مرت يومين على السالفه و محد تكلم فيها
و ريم و شادن بس يتجاهلون بعض
و رعد ما شاف شادن بعد السالفه الي صارت
سعود : شفيك سرحان
رعد : مافيني شي
رعد : الا متى بتخطب هديل ؟
سعود : اليوم ان شاء الله
دخل ابو رعد و ابو عساف : السلام عليكم
الكل : وعليكم السلام
ابو عساف : خلصتوا ترا ماعاد بقى الا يومين على الملكه
ابو رعد : اي ديم خلصت بس عساف مدري عنه
ابو عساف : عساف خلص انا اقصد رعد خلص ولا بعد
رعد : شدخلني !!!!
ابو عساف : مو انت بتاخذ بنتي ريم ؟
رعد انصدم و سكت
ابو رعد : اي قد تجهز
ابو عساف : زين
سعود : يبه انا ابي اخطب هديل
ابو رعد : و انا ما عندي مانع ابد كلم امك و خلها تكلمها
ابو عساف : زين اجل عشان نسوي ملكتك معا رعد و عساف
سكت سعود و قام يكلم امه
......
سعود : يمه يمه
ام رعد : هلا يمه
سعود : مدري كيف اقولك بس يمه انا ابي اخطب هديل
انصدمت ام رعد بس قالت : ابد و انا موافقه البنت يحليلها تهبل بكلمها و اشوف
سعود : الله يكتب الي فيه خير
راحت ام رعد لهديل و قالت لها كل شي
هديل : لي الشرف والله لكن راي من رايك
ام رعد : يعني موافقه يمه ؟
هديل : ايوه يا خالتي
راحت ام رعد تبشر سعود
و طار سعود من الفرحه و قال ل ابوه وإخوانه
و حددوا ملكتهم معا رعد و عساف
....
اما عند بطلي كان متضايق و مايدري وش يقول
ما يبي يقول لا عشان كلام ابوه له
فلاش باك :
دق باب غرفه رعد و كان ابوه
رعد : هلا يبه
ابو رعد : اجلس وانا ابوك و اسمعني
رعد : لبيه
ابو رعد : شف يا ولدي عمك بيجي و انا ما ابيك تسوي شي اذا تبي رضاي و عمك مقدر ارد لانه هو الي طلبك و شادن تقدر تتزوجها بعدين و ماراح امنعك بس عشان خاطر اخوي اخذ ريم .
تنهد رعد و قال : ابشر
و طلع ابو رعد لغرفته و كان يفكر الي سواه غلط ولا صح .
...........
مرت اليومين و بطلي متضايق
و هديل و ديم و ريم يتجهزون
كشخوا كلهم و كل وحده حلوه بس محد يغطي على هديل و شادن
شادن : بسم الله عليك يا اختي
هديل : يا روحي انتي و ضمتها
جاتهم ديم : هيي احضنوني معكم
سحبتها شادن و ضمتها
شادن : مبروك مبروك
ديم و هديل : الله يبارك فيك
ديم : عقبالك يا روحي
شادن ابتسمت و قالت يلا بتنزلون
هديل : متوتره
ديم : ترا اخوي سعود طيب و معليك اهدي
...........
عند بطلي خلص و جلس يتنهد و جاه سعود
سعود : حاول تنساها يا اخوي
رعد : مقدر اخخ بس
سعود : الله يعوضك يا اخوي
تنهد رعد و قال :
.
اثاريني يا سعود عشت الوهم كله
ليتني يا سعود صديت من قبل لا المح ظله
.
سعود : ياليت والله كان مو حالتك كذا
وقف سعود و قال يلا امش و اذكر ربك
قام رعد و مشى معه
....
عساف & ديم
دخل عساف على ديم
و انصدم فيها ماهي الي شافها
كانت ديم متينه شوي و شعرها قصير و سمراء بس مملوحه
عساف بصوت خفيف : مو انتي الي شفتها
ديم : هاه ؟
عساف : ولاشي
و صد عساف عنها و قال : يلا انا استاذن بطلع
طلع و كان مصدوم و يدعي ع حظه
......
سعود & هديل
دخل سعود على هديل
و انصدم بجمالها و قال : ماشاء الله
نزلت عيونها و استحت
سعود بخاطره : بانت مثل مابين النور من شمس
قرب منها و باس جبينها و قال مبروك علينا
هديل ابتسمت و طالعت بعيونه
سعود راح فيها من جمالها و ريحه عطرها الي جابت راسه
و كان يبي يطول بس امه قالت يلا برا
و طلع و هو يدعي الزواج يكون قريب لانه ما يقدر يتحمل
........
رعد & ريم
دخل رعد علي ريم
و كان ماله نفس يدخل عليها
رعد : السلام عليكم
ريم : و عليكم السلآم و كانت طايره فيه
قرب منها رعد و كان صامت و هي صامته بس قطع صمتها قالت : كيفك ؟
رعد : بخير
انصدمت منه و سكتت و هو ساكت
و جات ام رعد و قالت يلا اطلع و طلع و نفسه منسده من كل شي
......
طلع رعد و شاف وحده عند باب قسم الرجال و كانت
تدق الباب
رعد : احمم
شادن : يمه و كانت تبي تهرب بس ما تقدر لان خلفها رعد و قدامها الباب و حجابها مو معها
رعد : يا بخت من انتي نصيبه بصوت مسموع سمعته شادن
شادن : مبروك
رعد تنهد : الله يبارك فيك مشى رعد و وقف و قال : لا توافقين على فيصل ولد عمي
"شادن كانت تدري انه يحبها لانها سمعته لما قال ل ابوه "
شادن : ليه
رعد : انتظريني
شادن : كيف انتظرك و انت توك طالع من زوجتك
و مشت و خلته
رعد : اخخ يا شادن لا تقولين كذا
طنشته شادن و مشت راح وهو متضايق و واضح على وجهه و راح لسيارته و ركبها و راح للجبل يشكي همومه " من عادات رعد اذا تضايق راح للجبل يشكي همومه فيه "
..........
الاحداث الجايه 🔥🔥
زواج سعود و هديل 💍🔥
و رفض عساف لديم 🔥
و بسبب قهر رعد على اخته الي انرفضت من عساف بيرفض ريم 🔥🔥
أنت تقرأ
جاني و انا مالي بالمحبه ميول وحببني بسوالف ما كنت احبها
Puisiاول روايه لي و ان شاء الله تعجبكم . ما اسمح اقتباسها او نقلها الا بإذني . الكاتبه : جَنَىٰ . انستا : rwa.j2 تيك : rwaj2
