ااااسر الملاك

جزء 21

😍 آسر الملاك😍

مشا جلس في الكنابي كيتسناها تخرج من الحمام في حين ملاك سلات تدواش ولوات عليها فوطة في الغوز ودارت فوطة في شعرها وخرجات من الحمام وتقدمت لسرير فيه كسوة لي غتلبس مشفاتش آسر لي وقف من الدهشة والصدمة في نفس الوقت من هاد الفريزة لي خارجة من الدوش كيبانو ليه رجلين بيضين ونقين وصغيورين غير ديال الماكلة وكيقطر منهم الماء وريحتها ضاربة حتى لعندو هز راسو من رجليها حتى لجسما لي مغطياه بالفوطة قصيرة كيبانو فخيضاتها البويض ولهانش باينين طلوعا مع صدرها الممتلئ والما هابط من عنقها بقا كيقرب ليها حتى وقف عليها وبقا كيشوف فيها غير هزت عينيها وشافت فيه قلبها طاح بين ايديها بالحشمة والخلعة وجمدت في بلاصتها وجها ولا حمر اما شفايف يسلام غير ديال تشلقيم هو كيقرب وهي تبعد حتى تحبسات بالحائط وبقي مبلق عينيه في هاد الوردة حمرا مفتحة وباقة فتية وفاكهة ناضجة وقابلة للاكل وجهو في وجها مكيفصل بينهم والو حط ايديه عل وجها وشفايفو على شفايفها ودخل معاها في قبلة 😘 طويلة ومخلاش ليها الوقت لي تستوعب فيه الصدمة .....كانت قبلة مليئة بالاحاسيس عبر فيها على شوقو وحبو وعشقو وحتى هوسو بيها بقا كيتلدد بشفايفها لاحلى من العسل هي بقات جامدة اول قبلة ليها مكتعرفش تبوس ولا هاد الاحساس لي حساتو مع قبلة اسر قلبها كيدق كيتسمع بجهد غادي يسكت
فصل القبلة مي مزال عطشان باغي كثر باغي يغرق في ثغرها باغي المزيد والمزيد لكن ماشي وقتو شاف فيها لقاها مغمضة عينيها وجها حمر وشنايفها كيترعدو وكتحاول ترض النفس مقدراتش تشوف فيه بالحشمة طلقات منو وهزت حوايجها بالزربة ومشات لدرسينغ تلبس وخلاتو واقف كيشوف في الفراشة المتألقة والصغيرة ديالو كتجري وراها تيتهز معاها كلشي يتقلقل حس براسو سخن عليه بداك المنظر وعاد البوسة لي كانت عميقة واخة متجاوبتش معاه وكان عارف بلي هادي اول قبلة ليها اما هو راه عندو تجارب دوز ايدو على راسو ورجع جلس في الكنابي حتى تخرج

غير دخلات لدرسينك تلبس الحوايج لي كانو عبارة عن كسوة في الاخضر ملكي فوق الركبة شوية مع صندالة طلون في دهبي وحلقات وسنيسلة ديال الدهب كان جابها ليها باباها جات فنة وكيوت والخجل طاغي عليها والحنيكات كرزين والغمازات واضحين والحشمة قاتلاها من داك الشي لي وقع ليها مع آسر ومع دلك حسات باحساس زوين والفرشات كيلعبو في معدتها واساس بالدغدغة والقشعريرة في كامل جسمها ومقدراتش تفسر هاد الاحساس لي هجم عليها وخلاها باغة المزيد والمزيد من حلاوتو ،،،،،،خرجت من درسينك وشافها جاية قلبو رف جمالها قتال جسمها فتنة عيونها بحر وغرق فيه خدودها حب الملوك بشرتها براقة سحرها لا يقاوم
اسر. اه من فتنتك التى تأسر القلوب وتسجن الكيان ،،،،،،ملاك مشافتش فيه على ديك البوسة لي عطاها حسات بيه وقف قدامها وهز ليها دقنها بيدها ،،،،،جيتي زوينة بزاف جمالك افنى عالمي الاسود واغنى قلبي واشبع رغبتي بمتلاك حضنك ،،،،،،،شافت في عينيه الزورق ودامت لحضات بينهم والتزمو الصمت وخلاو العينين هما لي كيحكيو ويهضرو ويترجمو احاسيسهم لي كابتينها في الداخل ديالهم وعلى كمية الحب المخزونة عندهم تحدر عندها باسها في شنايفها وعيونها وخدودها وهبط شم ريحة لي فعنقها وباسها وطول فيها حس بيها تبورشات وزيرت ليه على دارعو لي شاداه منو ،،،بعد عليها ونطق غادي تهبطي وتجلسي حدا مايا والبنات متهضري مع حتى حد ومتشوفيش في الرجال اك