ااااسر الملاك

جزء 30

😍 آسر الملاك 😍

تجمعو على اسر لي كيركب الملاك الخاتم لي كان من الدهب الابيض روعة من تصميم شركتو لي في اليونان مصمم خصيصا ليها وعليه احرف اسمها واسم اسر  جا في ايديها زوين مع صبيعاتها الرقاق باسها بوسة طويلة في الايد لي ركب فيها الخاتم خلاها كتلون غير بوحدها حشمانة من خوالها وجدها  والداري والبنات شادين فيهم وكيضحكو والموسيقى مطلوقة عطاتها فخرية تركب ليه الخاتم لي كان رجولي بامتياز كان من النقرة الصافية وعلى شكل جناحين وسطهم اسم ملاك بالفرنسية حتى هو تصمم خصيصا ليه عجبها شكلو ركابتو ليه وبقاو كيشوفو في عينين بعضياتهم لي كيقولو بزاف ديال الأحاسيس لي في الداخل ديالهم وهو في عز تفكيرهم بداو الحضور كيصفقو بايديهم وتقدمو العائلة واحد بواحد كيبارك ليهم وتريكة اليهود كيتسناو وقتاش يبداو خطتهم مباركوش ليها وعينيهم عليها كون كانو قرطاس كون ماتت الله يرحمها

آسر. غمز رئبال فهمو لياش كيلمح مشا جاب العدول جلس حداهم وبدأ يسول فيهم الأسئلة الروتينية حيت هي مزال صغيرة يعني ضروري من الأسئلة المتداولة على زواج القاصرات  لكن مع الفلوس لي كدير طريق في البحر كلشي يصبح ممكن

العدول. ابنتي اشنو هوما شروطك

ملاك. شافت في آسر وتكلمات معندي حتى شرط

العدول. صداقك خديتيه ابنتي

ملاك. كانت وصاتها عمتها بلي خصها تقول خداتو وحتى هي قرات عليه في الأنترنيت وكانت كتسمع البنات لي كيتزوجو اش يقولو وحتى دارت داك الشي لي بان ليها مناسب  ...وي خديتو

اسر. هز راسو فيها كان يتسناها تقول بلي مازال ولا معارفاش اشنو هو الصداق عطاه باه الوراق حطهم حدا العدول ونطق هاهو صداقها ...هزو العدول وحل الوراق وبدأ يقرا راجلك سي آسر كتب نصف املاكو بسميتك يعني صداقك ابنتي هو هادا  وانتي شريكتو في جميع ممتلكاتو وو... هز اسر العقد وقع وقال بركا فهمنا ...وعطا الملاك حتى هي توقع غير شدات ستيلو وشافت في اسر لي غمض ليها عينيه وهي تطمأن ووقعات تحت تصفيقات العائلة والمباركة ليهم

قادر. مزروب ولدي

اسر. شحال وانا كنتسنى في هاد النهار ويجي العدول يبقى يقول دوك الجمل راني حافضهم عليها وقعت واختصرت عليه الطريق وقعت وعطيت الملاكي توقع  اوا اصبحنا زوجين

ياسر. هههه والله ياولدي ديما كنشوفك عاقد دوك الحجبان واليوم كتهضر وتضحك وتمازح معانا

اسر. شاف باه ومو لمعنقين بعضهم بسيف غنضحك وانا كنشوف عائلتي مجموعة وبلي لقيت شريكة حياتي

الكل. مبروك عليكم والله يعطيكم الدرية الصالحة

اسر وملاك. امين

كمل العدول مشا فحالو وبقاو غير العائلة والمدعوين

حتى واحد معلق ولا قال علاش كتبتي ليها املاكك الا سناء وفوزية ونسليهان ومريم هوما لي تشوكاو كفاش عطاها نص املاكو في الصداق  باقين في الصدمة حتى زادهم صدمة الطيافر لي داخلين كلهم غير حوايج الفريع والماركات العالمية ها البلدي من اشهر المصممين وحتى الرومي حتى هو من اشهر المصممين الدهب البيض الحمر الزمرد عاد الطقم الالماس كل واحد في لون الحاصول كل حاجة منها  ربعة الصبابط السنادل السبرديلات مخلى ماجاب وكلشي حل فمو العائلة تدي ماتعاود كانو عائلتو فرحانة بيهم وبهاد الشي لي دار على ودها وكبر بيها ومخلى حتى واحد يهضر عليها ولا يقول اليتيمة معندها حد