يلا نبدا .
.
شدت على حضنها و كانها مواساه اهم ...
دخلت ....: مشعلللللل تكفون قولوا مشعل ما صار له شي و ركضت لخالتها تحضنها و هي منهاره و تبكي
ريمان لما شافتها عرفت شكثر كانت تحب مشعل و بكت بشهقاتتت : تكفين يا افنان قولي مشعل ما مات
افنان من سمعت ترجي ريمان و صراخ الهام و هي تركض لخالتها بكت اكثر و اكثر ...
ام عساف مسكت ريمان و هي تهديها : خلاص يمه كذا تعترضين على القضاء و القدر
ريمان : يمه انا حامل تكفين مابي طفلي يجي بدون اب و زادت شهقاتها
ام سهم قامت لريمان و هي تحضنها و تبكي : خلاص يمه لا تحرقين قلبي اكثر
ريمان : اهخ يا عمه و كانت تبي بشهقات ما توقف ....
...
عند فيصل كان يبكي انه فقد كل من يحبه اولا عساف ثم هذال و الحين مشعل ....
...
دفنوا مشعل و مشوا لف سهم و هو لاف الشماغ على وجه و نطق بصوت باكي و حزين :
ليت الموت اخذني و خلاك ليت الدموع الي عشانك عشاني
على تراب القبر من يوم غطاك قال الفرح يا حزن خلك مكاني ....
....
شادن : ياربي سترك صدق الله يرحمه توه امس كان موجود و اليوم تحت التراب
هديل : امين الله يرحمه و يرحم امي و ابوي و موتى المسلمين ......
.....
مرتتت ايام العزا ثقيله على عايله ال نايف و خصيصا اثرت على ريمان وحملها ....
بعد ٣ شهور من موت مشعل بدت الاوضاع ترجع طبيعي بس ريمان اخذت حدادها ببيت اهلها ...
ام سهم دقت على ام عساف : السلام عليكم
ام عساف : وعليكم السلام
ام سهم : بنجي اليوم انا و اختي و افنان نشوف ريمان
ام عساف : حياكم الله
ام سهم : الله يبقيك و قفلت و هي تكلم اختها ...
....
ابو رعد : خلاص ما عندك مانع يا رعد
رعد : اي يبه عشان نرفه عن عمي نايف و عياله و ريمان بنت عمي فهد
شادن : اي والله عاد حملها اتعبها و الدراسه بعد
رعد : كم باقي لها و تتخرج ؟
شادن : سنتين الله يوفقها
الكل : امين
.....
بالمغرب ...
دق الباب و توجهت ام عساف تفتح الباب و هي تشوف ام عساف و ام الهام و افنان و الهام ...
ام عساف : ارحبوا
ام سهم و ام الهام : البقى
و اقبلوا يسلمون على بعض ....
دخلوا و نطقت الهام : وين ريمان ؟
ام عساف : بغرفتها ليه
الهام : ابي اشوفها
ام عساف ابتسمت : بالغرفه الي جنب الحمام ذيك
الهام ابتسمت و مشت للغرفه
دقت الباب
ريمان : مين
الهام : الهام
ريمان استغربت : حياك
الهام دخلت و هي مبتسمه : السلام عليكم
ريمان : وعليكم السلام
الهام ناظرت ببطن ريمان و ابتسمت و هي تنطق : كيفك ؟ و كيف البيبي
ريمان : بخير الحمدلله و انتي كيفك ؟
الهام : الحمدلله بنت ولا ولد. ؟
ريمان مسكت بطنها : بنت
الهام : الله يجيبه بالسلامه بس اسمعي
ريمان : امين تفضلي
الهام : انا اسفه على كل شي سببته ب اذى لك ممكن ازعجتك قبل و الحين مات الي كنا نتهاوش و نكره بعض عشانه الله يرحمه و يغفر له بس الي ابيه منك اعتبريني اختك و بكون لك كل شي يا ريمان و تبشرين بالرضى بكل شي سويته لك
ريمان ابتسمت و هي تمسك يدها : معذوره على كل شي يالهام و امين يارب ..
الهام ابتسمت ومددت يدها بمعنى حضن
ريمان بادلتها الحضن .
دخلت افنان : اف اف حضن من وراي ههههه
ريمان ابتسمت و هي تحضنها و كانوا لطيفات ....
...
مرت الاشهر بسلام و ولدت روان و جابت ولد و سموه عساف ......
و مرت الايام و قرروا يسافرون الشمال عشان يغيرون جو كلهم ووافقوا ...
....
بالشمال تحديدا عرعر ...
شادن : سهم ورع تعال
ريمان : شادن قدك بشهر كم ؟
شادن : الرابع انتي وصلتي الشهر العاشر ما ولدتي ليه ههههه ؟
ريمان : هههههه يالشماته
هديل : انا قررت عاد ما عاد اجيب عيال الحين
روان و بحضنها ولدها : ليه
هديل : يتعبون العيال خلي سوار تكبر شوي
ريم : قد سوار اول ابتدائي
ديم : خليك من اول ابتدائي انتي قدك ب اي شهر
ريم : انا و شادن سوا
شادن مدت يدها لروان : عطيني عسافوه بالله
روان مدته لها و هي تبوسه ...
