في اليوم الثاني بدت الشمس تطلع على سماء الرياض و بدت بطلتنا تتجهز عشان يومها الجديد و لبست و خلصت و تبي تطلع عشان تنتظر السواق يوديها لبيت ابو رعد
ام شادن : شادن
شادن : لبيه يمه
ام شادن : الله يلبيك ياامي بس اختك هديل متضايقه شوي كلميها و شوفي وش بخاطرها
شادن : ليه وش فيها لكن ابشري يمه
ام شادن : والله مدري ياامي بشرتي بالجنه يا روح امك انتي
شادن : هديل هديل
هديل : هلا شادن
شادن : شفيك يا روحي انتي ليه متضايقه
هديل : مافيني شي والله
دق السواق على شادن
السواق : انا برا
شادن : يلا طالعه
لفت على هديل يلا يا روحي انا بروح و انتي اطلعي اجلسي معا امي
هديل : الله معك ابشري
و عند عائله بطلنا
دخلت شادن من بوابه القصر و شافت ان الكل قاعد يفطر و اقدر اقول هاذا اول لقى بينا ابطالي
ام رعد : شادن
شادن : لبيه يا خاله
ام رعد : الله يلبيك تعالي افطري
شادن : شبعانه الحمد ما كملت كلامها لان ابو رعد قال
ابو رعد : تعالي افطري يا بنتي واضح انك ما افطرتي
شادن : لا يا عمي ما كملت كلامها لان ديم قالت عادي تعالي شفيك و بعد محاولات وافقت شادن
شادن : تمام
و كان كل الي يصير تحت انظار بطلي
جلست شادن بين ديم و ام رعد
و قدامها رعد و جنبه سعود و ابو رعد و نواف و زوجته روان
كانت جالسه و صامته ما قدرت تاكل بسبب العيون الي تناظرها " عيون رعد "
ابو رعد انتبه لها و لنظرات رعد و قال
ابو رعد : رعد متى بتداوم
رعد : ما عندي دوام الاسبوع ذا
ابو رعد : ليه
رعد : اخذت اجازه عشان بنسافر لعمي فهد يوم الجمعه
ابو رعد : اي صح الله يذكرك بالشهاده ذكرتني
يا ام رعد تجهزوا يوم الجمعه ان شاء الله بنروح الديره
ام رعد : ان شاء الله
ابو رعد : يلا عاد انا استاذن
الكل : اذنك معك
نواف : يلا انا طالع اريح قبل اذان الظهر
روان : و انا بعد يلا معا السلامه
ام رعد : الله معكم
و قامت ام رعد تبي تنام
و سعود طلع لشغله
ديم بلقافه : اقول شادن
شادن: هلا ؟
ديم : قد حبيتي ؟
رعد الي انصدم من سوال ديم بس التزم الصمت
شادن : لا
ديم : اها زين
و كل الي يصير تحت مسمع و نظر بطلي
و قاموا كلهم و كل واحد راح لشغله الي راح ينام و الي راح يشتغل و الي طلع يتمشى
الي نام ديم و الي يشتغل شادن و الي يتمشى رعد
و في ذا الوقت كان رعد يفكر ب شادن كيف انها بنت صغيره و تشتغل عشان لقمه العيش و يفكر كيف وحده بجمالها و ادبها و تشتغل عندهم " علما بان شادن كانت جميله جداا "
و كان سرحان و هيمان فيها على ان رعد ما يطيق طاري الحب ولا يامن فيه و يحسه لعب مراهقين لكن من شاف شادن غير رايه و من شافها حس انه ملك الدنيا و الحين نرجع لبطلتنا
شادن : خلصتوا تنظيف المستودع ؟
العاملات : ايوه
شادن : تمام
و راحت بطلتي للحديقه الخارجيه تستنشق هوى و كان الجو مره حلو
شادن : الله يالجو يجنن
جاء رعد من وراها بصوت خفيف : والله محد يجنن غيرك
لفت شادن و هي خايفه : يمه من و لما لفت و شافته
شادن : بسم الله ما تعرف تتكلم انت ؟
رعد : الا اعرف اتكلم بعدين وش مطلعك برا ؟
شادن : انكتمت داخل و طلعت اخذ هوى حرامممم !!
رعد : هدي ما قلت حرام بس سالت
شادن وقفت و شمقت فيه و مشت
رعد : الحمدلله بس
دخلت شادن و هي متنرفزه من رعد و خلصت اشغالها و راحت لبيتهم عشان بكره ما بتجي لان عائله ابو رعد بيروحون الديره
تعالوا شوفوا البارتات الجايه حماسس 🔥
أنت تقرأ
جاني و انا مالي بالمحبه ميول وحببني بسوالف ما كنت احبها
Poetryاول روايه لي و ان شاء الله تعجبكم . ما اسمح اقتباسها او نقلها الا بإذني . الكاتبه : جَنَىٰ . انستا : rwa.j2 تيك : rwaj2
