي والو
قادر حتى حد مفراسو من غير رئبال وبراء وليلى راك عارف هي دكتورة ومبغيتش نشطنك معايا ولكن ليلى قالت ليا خصك راحة وانا نبقا حاكم هاديك العائلة داك الشي قررت انت تاخد بالاصتي وتزيرهم كنتيق فيك غير انت
اسر..جدي حشومة عليك تخبي عليا مرضك بقا ساكت شحال عاد تكلم خاصني وقت نفكر في هاد القرار ونرتب افكاري
قادر خود وقتك ولدي عندنا يومين وغنمشي حيت السفر بزاف منقدرش عليه
اسر واخة جدي رتاح يكون خير
وقف قادر ومشا معاه اسر حتى وصلو لجناحو ورجع عند رئبال جلس وسرح رجليه ورجع راسو اللور وبدأ يخمم في الموضوع خاصو يتحمل مسؤولية عائلتو ومن ناحية جدو مريض خصو يهز عليه الحمل ومن جهة مبغيش يرجع يشوف كمامرهم بسبابهم هاجر برا المغرب وتغرب على عائلتو وحضن ميمتو حتى ولا شخص قاسي بارد غامض