افنان : يوه وربي حملي انا الي يتعب
شادن : مالومك جايبه ثنين هههههههه
افنان : وسخه قولي ماشاء الله
هديل ضرب شادن بكتفها : لا تموتين عيال البنت ببطنها
شادن : ماشاء الله ماشاء الله تف تف
ريم : وش ناويه تسمينهم يا افنان
افنان : فيصل يقول واحد بيسميه على خويه هذال وواحد بسميه مشعل الله يرحمهم و دمعت عيونها
ريمان بغصه : الله يرحمهم
شادن : يا بعد عمري يا فيصل الله يرحمهم يارب
افنان : حماره شتبين بعمرك لفيصل ههههههههههه
شادن : بسم الله امزح امزح
هديل : الناس لسانهم حصانهم ذي حمارها
ديم : لسان شادن تراه نكبه هههههه
جات سوار تركض : شادن عمو رعد دخل التراب بفم سهم
شادن : وجع قولي خاله اولا بعدين شعنده عمك قليل الادب يدخل تراب بفم ولدي ؟
ديم ؛ عمك ههههههههه تراه زوجك
شادن : لا عاد الي يغلط على ورعي ما يصير لي شي هههههههه
ضحكوا البنات من شادن و لسانها ...
ريمان : اقول افنان
افنان : عيوني
ريمان : الهام متى زواجها ؟
افنان : بعد ما نرجع ان شاء الله
ريمان : بنحضر كلنا ترا
ريم : عشتوا ههههههه كيف كنتي تكرهينها و الحين تموتين فيها
افنان : ترا الهام طيبه والله بس حماره
ريمان : يالبيها
و كانت السوالف ماخذتهم .......
بعد ٦ شهور بالظبط ............
ريمان بالمستشفى و ماسكه طفلتها و هي تتاملها كانت ماخذه من مشعل العيون و الحواجب و الغمازات
ابو سهم شالها و هو يطلعها برا و ياذن باذنها
ركض سهم : بنت يبه ؟؟؟
ابو سهم ب ابتسامه: اي بنت
سهم : جات جات ريناد بنت ابوها
سهم ضحك و اخذها من ابوه و هو يبوس فيها و كانه يشم ريحه اخوه فيها و قعد يبكي و هو دافن وجهه بصدر البنت
ام سهم : وش ناويه تسمينها ؟
ريمان : مشعل كان يبي بنته اسمها ريناد
ام عساف قربت من بنتها و هي تحضنها و تمسح على راسها ..
ام سهم ابتسمت انها بتسميها على الاسم الي يحبه مشعل : الله يجعلها باره فيك يارب و يرحم ابوها ...
ريمان : امين
طلعت ام سهم : وين بنت ابوها وين
سهم عطاها امه و نطق : بتسميها ريناد ؟
ام سهم ابتسمت : اي
ابو سهم كان يبكي و هو يناظرها و مسح على وجها و طلع هو و سهم رايحين للمقبره ....
.
دخلوا ...
سهم و هو واقف على قبر مشعل : جات جات ريناد جات بنتك يا عيون اخوك
ابو سهم بكى و هو يشوف كل مره سهم يسوي كذا يروح لقبر مشعل و يبكي هناك و يعلمه عن كل شي عن ريمان واهله ....
............
و مشت الايام و مشت السنوات بعد سنتين بالظبط .......
يوم حفل تخرج ريمان ...
مديره جامعه القانون : نكرم الدكتور مشعل بن نايف ال *****
طلع ابو سهم و الكل يصفق و اخذ شهاده ولده و نزل ....
مديره جامعه القانون : و الان نكرم الطلاب الي ماخذين مرتبته الشرف الاولى .
طلع الدكتور يكرم و هو ينطق : الحاصله على مرتبه الشرف الاولى المحاميه : ريمان بنت فهد ال *****.
نزلت ريمان بنتها معا امها و طلعت تاخذ شهادتها و كان مكتوب بالشهاده من الدكتور مشعل بن نايف و كان مكرم ريمان بس خلوها لين التخرج شافت الاسم و بكت بهمس و هي تنزل و الكل يصفق و ابوها بين الحضور يصفق و هو العمر اخذ منه عمر .....
.......
بعد خمس سنوات بالظبط وصلنا لنهايه روايتي ...
