😍 آسر الملاك 😍
رئيس الاطباء للاسف المدام ...
مازال مكمل كلامو شنق عليه آسر متقولش ليا ماتت ولا وقعات ليها شي حاجة خايبة حيت غادي تبعها انت وطاسيلتك الا هي سمعتي ...جا ياسر بعدو على الطبيب غير بزز ونفض آسر
ياسر. ولدي تهدن خصنا نعرفوه اش واقع ليها باش نتصرفو وهاد الحالة لي انت فيها مغتنفع في والو ...دار عند ليلى وتكلم بنتي ليلى ممكن تشرحو لينا اش وقع لبنتي وهي لداخل
ليلى. وهي كتبكي خالي ممكن تمشيو مع الطبيب البيرو وهو يشرح ليكم حيت منقدرش نهضر ونقول شي حاجة
عثمان. شي حد يشرح لينا اشنو كاين
رئيس الاطباء تفضلو معايا البيرو ونفهمكم ونشرح ليكم بالتفاصيل مشاو معاه البيرو جلسو قادر لي مقدرش يوقف وكيتحسر على حفيدتو لي لقاها وبغا يعوضها حنان وتعوضو في بنتو لي ماتت ومشفهاش مي للقدر رأي آخر
كلشي واقف ماعدا الداري لي مكاينينش مازال مرجعو والنساء دنييز فيروز فخرية والبنات مايا واية وحتى ليلى هوما محطمين ومسكتوش من البكا
تكلم قادر. ممكن تشرح لينا اشنو واقع لحفيدتي
الطبيب. سي سلطان المدام ملاك دخلات غيبوبة معرفناش واش غتفيق اولا .........كلشي ولا يسمع غير طنين في ودنيه اثر الخبر لي سمعو ومنهم آسر لي يتصدم وصدمة كانت قوية غير شي ساعات كان فرحان ويشوف في عيونها المتلألئة وفرحانين حيت تجمعو مع بعضهم وتزوجو وقرو يسافرو جولة باليخت عبر العالم ودابة كلشي تبخر وهي متعودش تفتح عينيها وميعاودش يشوف عينيها الكريسطالية وشفايفها الحمر وحنيكاتها المزنكين والمطبزين والشوفة فيهم يخليوه باغي يعضها منهم لا لا ثم لا ميمكنش تمشي وتخليه بحدو بعدما نوارت حياتو ودخلات قلبو وعشعشات في دماغو وامتلكات كيانو مستحيل يخليها تموت ... باغي ينوض يغوت مي قواه خانتو ولسانو رگد عليه كيسمع غير البكا لي ضاير بيه من قبل عائلتو وهو يغوت سكتو هي مغتموتش وغتعيش سمعتو نسمح شي حد بكا منقولش ليكم اش ندير ....كلشي سكت ومنهم البنات وحتى مو وعمتو ومرات عمو اما جدو وباه وعمو كانو غير كيشوفو وصدمة لاعبة عليهم ولسانهم لي هضرو بيه مشا وحتى العقل عندهم غاب
الطبيب. سي سلطان بغيتكم تسمعوني ومتقاطونيش حتى نكمل باش تعرفوا السبب لي خلا مدام ملاك دخل في غيبوبة ...اول حاجة ملي وصلات عندنا كان عندها لطنسيو منخافضة وهذا بحد داتو عائق وعاد قلبها دقات ديالو حتى هي منخافضة زايد الأكسجين تحبس ليها ومكانتش تقدر تنفس هادو كانو عائق في اننا نديرو شي تصرف لي أدي بحياتها من خلال الحالة لي جات فيها وداك الدم لي خرج من فمها ونيفها وحتى الأكسجين لي تحبس عليها وشفايفها البويض وعليهم بقع بالازرق استنتجنا بلي هي خدات السم ...خلاهم يشرعو عينيهم في رئيس الاطباء ومنطقو بحتى حاجة تلجم لسانهم وحتى أجسامهم حسوها باردة ويردو في أنفسهم ...اش كيخربق عليهم منين غيجيها السم وكفاش كلاتو ولا حتى شكون دارو ليها
أنت تقرأ
ااااسر الملاك
Short Story😌كيقولو المكتاب على الجبين لازم تشوفو العين وهاد البنت غتشوف العذاب الألم الخدلان اليتم مرارة الحياة وقساوتها التشرد وهي في سن صغيرة ولكن سوف تضحك ليا الدنيا من بعد 😌 والبطل عندو جدو هو الكل في الكل عايش بحدو برا البلاد وعائلتو في المغرب سافر في...
