فكر وفكر مزيان ولقا الحل بلي خاصو يتحمل المسؤوليه تجاه عائلتو خبر جدو بقرارو ونضا المسائل المتعلقة الخدمة والشركات والمناجم وخلا رامز مقابل كلشي وهو مرة مرة يرجع يطل على رزقو ويبقى يخدم من شركتو لي كاينة في المغرب
واخيرا حطات طائرة اسر ومعاه جدو ورئبال ونزل وشم رائحة بلادو وقف حداه جدو .. ...مرحبا بالغالي في بلادو
اسر مدواش باقي مغمض عينيه جا حداه الكارد مسيو اسر سيارات موجودين
عاد اسر حل عينيه ودار عند جدو ... جدي سيرو سبقوني واحد الساعة وانا معاكم
قادر واخة ولدي سير
ركب اسر في رونج وكسيرا ومراه الكارد وكدلك رئبال حتى هو كسيرا لقصر سلطان برفقة جدو مسافة طريق وصلو القصر ودخلو لقاو كلشي كيتسنى فيهم وقفو وسلمو على قادر ورئبال ودنيز كيتسناو في اسر يدخل
دينيز الحاج فينهو اسر
قادر عندو شي شغل يسالي ويجي ...الموهيم ولدي عثمان حدر بنتك ومرتك ميقربوش ليه حيت يقدر يدير فيهم شي حاجة ودار شاف في فوزية وسناء ....وتكلم ونتوما نقصو من طيرانكم وبعدو منو ها ودني منكم انا هزيت ايدي منكم كاملين داب ولاو القرارات في ايدو ولي دارها انا معاه
سناء وفوزية غير ساكتين ويتحلفو على اسر ميخليوهش يتهنا في حياتو
عثمان الوليد انا مبري منهم لي دارها اسر انا معاه
دخل براء وليلى ومايا وعلاء بان ليهم جدهم مشاو يجريو شكون يعنقو الاول حيت قادر بقدما هو صارم مبقد ما هو حنين وحفايدو مششهم بزاف وهو كدلك عزيز عليهم بزاف سلمو عليه وجلسو حداه
علاء جدي فين هو اسر
قادر غير شوية يدخل
بقاو كيهضرو ويضحكو فرحانين شوية وهو يدخل اسر وقال السلام عليكم كلشي هز راسو كيشوفو هاد العضمة لي واقف عليهم الطولة وتجريدة والزين خلاص
سناء وامها تصدمو بيه شحال زيان وتكدر وعاد بكو حبة
مشات دينيز تجري عنقاتو تبكي ولدي حبيبي توحشتك بزاف مرحبا بيك في دارك
اسر عنقها وسلم عليها في راسها متبكيش الحنانة هاني دابة حداك حتى نطلع ليك في راسك
دينيز متقولش هكاك بالفرحات عليا تبقا حداية متمشي فين
ياسر هداك المسخوط بعد ليا من مرتي جيتي تاني تزاحمني فيها
اسر ضحك وعنق باه اهلا الوليد فين غبرتي توحشناك
ياسر. حتى انا ولدي مرحبا برجوعك نورتي القصر
جات ختو مايا وعلاء وبراء وليلي سلمو عليه وكيضحك معاهم
مشا عند عمتو عنقها وباس ليها راسها ... عمتي العزيزة الغالية راك منورة كيف ديما
فخرية اهلا بولدي منورة بنورك لي ضوا هاد القصر
سلم على كريم تعانق معاه تعانق رجولي عمي لباس
كريم. لباس ولدي مرحبا بيك
تمشا اسر عند عثمان لي كان حاضر راسو حشمان
اسر. عمي هز راسك وعليه الفوق انت ولد سلطان لي راسو ديما الفوق ماشي انت لي خصك تحشم وتهبط راسك دمك نقي عمي معزتك من معزت جدي والوليد مستحيل نتقلق منك
عثمان هز راسو فيه وعنقو سمح ليا ولدي بزاف
اسر. معندكش علاش طلب سماحة واخة تكون غالط على الاب كيطلب سماحة من ولدو
عتمان ضحك اييه مرحبا بيك
اسر ربت على كتفو وتوجه عند جدو وجلس حداه وكلشي برك يضحكو فرحانين
واحد سناء وامها بغاو يموتو بالفقصة حيت نخلهم ومسلمش عليهم وسناء حالة فيه فمها تزعطت فيه
ناضو تجمعو على العشا كلاو في ضحك ونشاط وكل توجه لجناحو
أنت تقرأ
ااااسر الملاك
Cerita Pendek😌كيقولو المكتاب على الجبين لازم تشوفو العين وهاد البنت غتشوف العذاب الألم الخدلان اليتم مرارة الحياة وقساوتها التشرد وهي في سن صغيرة ولكن سوف تضحك ليا الدنيا من بعد 😌 والبطل عندو جدو هو الكل في الكل عايش بحدو برا البلاد وعائلتو في المغرب سافر في...