رعد : ورع جب اختك
سهم : طيب يبه
سيلين بنت سهم و ريم جات : بابا
سهم : لبيه يعيون ابوك
سيلين : مشعل ضربني
سهم : مشعل اخوك ولا ولد ذا الدلخ و هو ياشر على فيصل
سيلين : ولد عمه افنان
سهم : اضربيه
فيصل : يويلك ان جيتي ولدي
جات ريناد : بابا
فز جدها لها : عيون بابا ارحبي يا بنت مشعل
سهم قام لها و هو يشيلها و يبوسها و يجلسها بحضنه : شفيك يا ابوي انتي
ريناد : هذال ضربني
سهم : اضربيه لا تخلين احد يضربك
فيصل : اضربيه حتى لو انه ولدي
ريناد ابتسمت لهم و هي تلعب بيد سهم
سعود : تعالي يا ريناد
ريناد قامت و جلست بحضنه
سعود : تبين البقاله ؟
ريناد هزت راسها ب اي
سعود : ابشري امشي و اخذها برا و هو ينادي الورعان كلهم و اخذهم لكشك و خلاهم يشترون الي يبون ....
...
ريمان : اخذهم سعود كلهم ؟
هديل : اي
جوا البنات و العيال و يدهم مليانه
ريناد جلست بحضن افنان و هي تعلمها ان هذال ضربها
افنان و هي تبوسها بحنيه : ضربك هذال ؟
ريناد هزت راسها ب اي
افنان عطتها حصى و هي تقول لها : روحي حطيه براسه و انحاشي لي
ريناد سمعت كلامها و هي تروح ترمي هذال و تنحاش لعمتها ....
هذال جاء يبكي: ماما ضربتني بالحصى
افنان : تستاهل الا بنت مشعل محد يضربها
ريمان ضحكت : حرام ريناد عيب تضربينه
افنان : انتي اسكتي الا يستاهل ما سوت شي المسكينه
ام سهم : تعالي ريناد و تعال يا هذال و شالتهم بحضنها و هي تبوس فيهم .....
و بكذا انتهت روايتي الجميله الي بكتني و ضحكتني اهخ صدق ....
صح موت مشعل اثر فينا كلنا بس ترا قصت مشعل فيها من الحقيقه
..
شادن و رعد تزوجوا بعض و قصتهم كانت غريبه بس رغم ذا تزوجوا بعد عناااا كبير و جابوا سهم و ريمان ...
...
سعود و هديل الطف كوبلين سعود الي مهبل في هديل و هديل اللطيفه قصتهم غريبه بعد بس تجنن و جابوا سوار و ناصر ...
...
نواف و روان يالله في ذولا الثنين هدوءءءءء عميق و بعد تعب معا الحمل عند روان حملت و جابت عساف و فهد و اكتفوا فيهم ...
...
سهم و ريم اغرب قصههههه مرت علي هم غريبه غريبه جدا
بس احلا كوبل و جابوا سيلين و رعد و مشعل ...
...
افنان و فيصل يالله ما اجملهم اتعب و انا امدحهم صراحه
جابوا الطف كائنين بعد مشعل و هذال و اكتفوا فيهم .
...
و اخيرا جميلتي و حزينتي و محاميه قلب مشعل مثل ما سماها : ريمان
اعتمدت على نفسها و صارت محاميه معروفه و انجبت عسل بنتها ريناد بنت ابوها و اكتفوا في بعض بس كان ناقصهم الحنيه العظيمه المتوفيه
حرفيا اكثر اثنين حبيتهم و نهايتهم تحزن بس تبقى ريناد هي قطعه من مشعل و الكل يشوفها مشعل ...
...
و يختمها فيصل بكلماته و يعبر عن فقد ثلاثه سنده و اخوه و رفيقين دربه :
ينتابني شي ما يعلم به الا الله
يجعلني اصد وجهي و اجلس لحالي .
عرش الهوى الي تولى فيه و احتله
لا طاح منه وش الي عاد يبقى لي
بتعم في صدري الفوضى و تحتله
و اعيش في حزني و في خيبه امالي .
...
و الان نقدر نقول انتهت اجمل روايه لي قعدنا سنه عليها و اول روايه لي اقدر اختمها بحب كبير ل ابطالي و لكم و اهخ مقدر احس دموع ما بنقول وداعا بنقول الا اللقاء لان لنا لقاء ثاني بروايتي الثانيه و اتمنى اعجبتكم و اعتذر عن اي قصور حدث مني و كل شخص دعاء كل و سب عشان موت مشعل الله يسامحه و مقبوله منكم و معا السلامه استودعتكم الله
......
روايتي : جاني و انا مالي بالمحبه ميول و حببني بسوالف ما كنت احبها
انتهت بتاريخ : 20 / 3 / 1445
...
بقلم الكاتبه : جنى الفيصل
.
تعالوا روايتي الثانيه : ما هويت بنجد العذيه الا هواها
.
حساباتي ...
انستا : rwa.j2
تيك : rwaj2
أنت تقرأ
جاني و انا مالي بالمحبه ميول وحببني بسوالف ما كنت احبها
Poesíaاول روايه لي و ان شاء الله تعجبكم . ما اسمح اقتباسها او نقلها الا بإذني . الكاتبه : جَنَىٰ . انستا : rwa.j2 تيك : rwaj2
