😍 آسر الملاك 😍
✨الفصل التاني✨ : غرامك يافتنتي ازاح كومة الجليد من جبل قلبي وأداب تلجه ونصهر مع عروقي فلون دمي لكي يصبح للحب الوان في عرش عشقك 💌
كانو مجموعين على الطبلة العائلة في اواخر شهر الغفران والمحبة والسلام والعطاء والحب لكن نقاصين افراد كثيرة خلا العائلة حزينة ومفيهاش الحماس والنشاط لي ديما كيكون نهار ليلة القدر
قادر. يله قولو بسم الله مولاها ربي هو لي شايف وعالم
ياسر. اكيد الحاج مكتاب الله هدا والخير فيما اختاره
عثمان. هاد القصر فقد شغفو والضحك لي كان فيه
فيروز. ان شاء الله كلشي غيرجع كيف كان ونعاودو نتجمعو من جديد
كريم. كنا كل عام كنكونو مجموعين ماعدا شخص واحد مي دابة ناقصين الولاد كاملين
دنييز. والله ماعرفت وقتاش يرجعو علي ومايا من فرنسا على ود خدمة براء ورئبال في اليونان على ود خدمة اسر وليلى وبراء مكيفطروش معانا على ود صحة البيبي اما بكري منهضرش عليه مبقيتش كنشوفو غير ربي يفرجها من عندو وصافي
فخرية. قولو بسم الله ها اية معانا وديما منشطة الجو واخة مافينا لي ضحك هي كتفتجيها علينا الله يحجبها على العين واخة مسكينة مع القراية وسطاج وعاد مقابلة اشرف وعماد
اية. لا خالتي بالعكس انا فرحانة حيت مقابلة اشرف وعماد راك عارفة كيسول على ملاك بزاف وانا كنعرف كفاش نخليه ينسى وعاد هو باغي يمشي لمدرسة داخلية ولكن حتى نشوف مع خويا اسر منقدرش ناخد شي قرار من دون الرجوع ليه حيت هو لي مسؤول عليه
بداو العائلة في الأكل وكل واحد فاش كيفكر كفاش كانت حالتهم طيلة هاد الفترة وكفاش الحزن خيم عليهم من كل ناحية وخدا منهم الغالي
في جهة أخرى من القصر في جناح من أجنحة العائلة كانت متسطحة على السرير وهي باين عليها التعب والهم والحزن رغم المحيط العائلي لي عايشة فيه وموساة راجلها حبيبها لي تفرغ غير ليها بوحدها وجالس معاها في الجناح قليل فين يهبط يجلس مع العائلة وهو خايف عليها وعلى الجنين لي في احشاها ولي معرض الإجهاض بسب الظغوطات
براء. حبيبة نوضي باش تاكلي راك مكليتي والو من الصباح
ليلى. حياتي مقدرشاش لي كليتها كنردها وهادوك الفيتامينات مكيديرو ليا والو
براء. حبيبي غير الصبر كلشي غيفوت وانت سمعتي الطبيبة اشنو قالت ليك انت والجنين في خطر وانا منقدرش نغامر بيك قلت ليك نزلي الجنين مبغيتيش صحتك اهم عندي
ليلى. عارفة براء ولكن راه ثمرة حبنا الاولى ومنقدرش نفرط فيها عليها ملتازمة بتعليمات الطبيبة وأن شاء الله كلشي غيدوز مزيان وترجع عائلتنا تجمع ونرجعو فرحانين كيف كنا
براء. اكيد احبيبي كلشي غيكون مزيان انت غير تهلاي ليا في راسك في ولدي ولا ابنتي وخلي الباقي عليا وعلى العائلة
في جهة أخرى وبالظبط في باريس عاصمة فرنسا في واحد المساحة شاسعة فيها اصطبل ديال الأحصنة كانت فيه مايا مع علاء كيخرجو في الأحصنة
علاء. علاش مجبتوش ليهم البيطري راه ظروري يشوفهم
الموظف. جبناه سيدي غير يومين قبل ماتوقع الحادتة
مايا. يعني الحادتة مدبرة من قبل شي حد ميمكنش يتحرق الاسطبل ويموتو الأحصنة مي ماشي من الحريق وانما من تسمم
الموظف. حتى انا هذا رايي شفنا الكاميرات لي في الاسطبل حتى حد مدخل من غير المروضين والزوار
علاء. جيب ليا تسجيلات الكامير لبيرو ديالي نشوفهم
مايا. انا نشوف مع العمال والموظفين
علاء. خصنا نساليو هاد الشي باسرع وقت ونرجعو وحتى السلعة ديال براء ورئبال صيفتها المصنع لي في المغرب مي هاد الحادثة لي وقعت في المزرعة من غير الأحصنة حتى الحيوانات سمعت بلي هجمو على الزوار
مايا. مبغيناش هاد الشي يوصل أسر لي فيه يكفيه
يارب دير لينا شي تاويل ديال الخير وفرجها من عندك
نمشيو عند الزين الصافي ديال رئبال لي هاز تليفون كيصوني مي مكينش لي كيجاوب وباين فيه طالع ليه الدم بالمزيان
ومعصب مي من شكون من غير اية قصيرة القامة طويلة اللسان من نهار مشا اليونان مكتجوبوش ومعرف ميدير معاها مقدرش يحل معاها مشاكل لي وقعو في ظل الظروف والحزن لي هما فيه
رئبال . جاوبي البرهوشة نهار نزل غادي نعدبك مزيان على هاد الشي لي كديري غير تسناي عليا
قطع تليفون وحطو وهو معصب ويسب فيها شوية صونا تليفونو يحساب ليه هي لي كتصوني مي لقاه خوه اسر
رئبال.خويا كيف بقيتي مزيان
اسر . الحمد الله انت لباس الامور هانية
رئبال. كلشي على مايرام متشطنش راسك بقات ليا شحنة نخرجها ونرجع ان شاء الله
اسر . اك الله يرجع بالسلامة
قبل ميقطع اسر سولو رئبال سؤال لي صعيب على اسر يجاوب عليه
سكت مدة وعاود جاوب خوه كلشي ديال الله وحنا عبادو قدر الله وما شاء فعل
رئبال . الله يصاوب يارب
اسر . اميييين وتنهد
أنت تقرأ
ااااسر الملاك
Krótkie Opowiadania😌كيقولو المكتاب على الجبين لازم تشوفو العين وهاد البنت غتشوف العذاب الألم الخدلان اليتم مرارة الحياة وقساوتها التشرد وهي في سن صغيرة ولكن سوف تضحك ليا الدنيا من بعد 😌 والبطل عندو جدو هو الكل في الكل عايش بحدو برا البلاد وعائلتو في المغرب سافر في...
