ااااسر الملاك

جزء 33

😍 آسر الملاك 😍

الو محمد خسك تفكنا من هاد الشي حيت اسر راجع القصر ومغادي يرحم حتى واحد فينا

محمد. معندي من دير ليكم انتوما عارفينو اش يقادر يدير وغامرتو معايا وعاد السم لي جابت ليكم ديك التركية راني بدلتو لمادة سامة وهي الزرنيخ يعني كيبان في الدم وعاد باش يعرف راها مقصودة وماشي حادثة  ادن غيحاسب كل واحد عندو ايد في قتل مراتو وديك المادة لي مكتبانش في الدم وكتقتل مباشرة مكانتش مناسبني عليها بدلتها باش اسر يتعدب ويشوف مراتو في غيبوبة ومغتفيقش ودريكت غتمشي عند مولاها وحتى واحد مغيشك فيا انا بعيد عليكم ضبرو راسكم ا عمتي ههههه

فوزية. ياك ولد الحرام ياك هادي هي عمتك لي رباتك قلبتي علينا والله وحصلنا حتى نجبدوك معانا وبلي انت لي خططتي وحنا نفدنا

محمد. هههه ضحكتيني عمتي حتى تربي راسك وبنتك عاد هضري انا ربيت راسي براسي وعاد قوليها ليه مغاديش يلقاني والتهمة لصقاكم لصقاكم وعاد غاصني نسيفط لطليقك داك بلي واحد من ولادو ماشي من صلبو وبلي مراتو خانتو وجابت الحرام ليه

فوزية.  انت واحد ولد الحرام...تفو قطع عليا

سناء. اش غنديرو دابة ماما

فوزية. معرفتش هو سلك راسو وحنا وحلنا

مريم. انا غير يسولني غادي نقول كلشي

نسليهان. مشيت فيها انا لي جبت ديك المادة اش غنديرو

فوزية. ضبري راسك انا وبنتي واختي خارجين من هاد الشي كلشي درتيه انتي حنا مدرنا والو

نسليهان. ام باغين تقلبو ليا كلشي والله وطحت حتى نطيح كلشي خرجت وخلاتهم كل واحدة وفاش كتخمم وكفاش غيتفكو من هاد الوحلة ومن حضهم مازال اسر  موصل القصر كينين غير الدراري لي كاينين

في حين في الكلنيك طوق كارد والاطاج لي فيه ملاك خواوه بقات فيه غير العائلة والكارد فقد والفرمليات  والاطباء لمكلفين بحالتها وعندهم بطاقة الدخول فين كاينة وحتى يتفتشو ويعرفو براسهم عاد يدخلو لجناحها وخصو ليهم وقت فين يديرو التناوب والبوز والدوش وخصو ليهم وقت الماكلة لي كيجي من الريسطو حتى لعندهم يعني كلشي موفر ليهم من غير ميشفوش عائلاتهم الى اجل غير مسمى  ومنوع يخرجو برا الكلنيك  وهاد الشي اوامر أسر ولي خالفها مصيرو غير محدد مي ليلى كتخرج فقط والعائلة المقربة...

أسر واقف مع باه وعمو وجدو كيتكلمو على هاد الشي ليطرا بلي خاص يرجع القصر هو لي غيتكلف  اما البنات والنساء داهم لي كارد القصر يدوشو و يرتاحو عاد يرجعو يبقاو مع ملاك واخة هي مكيناش معاهم ومحساش بيهم المهيم يبقاو غير يشوفها من الزجاج ويدعيو معاها   ولي كانت  حالتهم حالة من داك الشي لي سمعو وشكون هدا لي يبغي يأديها وهي معندها حتى عداوة مع حتى حد خصوصا عمتها لي في الاصل مريضة وزادتها أزمة ملاك وعاد ولد خوها لي معارف والو وباقي صغير على هاد الشي

اسر. جدي انا غادي القصر باش نوقف على هاد الشي بايدي ونحاسب كل واحد عندو ايد في محاولة قتل مراتي واخة يكون دم بيناتنا

عثمان. حنا غنمشيو معاك غنوقفو معاك ولدي ولي درتيها حنا قابلين بيها واخة تكون على حساب حياتنا ملاك ماشي غير بنت ختنا هي بنتنا

قادر. داك الشي لي دير اسر مغاديش نوقف في طريقك ضار عند ياسر وخاطبو مشفتيش كريم

نطق اسر. عمي كريم مشا في مهمة لروسيا حتى القصر ونكملو دابة خاصني نمشي

تمشا قدامهم وخرج من الكلنيك ركب في لوطو ديالو وحتى عمو وباه ركبو في لوطوات ديالهم وقادر ساك بيه الشيفور ديالو الوجهة كانت قصر سلطان لي فيه غيوقعو شلا حوايج

في حين اسر كيهضر مع جعفر وهو الكارد لي مكلف بكلشي ديال الامن لعائلة كاملة ....واش وجدتي ليا داك الشي لي قلت ليك

جعفر. وي مسيو كلشي موجود في لكاب

قطع عليه وساك وغادي بسرعة وباغي يوصل بالزربة باش يحاسب لي كان سباب ولي خلا فرحتهم ترجع قرح ولي خلا قلبو يولي رماد بعدما زولات ديك الغمامة لي كانت عليه وبعدها خلات قلبو ينبض بحبها بوحدها ديك الصغيرة ليه هو بحدو هي حبيبتو ولات مراتو ولكن بغلاوة سوغيز ديالو حتى يديه الموت ويرجعهم ويعاود نفس الشي ويبقاو يوميا على نفس الحال حتى تفيق ملاكو ...مسافة طريق حتى توقف اسر ونزل وهو كيشوف في البلاصة لي كانو فيها وهوما فرحانين نزل راسو ودخل وتبعوه جدو وعمو وباه لقا الدراري كل واحد واش كيدير وجلس باش يسمع ليهم وشنو اخر الاخبار

اراءكم اشنو غيوقع لدوك لكانو سباب
وكفاش اسر. غيعدبهم
وشكون في ولاد عثمان ماشي ولدو